ಬೊಲ್ಪಾಂಡ್ ಬಾನೊಡು ಪಗ್ಗು ಒಂಜೆಗ್ ಇನಿ ।
ಅಪ್ಪೆ ಭೂದೇವಿಗ್ ನೆಸರ್ ದೇವೆರೆ ಕಣಿ ॥
ಪೊಸ ವರ್ಸೊದೊರುಟುದಿತಿ ಪರಪುದ ಪನಿ
ಕುಸಲ್ಡೆ ಆವೊಡಪ್ಪ ನಮ ಬೇಲೆ ಆನಿಕ್ಕಾನಿ||
ಸತ್ಯೋದ ಜೀಟಿಗೆ ಪೊತ್ತಾಯಿ ನಂದಲ
ನಿತ್ಯೋದ ಪೂಜೆಗ್ ಪೂ ಪಜಿರ್ ಅಲ-ಪಲ ॥
ಮಣಿಮಂಚ ಏರಾಯಿ ಎರಿಯೆರೆಗ್ ಎರಗೊನ್ಲ
ಕಣಿತವುಲು ಕೈಮುಗಿದ್ ದೇಬೆರೆನ್ ತೂಲ
ಮಣ್ಣ್ ದ ಮಂದೆಲು ತುಳುವೆರೆನ ಸಿಂಗಾರ
ಕಣ್ಣ್ ಗ್ ತುಡರಾಂಡ್ ಅರಿ ಬಾರ್ ಬಂಗಾರ ॥
ಎರ್ತೆಡ್ ಉರಿಸಿರಿಡ್ ಮೆರೆವೊಡು ಸಂಸಾರ
ತುತ್ತೈತ ಪದ್ದೆಯಿ ಪನವುಡು ಸಾಕಾರ||
ಸುಖ ಕಷ್ಟ ಪಟ್ಟೋಂದು ಒಂಜಾದ್ ಬದ್ಕ್ ಲೆ
ದುಕ್ಕ ದುಮ್ಮಾನೊನಂಚಿ ತಟ್ಸ್ ಪಾರಾಲೆ ॥
ಬಿಸುಪರ್ಬೊದಡ್ಡಿಡ್ ದಡಿಬೊಟ್ಟು ನಲಿಪುಲೆ
ಐಸಿರೊದ ಸಿರಿತುಪ್ಪೆ ತುಳುವಪ್ಪೆ ಜೋಕುಲೆ||
ಕಣಿದೀಲೆ ಕಮ್ಮೆನ ಗಮೆಸಾಲೆ ಬಂದುಲೆ
ಪನಿತಾಂಡಲ ಪರಪೋಕು ಒರಿಪಾಲೆ ||
ಒರಮಾತ ಒಂಜಾಲೆ ಉಂಡು ತಿಂದ್ ಗೊಬ್ಬುಲೆ
ಗುರು-ದೈವ ದೇವೆರೆನ್ ಮನಸಾರೆ ಸುಗಿಪುಲೆ ||
- ಭಾಸ್ಕರ ರೈ ಕುಕ್ಕುವಳ್ಳಿ
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
