ಬಳ್ಳಾರಿ: ಬಳ್ಳಾರಿ ನಗರದ ಪ್ರತಿಷ್ಠಿತ ತಾಂತ್ರಿಕ ಶಿಕ್ಷಣ ಸಂಸ್ಥೆಯಾದ ವೀ.ವಿ.ಸಂಘದ – ರಾವ್ ಬಹದ್ದೂರ್ ವೈ ಮಹಾಬಲೇಶ್ವರಪ್ಪ ತಾಂತ್ರಿಕ ಮಹಾವಿದ್ಯಾಲಯದಲ್ಲಿ ಕಂಪ್ಯೂಟರ್ ಸೈನ್ಸ್ ಮತ್ತು ಇಂಜಿನಿಯರಿಂಗ್ ವಿಭಾಗ ( ಆರ್ಟಿಷಿಯಲ್ ಇಂಟಲಿಜೆನ್ಸ್ ಅಂಡ್ ಮೆಷಿನ್ ಲರ್ನಿಂಗ್) ವತಿಯಿಂದ “ಏಐ ಫ್ಯೂಷನ್: ಎಕ್ಸ್ ಫ್ಲೋರಿಂಗ್ ಜನರೇಟಿವ್ ಏಐ” ಕುರಿತು ಎಐಸಿಟಿಇ ತರಬೇತಿ ಮತ್ತು ಕಲಿಕೆ (ಅಟಲ್) ಅಕಾಡೆಮಿಯ ಅಡಿಯಲ್ಲಿ 6 ದಿನದ ಫ್ಯಾಕಲ್ಟಿ ಡೆವೆಲಪ್‌ಮೆಂಟ್ ಕಾರ್ಯಕ್ರಮ” ಜರುಗಿತು.

ಈ ಕಾರ್ಯಕ್ರಮದ ಸಮಾರೋಪ ಸಮಾರಂಭಂದಲ್ಲಿ ಮುಖ್ಯ ಅತಿಥಿ, ಸಂಪನ್ಮೂಲವ್ಯಕ್ತಿಯಾಗಿ ಬೆಂಗಳೂರಿನ ಆರ್.ಎನ್.ಎಸ್.ಐ.ಟಿ ಕಾಲೇಜಿನ ಡಾ.ಸುರೇಶ್.ಎಲ್, ಆರ್.ವೈ.ಎಂ.ಇ.ಸಿ ಕಾಲೇಜಿನ ಪ್ರಾಂಶುಪಾಲರು ಡಾ.ಟಿ.ಹನುಮಂತ ರೆಡ್ಡಿ, ಸಂಯೋಜಕರು ಡಾ.ಸಾಯಿ ಮಾಧವಿ ಮುಖ್ಯಸ್ಥರು, ಸಿಎಸ್‌ಈ ವಿಭಾಗ, ಸಹ-ಸಂಯೋಜಕರು- ಡಾ.ಬಸವರಾಜ ಕುಸಮ್ಮನವರ್, ಸಹಾಯಕ ಪ್ರಾಧ್ಯಾಪಕ, ಸಿಎಸ್‌ಈ ವಿಭಾಗ, ಆರ್.ವೈ.ಎಂ.ಇ.ಸಿ ಕಾಲೇಜಿನ ಸಿಎಸ್‌ಈ ವಿಭಾಗ ಸಿಬ್ಬಂದಿ-ಸಹಾಯಕ ಪ್ರಾಧ್ಯಾಪಕರು ಗಂಗಾಧರ್.ಜಿ.ಹೆಚ್, ಸುಮನ.ಸಿ.ಎಮ್, ಅಮರೀಶ, ಕಾಲೇಜಿನ ಸಿಬ್ಬಂದಿ ಮಂಜುಳಾ ಪಾಟೀಲ್, ಸೌಮ್ಯ.ಏ, ಡಾ.ಪ್ರಭಾವತಿ, ಡಾ. ಚಿನ್ನಾವಿಗೌಡರ್, ಡಾ. ರಾಘವೇಂದ್ರ ಪ್ರಸಾದ್, ಶ್ರೀಮತಿ ಶೀಲ, ಉಮಾದೇವಿ, ಬೋಧಕ- ಬೋಧಕೇತರರ ಸಿಬ್ಬಂದಿಯವರು ಭಾಗವಹಿಸಿದ್ದರು.

ಮುಖ್ಯ ಅತಿಥಿ, ಡಾ.ಸುರೇಶ್.ಎಲ್, ಮಾತನಾಡಿ ನಿಮ್ಮಲ್ಲಿರುವ ಜ್ಞಾನವನ್ನು ಇತರರಿಗೆ ಹಂಚಿದಾಗ ಮಾತ್ರ ಕಲಿತದ್ದು ಸಾರ್ಥಕವಾಗುತ್ತಿದೆ, ಯುವ ಉದಯೋನ್ಮುಖ ಇಂಜಿನಿಯರ್‌ಗಳಿಗೆ ತಮ್ಮ ಸಂಶೋಧನಾ ಆಲೋಚನೆಗಳು, ಫಲಿತಾಂಶಗಳು ಮತ್ತು ಸಂಭಾವ್ಯ ಅಪ್ಲಿಕೇಶನ್‌ಗಳನ್ನು ಪ್ರಸ್ತುತ ಪಡಿಸಲು ಮತ್ತು ಚರ್ಚಿಸಲು ಇಂತಹ ವೇದಿಕೆ ಅವಶ್ಕವಾಗಿವೆ, ಇದು ಜ್ಞಾನ ಮತ್ತು ಮಾಹಿತಿಯ ಯುಗ, ನೀವು ಅಭಿವೃದ್ಧಿಯ ಮಾಹಿತಿಯನ್ನು ಪಡೆದುಕೊಳ್ಳದಿದ್ದರೆ, ನೀವು ಅವಕಾಶಗಳ ಓಟದಿಂದ ಹೊರಗುಳಿಯುತ್ತೀರಿ, ಈ ರೀತಿಯ ಶಿಕ್ಷಕರ ಅಭಿವೃದ್ಧಿ ಕಾರ್ಯಕ್ರಮಗಳು, ವೃತ್ತಿಪರ ಅಭಿವೃದ್ಧಿ ಕಾರ್ಯಕ್ರಮಗಳು, ಯೂಟ್ಯೂಬ್ ಇಂಟರ್ನೆಟ್, ಇತ್ಯಾದಿ ಸಾಕಷ್ಟು ಸಂಪನ್ಮೂಲಗಳಿವೆ ಅವುಗಳನ್ನು ಸರಿಯಾದ ರೀತಿಯಲ್ಲಿ ಬಳಸಿಕೊಳ್ಳಿ” ಎಂದು ತಿಳಿಸಿದರು.

ಡಾ.ಟಿ.ಹನುಮಂತರೆಡ್ಡಿ ಮಾತನಾಡಿ, “ನೀವು ದೀರ್ಘಕಾಲ ಬದುಕಿರುವಂತೆ ಕಲಿಯಿರಿ ಮತ್ತು ಜೀವನಕ್ಕಾಗಿ ಕಲಿಯಿರಿ ಎಂಬ ಮಾತಿದೆ, ಈ ರೀತಿಯ ಅತ್ಯಾಧುನಿಕ ತಂತ್ರಜ್ಞಾನ ಶಿಕ್ಷಕರ ಕಾರ್ಯಕ್ರಮಗಳಲ್ಲಿನ ಕೆಲವು ಸವಾಲಿನ ಸಮಸ್ಯೆಗಳಿವೆ-ಮೊದಲನೆಯದಾಗಿ ಆಲ್ ಇಂಡಿಯಾ ಟೆಕ್ನಿಕಲ್ ಎಜುಕೇಶನ್ ಸೊಸೈಟಿಯಿಂದ ಅನುಮೋದನೆ ಪಡೆಯುವುದು, ಎರಡನೆಯದಾಗಿ ಸಂಪನ್ಮೂಲ ವ್ಯಕ್ತಿಗಳಾಗಿರುವ ಸರಿಯಾದ ವ್ಯಕ್ತಿಗಳನ್ನು ವ್ಯವಸ್ಥೆಗೊಳಿಸುವುದು, ಮೂರನೆಯದು ಕಾರ್ಯಕ್ರಮಗಳಲ್ಲಿನ ಭಾಗವಹಿಸುವವರು ಆ ಸಂಪನ್ಮೂಲ ವ್ಯಕ್ತಿಗಳಿಂದ ಹಂಚಿಕೊಂಡ ಜ್ಞಾನವನ್ನು ಪಡೆದುಕೊಳ್ಳುವಂತೆ ಮಾಡುವುದು ಅಥವಾ ಅವರನ್ನು ಒಳಗೊಳ್ಳುವುದು. ಕೃತಕ ಬುದ್ಧಿಮತ್ತೆಯ ಭವಿಷ್ಯವು ಜನರೇಟಿವ್-ಎ.ಐ ನಲ್ಲಿದೆ, ಅನ್ವೇಷಿಸಲು ಸಾಕಷ್ಟು ಸವಾಲಿನ ಕೃತಕ ಬುದ್ಧಿಮತ್ತೆಯ ಕ್ಷೇತ್ರಗಳಿವೆ”ಎಂದರು.

ಸಂಯೋಜಕರು ಡಾ.ಸಾಯಿ ಮಾಧವಿ ಮುಖ್ಯಸ್ಥರು, ಸಿಎಸ್‌ಈ ವಿಭಾಗ ಇವರು ಸಂಕ್ಷಿಪ್ತವಾಗಿ ಆರು ದಿನದ ಕಾರ್ಯಾಗಾರದ ಮುಖ್ಯಾಂಶಗಳನ್ನು ವಿವರಿಸುತ್ತಾ “ಕೃತಕ ಬುದ್ಧಿಮತ್ತೆ, ಜನರೇಟಿವ್-ಎಐ- ಪರಿಕಲ್ಪನೆಗಳೊಂದಿಗೆ ಪ್ರಾರಂಭಿಸಿ, ತಂತ್ರಜ್ಞಾನದ ಪ್ರವೃತ್ತಿಗಳೊಂದಿಗೆ ಮುಂದುವರಿಯುತ್ತದೆ, ಕೈಗಾರಿಕೆಗಳಾದ್ಯಂತ ಜನರೇಟಿವ್ ಉತ್ಪನ್ನ ವಿನ್ಯಾಸ ಮತ್ತು ಡಿಜಿಟಲ್ ವಿಷಯ ರಚನೆ, ಕೃತಕ ಬುದ್ಧಿವಂತಿಕೆ, ಮತ್ತು, ಜನರೇಟಿವ್-ಎ.ಐ ಅಂದರೆ ಉತ್ಪಾದಕ -ಕೃತಕ ಬುದ್ಧಿಮತ್ತೆ- ಸೃಜನಾತ್ಮಕತೆ, ಹೊಂದಿಕೊಳ್ಳುವಿಕೆ ಮತ್ತು ಸಾಮಾನ್ಯೀಕರಣದ ಸಾಮರ್ಥ್ಯವನ್ನು ಒದಗಿಸಲು ಡೇಟಾ-ಚಾಲಿತ ಕಲಿಕೆಯನ್ನು ನಿಯಂತ್ರಿಸುತ್ತದೆ. ಮತ್ತೊಂದೆಡೆ, ಸಾಂಪ್ರದಾಯಿಕ ಎಐ ಉತ್ತಮವಾಗಿ ವ್ಯಾಖ್ಯಾನಿಸಲಾದ ನಿಯಮಗಳು ಮತ್ತು ನಿರ್ದಿಷ್ಟ ಪರಿಣತಿ ಯೊಂದಿಗೆ ಡೊಮೇನ್ಗಳಲ್ಲಿ ಉತ್ತಮವಾಗಿದೆ, ಪಾರದರ್ಶಕತೆ ಮತ್ತು ವಿಶ್ವಾಸಾರ್ಹತೆ ಯನ್ನು ನೀಡುತ್ತದೆ,” ವಿವರಿಸಿದರು.

ಶ್ರೀಮತಿ ಆಲದಳ್ಳಿ ಸೌಮ್ಯ ಕಾರ್ಯಕ್ರಮ ನಿರೂಪಿಸಿದರು, ಸಹ-ಸಂಯೋಜಕರು- ಡಾ ಬಸವರಾಜ ಕುಸಮ್ಮನವರ್ ವಂದಿಸಿದರು, ಆರ್.ವೈ.ಎಂ.ಇ.ಸಿ ಕಾಲೇಜಿನ ಎಲ್ಲಾ ವಿಭಾಗದ ಮುಖ್ಯಸ್ಥರುಗಳು, ಬೋಧಕ- ಬೋಧಕೇತರರ ಸಿಬ್ಬಂದಿಯವರು ಭಾಗವಹಿಸಿದ್ದರು. ವೀ.ವಿ.ಸಂಘದ ಅಧ್ಯಕ್ಷರು ಅಲ್ಲಂ ಗುರುಬಸವರಾಜ, ಉಪಾಧ್ಯಕ್ಷರು ಜಾನೇಕುಂಟೆ ಬಸವರಾಜ, ಕಾರ್ಯದರ್ಶಿಗಳು ಡಾ.ಅರವಿಂದ್ ಪಟೇಲ್, ಸಹ ಕಾರ್ಯದರ್ಶಿ ಯಾಳ್ಪಿ ಮೇಟಿ ಪಂಪನಗೌಡ, ಕೋಶಾಧಿಕಾರಿಗಳು ಬೈಲುವದ್ದಿಗೇರಿ ಯರ‍್ರಿಸ್ವಾಮಿ ಶುಭಹಾರೈಸಿದರು.

ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ

ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ