ಕ್ಯಾಲಿಫೋರ್ನಿಯಾ:
ಜಾಗತಿಕ ತಂತ್ರಜ್ಞಾನ ದಿಗ್ಗಜ ಆಪಲ್ ದೀರ್ಘಕಾಲದ ಸಿಇಒ
ಟಿಮ್ ಕುಕ್ ತಮ್ಮ ಸ್ಥಾನಕ್ಕೆ
ರಾಜೀನಾಮೆ ನೀಡಿದ್ದು, ಅವರ
ಸ್ಥಾನಕ್ಕೆ ಹಾರ್ಡ್ವೇರ್ ಎಂಜಿನಿಯರಿಂಗ್ ವಿಭಾಗದ
ಮುಖ್ಯಸ್ಥ ಜಾನ್ ಟೆರ್ನಸ್ ಅವರನ್ನು
ಹೊಸ ಸಿಇಒ ಆಗಿ ನೇಮಕ
ಮಾಡಲಾಗಿದೆ.
ಕೃತಕ
ಬುದ್ಧಿಮತ್ತೆ (AI) ತಂತ್ರಜ್ಞಾನ ವೇಗವಾಗಿ ಬೆಳೆಯುತ್ತಿರುವ ಈ ಹಿನ್ನಲೆಯಲ್ಲಿ ಈ
ಬದಲಾವಣೆ ಮಹತ್ವ ಪಡೆದಿದೆ. ಹೊಸ ಸಿಇಒ ಜಾನ್
ಟೆರ್ನಸ್ ಅವರು AI ಯುಗದ ಸವಾಲುಗಳನ್ನು ಎದುರಿಸುವ
ಹೊಣೆಗಾರಿಕೆಯನ್ನು ಹೊಂದಿದ್ದಾರೆ ಎಂದು ವರದಿಯಲ್ಲಿ ಹೇಳಲಾಗಿದೆ.
2011ರಲ್ಲಿ
ಸ್ಟೀವ್ ಜಾಬ್ಸ್ ನಂತರ ಸಿಇಒ ಆಗಿದ್ದ
ಟಿಮ್ ಕುಕ್ ಅವರ ಅವಧಿಯಲ್ಲಿ
ಆಪಲ್ ಕಂಪನಿ ಜಾಗತಿಕ ಮಟ್ಟದಲ್ಲಿ 3 ಟ್ರಿಲಿಯನ್ ಡಾಲರ್ ಮೌಲ್ಯವನ್ನು ದಾಟಿದೆ. ಆಪಲ್ ವಾಚ್, ಏರ್ಪಾಡ್ಸ್ ಮತ್ತು ವಿಷನ್ ಪ್ರೊ ಸೇರಿದಂತೆ ಹಲವು
ಉತ್ಪನ್ನಗಳ ಮೂಲಕ ಕಂಪನಿಯ ವ್ಯಾಪ್ತಿ
ವಿಸ್ತರಿಸಲಾಗಿದೆ.
ಜಾನ್
ಟೆರ್ನಸ್ 2001ರಿಂದ ಆಪಲ್ನಲ್ಲಿ
ಕಾರ್ಯನಿರ್ವಹಿಸುತ್ತಿದ್ದು,
ಹಾರ್ಡ್ವೇರ್ ವಿನ್ಯಾಸ ಮತ್ತು
ಎಂಜಿನಿಯರಿಂಗ್ ಕ್ಷೇತ್ರದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಮೊದಲ ತಲೆಮಾರಿನ ಐಪ್ಯಾಡ್,
ಐಫೋನ್ ಹಾಗೂ M-ಸರಣಿ ಚಿಪ್ಗಳ
ಅಭಿವೃದ್ಧಿಯಲ್ಲಿ ಅವರು ಮಹತ್ವದ ಕೊಡುಗೆ
ನೀಡಿದ್ದಾರೆ ಎಂದು ವರದಿಯಾಗಿದೆ.
ಟಿಮ್
ಕುಕ್ ಮುಂದುವರಿದು ಎಕ್ಸಿಕ್ಯೂಟಿವ್ ಚೇರ್ಮನ್ ಆಗಿ ಕಾರ್ಯನಿರ್ವಹಿಸಲಿದ್ದಾರೆ ಹಾಗೂ ಹೊಸ
ಸಿಇಒಗೆ ಮಾರ್ಗದರ್ಶನ ನೀಡಲಿದ್ದಾರೆ ಎಂದು ತಿಳಿದುಬಂದಿದೆ. ಈ
ಬದಲಾವಣೆ ತಂತ್ರಜ್ಞಾನ ವಲಯದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದ್ದು,
ಆಪಲ್ನ ಮುಂದಿನ ಹಾದಿ
ಕುರಿತು ಜಾಗತಿಕ ಕುತೂಹಲ ಹೆಚ್ಚಾಗಿದೆ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
