ಮಂಗಳೂರು: ಸಂತ ಅಲೋಶಿಯಸ್ ಪರಿಗಣಿತ ವಿಶ್ವವಿದ್ಯಾಲಯದ ಸ್ಕೂಲ್ ಆಫ್ ಆರ್ಟ್ಸ್ ಆಂಡ್ ಹುಮಾನಿಟಿಸ್ ನ ಮಾಧ್ಯಮ ಅಧ್ಯಯನ ವಿಭಾಗವು “ಶೂಟಿಂಗ್ ಸ್ಟಾರ್ಸ್ 2026” ಎಂಬ ರಾಷ್ಟ್ರೀಯ ಮಾಧ್ಯಮ ವಿಚಾರ ಸಂಕಿರಣ ಮತ್ತು ಚಲನಚಿತ್ರೋತ್ಸವವನ್ನು ಮಾರ್ಚ್ 12, 2026ರಂದು ಯಶಸ್ವಿಯಾಗಿ ಆಯೋಜಿಸಿತು. “ಸಂವಹನ ಮತ್ತು ಸೃಜನಶೀಲತೆಯ ಸಂಗಮ” ಎಂಬ ವಿಷಯದಡಿ ನಡೆದ ಈ ಕಾರ್ಯಕ್ರಮಕ್ಕೆ ಸ್ಪಾರ್ಕಲ್ ಗಿಫ್ಟ್ ಕಾರ್ಡ್ ಸಹಪ್ರಾಯೋಜಕತ್ವ ನೀಡಿತು. ಈ ಕಾರ್ಯಕ್ರಮದಲ್ಲಿ ವಿದ್ಯಾರ್ಥಿಗಳು, ಅಧ್ಯಾಪಕರು, ಮಾಧ್ಯಮ ವೃತ್ತಿಪರರು ಮತ್ತು ಸಿನೆಮಾ ಆಸಕ್ತರು ಭಾಗವಹಿಸಿದರು.
ಕನ್ನಡ ಚಲನಚಿತ್ರ ನಟ ವಿಜಯ್ ರಾಘವೇಂದ್ರ ಕಾರ್ಯಕ್ರಮವನ್ನು ಉದ್ಘಾಟಿಸಿದರು. ಚಿನ್ನಾರಿ ಮುತ್ತ ಚಿತ್ರದ ಮೂಲಕ ಪ್ರಸಿದ್ಧರಾದ ಅವರು, ಬಿಗ್ ಬಾಸ್ ಕನ್ನಡ ಕಾರ್ಯಕ್ರಮದ ತಮ್ಮ ಪ್ರಯಾಣದ ವೇಳೆ ಅಭಿಮಾನಿಗಳಿಂದ ಪಡೆದ ಬೆಂಬಲಕ್ಕೆ ಕೃತಜ್ಞತೆ ಸಲ್ಲಿಸಿದರು. ಕಥೆ ಹೇಳುವ ಶಕ್ತಿಯ ಮಹತ್ವವನ್ನು ಅವರು ಒತ್ತಿ ಹೇಳಿ, ವಿದ್ಯಾರ್ಥಿಗಳು ಮೂಲಭೂತ ಕನ್ನಡ ವಿಷಯಗಳನ್ನು ರಚಿಸುವಂತೆ ಕರೆ ನೀಡಿದರು. ಪ್ಯಾನ್-ಇಂಡಿಯನ್ ಸಿನೆಮಾದ ವ್ಯಾಪ್ತಿಯನ್ನು ಪ್ರಶಂಸಿಸಿದ ಅವರು, ಸೃಜನಶೀಲರು ಪ್ರಾಮಾಣಿಕರಾಗಿರಬೇಕು, ಕಠಿಣ ಪರಿಶ್ರಮ ಮಾಡಬೇಕು ಮತ್ತು ಸೃಜನಾತ್ಮಕ ಪ್ರಕ್ರಿಯೆಯನ್ನು ಆನಂದಿಸಬೇಕು ಎಂದು ಪ್ರೇರಣೆ ನೀಡಿದರು.
‘ದಿ ಪ್ರಾಕ್ಟೀಸ್’ ಸಂಸ್ಥೆಯ ಸ್ಥಾಪಕಾಧ್ಯಕ್ಷರಾದ ನಂದಿತಾ ಲಕ್ಷ್ಮಣನ್ ಮುಖ್ಯ ಭಾಷಣದಲ್ಲಿ, “ಪ್ರಾಮಾಣಿಕತೆಯೊಂದಿಗೆ ನಾಯಕತ್ವ” ಎಂಬ ವಿಷಯದ ಮೇಲೆ ಮಾತನಾಡಿದರು. ವಿದ್ಯಾರ್ಥಿಗಳು ತಮ್ಮ ವೃತ್ತಿಜೀವನದ ಅಡಿಪಾಯವಾಗಿ ಪ್ರಾಮಾಣಿಕತೆಯನ್ನು ಅಳವಡಿಸಿಕೊಳ್ಳಬೇಕು. ನಿಜವಾದ ಆತ್ಮವಿಶ್ವಾಸವು ವ್ಯಕ್ತಿಯ ಮೌಲ್ಯಗಳನ್ನು ಕಾಪಾಡಿಕೊಳ್ಳುವುದರಿಂದ ಬರುತ್ತದೆ ಎಂದು ಹೇಳಿದರು. ನೈತಿಕ ಸಂವಹನ, ಪಾರದರ್ಶಕತೆ ಮತ್ತು ಸ್ವತಂತ್ರ ಚಿಂತನೆಯ ಮಹತ್ವವನ್ನು ವಿವರಿಸಿ, ಭವಿಷ್ಯದ ವೃತ್ತಿಪರರು ಸ್ಥಳೀಯ ನೈಜ ಕಥೆಗಳನ್ನು ಹೇಳಿ ಪ್ರತಿಯೊಂದು ಸಂದೇಶದಲ್ಲೂ ಪ್ರಾಮಾಣಿಕತೆ ಮತ್ತು ವಿಶ್ವಾಸಾರ್ಹತೆಯನ್ನು ಉಳಿಸಬೇಕು ಎಂದು ಪ್ರೇರಣೆ ನೀಡಿದರು.
ಆಡಳಿತ ಬ್ಲಾಕ್ ನಿರ್ದೇಶಕರಾದ ಡಾ. ಚಾಲ್ಸ್ ವಿ. ಫುರ್ಟಾಡೋರವರು ಅಧ್ಯಕ್ಷೀಯ ಭಾಷಣದಲ್ಲಿ, “ಶೂಟಿಂಗ್ ಸ್ಟಾರ್ಸ್” ಕಾರ್ಯಕ್ರಮದ ಎರಡು ದಶಕಗಳ ಪ್ರಯಾಣವನ್ನು ವಿವರಿಸಿದರು. ವಿದ್ಯಾರ್ಥಿಗಳು ಪ್ರಾಮಾಣಿಕತೆ, ಕರುಣೆ ಮತ್ತು ನೈಜತೆಯನ್ನು ಉಳಿಸಿಕೊಂಡು ತಮ್ಮ ಪ್ರತಿಭೆಯನ್ನು ಬೆಳೆಸಿಕೊಳ್ಳಬೇಕು ಹಾಗೂ ಸಮಾಜಕ್ಕೆ ಸಕಾರಾತ್ಮಕ ಕೊಡುಗೆ ನೀಡಬೇಕು ಎಂದು ಅವರು ಸಲಹೆ ನೀಡಿದರು.
ಮೊದಲ ತಾಂತ್ರಿಕ ಅಧಿವೇಶನದಲ್ಲಿ ನಿರ್ಮಾಪಕ ದೀಪಿತ್ ಕುಂದರ್ ನಡೆಸಿದರು. ಎರಡನೇ ಅಧಿವೇಶನದಲ್ಲಿ ಕಂಟೆಂಟ್ ಕ್ರಿಯೇಟರ್ ಹಾಗೂ ವ್ಲಾಗರ್ ಲಕ್ಷ್ಮಿ ಶೆಣೈ ನಡೆಸಿದರು.
ಸಮಾರೋಪ ಸಮಾರಂಭದಲ್ಲಿ ‘ಕಜ್ಜ’ ಚಿತ್ರದ ಪ್ರಚಾರ ತಂಡದೊಂದಿಗೆ ಸಂವಾದ ನಡೆಯಿತು. ಸಿದ್ಧಾರ್ಥ್ ಶೆಟ್ಟಿ, ವೆನ್ಸಿಟಾ ಡಯಾಸ್, ಮೋಹನ್, ಚಿರಾಗ್ ಬಜಾಲ್, ಪ್ರಜ್ವಲ್ ಎನ್.ಡಿ. ಮತ್ತು ಭವಿಷ್ ಅವರು ಭಾಗವಹಿಸಿದ್ದು.
ವಿಶ್ವವಿದ್ಯಾಲಯದ ಡಿಪ್ಲೊಮಾ ಇನ್ ಡಿಜಿಟಲ್ ಮಾರ್ಕೆಟಿಂಗ್ ಕೋರ್ಸ್ನ ಪೋಸ್ಟರ್ ಅನಾವರಣಗೊಳಿಸಿದರು.
ಐಟಿ ಬ್ಲಾಕಿನ ನಿರ್ದೇಶಕಿ ಡಾ. ಲೊವೀನಾ ಲೋಬೋ ಅವರು ಸ್ಥೈರ್ಯ, ಕುತೂಹಲ ಮತ್ತು ಪರಿಶ್ರಮದ ಮಹತ್ವವನ್ನು ವಿವರಿಸಿ, ಜಪಾನಿನ ಕಿಂತ್ಸುಗಿ ತತ್ವವನ್ನು ಉಲ್ಲೇಖಿಸಿದರು. ನಂತರ ಫೋಟೋಗ್ರಫಿ, ಸಾಕ್ಷ್ಯಚಿತ್ರ ಮತ್ತು ಕಿರುಚಿತ್ರ ವಿಭಾಗಗಳಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಿಸಲಾಯಿತು.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
