ಮಂಗಳೂರು: ಮಂಗಳೂರಿನ ಫಿಜಾ ಬೈ ನೆಕ್ಸಸ್ ಮಾಲ್, ಮಕ್ಕಳ ಸೃಜನಶೀಲತೆ, ಕಲಿಕೆ ಮತ್ತು ಮೋಜಿನ ತಾಣವಾಗಿ ಬದಲಾಗಲು ಸಜ್ಜಾಗಿದೆ. ಏಪ್ರಿಲ್ 18 ರಿಂದ ಮೇ 24, 2026 ರವರೆಗೆ ಮಾಲ್ನಲ್ಲಿ ‘ದ ಸಮ್ಮರ್ ಕಿಡ್ಸ್ ಫೆಸ್ಟಿವಲ್ 2026’ ಆಯೋಜಿಸಲಾಗಿದೆ.
ಮಕ್ಕಳಿಗಾಗಿ ವಿಶೇಷವಾಗಿ ವಿನ್ಯಾಸಗೊಳಿಸಲಾದ ಈ ಹಬ್ಬವು ಉದ್ಯಮಶೀಲತೆ, ಸೃಜನಶೀಲತೆ, ಕಲೆಗಳು ಮತ್ತು ಆಟೋಟಗಳ ಸಂಯೋಜನೆಯಾಗಿದೆ. ಮಕ್ಕಳು ಕೇವಲ ವೀಕ್ಷಕರಾಗದೆ, ಪ್ರತಿಯೊಂದು ಚಟುವಟಿಕೆಯಲ್ಲೂ ಸಕ್ರಿಯವಾಗಿ ಪಾಲ್ಗೊಳ್ಳುವಂತೆ ಇದನ್ನು ರೂಪಿಸಲಾಗಿದೆ.
ಈ ಉತ್ಸವದಲ್ಲಿ ಮಲ್ಟಿ-ಜೋನ್ ಪೆವಿಲಿಯನ್ ಸೆಟಪ್ ಇರಲಿದ್ದು, ಮಕ್ಕಳು ಒಂದೇ ಭೇಟಿಯಲ್ಲಿ ಡಿಸ್ಕವರಿ, ಕ್ರಿಯೇಟಿವ್ ಸ್ಕಿಲ್ಸ್, ಕಲೆ ಮತ್ತು ಇಕೋ-ಲರ್ನಿಂಗ್ ವಲಯಗಳನ್ನು ಅನುಭವಿಸಬಹುದು. ಆಕರ್ಷಕ ಕಾರ್ಯಕ್ರಮಗಳ ಮೂಲಕ ಮಂಗಳೂರಿನ ಕುಟುಂಬಗಳಿಗೆ ಈ ಬೇಸಿಗೆಯಲ್ಲಿ ಫಿಜಾ ಬೈ ನೆಕ್ಸಸ್ ಅತ್ಯುತ್ತಮ ತಾಣವಾಗಲಿದೆ.
1ನೇ ವಾರ (ಏಪ್ರಿಲ್ 18 – ಏಪ್ರಿಲ್ 19): ಪಾಕಕಲೆ ಮತ್ತು ಚಟುವಟಿಕೆಗಳ ಆರಂಭ
ವಿವಿಧ ಆಕ್ಟಿವಿಟಿ ಝೋನ್ಗಳೊಂದಿಗೆ ಹಬ್ಬಕ್ಕೆ ಚಾಲನೆ ಸಿಗಲಿದೆ. ಇದರೊಂದಿಗೆ 'ಲಿಟಲ್ ಚೆಫ್ ಅಟ್ ದ ಮಾಲ್' ಸ್ಪರ್ಧೆಯ ಪ್ರಾಥಮಿಕ ಸುತ್ತುಗಳು ಮತ್ತು ಗ್ರ್ಯಾಂಡ್ ಫಿನಾಲೆ ನಡೆಯಲಿದ್ದು, ಪುಟಾಣಿಗಳಿಗೆ ಪಾಕಕಲೆಯ ಅನುಭವ ನೀಡಲಿದೆ.
2ನೇ ವಾರ (ಏಪ್ರಿಲ್ 23 – ಏಪ್ರಿಲ್ 26): ಸೃಜನಶೀಲ ಕೌಶಲ ಮತ್ತು ಅಭಿವ್ಯಕ್ತಿ
ವಾರವಿಡೀ ಚಟುವಟಿಕೆ ವಲಯಗಳು ಮುಂದುವರಿಯಲಿವೆ. ವಾರಾಂತ್ಯದಲ್ಲಿ 'ಬಿಕಮ್ ಆನ್ ಆಥರ್' ಸೆಷನ್ ಮತ್ತು ಪ್ಲಾನೆಟೇರಿಯಂ ಶೋ ಮೂಲಕ ಮಕ್ಕಳಲ್ಲಿ ಅನ್ವೇಷಣಾ ಮನೋಭಾವವನ್ನು ಉತ್ತೇಜಿಸಲಾಗುತ್ತದೆ.
3ನೇ ವಾರ (ಮೇ 7 – ಮೇ 10): ಸಂಭ್ರಮ ಮತ್ತು ಸಂವಹನ
ಚಟುವಟಿಕೆ ವಲಯಗಳ ಜೊತೆಗೆ, ವಾರಾಂತ್ಯದಲ್ಲಿ ವಿಶೇಷ 'ತಾಯಂದಿರ ದಿನಾಚರಣೆ'ಯನ್ನು ಆಯೋಜಿಸಲಾಗಿದ್ದು, ಕುಟುಂಬಗಳಿಗಾಗಿ ಆಕರ್ಷಕ ಕಾರ್ಯಕ್ರಮಗಳು ಇರಲಿವೆ.
4ನೇ ವಾರ (ಮೇ 21 – ಮೇ 24): ಕಲಿಕೆ ಮತ್ತು ಬಾಲ ಉದ್ಯಮಿಗಳು
ಅಂತಿಮ ವಾರದಲ್ಲಿ 'ಜೂನಿಯರ್ ಎಂಟರ್ಪ್ರೆನರ್ಸ್- ಕಿಡ್ಸ್ ಫ್ಲೀ ಮಾರ್ಕೆಟ್' ಮತ್ತು ತಜ್ಞರ ಉಪನ್ಯಾಸ ಇರಲಿದೆ. ಇದು ಮಕ್ಕಳಲ್ಲಿ ಉದ್ಯಮಶೀಲತೆ ಮತ್ತು ಸೃಜನಶೀಲ ಕಲಿಕೆಯನ್ನು ಉತ್ತೇಜಿಸುತ್ತದೆ.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
