• ಸ್ಟಾರ್ಬಕ್ಸ್ ಕಾಫಿ ಕಂಪನಿ ಮತ್ತು ಟಾಟಾ ಸ್ಟಾರ್ಬಕ್ಸ್ ನಡುವಿನ ಸಹಯೋಗದಲ್ಲಿ ರೂಪುಗೊಂಡಿರುವ ಈ ಎಫ್‌ಎಸ್‌ಪಿ, 2030ರ ವೇಳೆಗೆ 10,000 ಭಾರತೀಯ ಕಾಫಿ ಬೆಳೆಗಾರರನ್ನು ಸಬಲೀಕರಣಗೊಳಿಸುವ ಗುರಿ ಹೊಂದಿದೆ.
• ಈ ವಾರ ದೆಹಲಿ ಎನ್ ಸಿ ಆರ್ ನಲ್ಲಿ ಸ್ಟಾರ್ಬಕ್ಸ್ ತನ್ನ ಭಾರತದ 500ನೇ ಕಾಫಿ ಹೌಸ್ ತೆರೆಯಲಿದೆ, ಈ ವಿಶೇಷ ಸ್ಟಾರ್ ಬಕ್ಸ್ ರಿಸರ್ವ್® ಕಾಫಿಹೌಸ್ ಪ್ರೀಮಿಯಂ ಮತ್ತು ತೀವ್ರವಾದ ಕಾಫಿ ಅನುಭವ ನೀಡುವ ಮಳಿಗೆ ಆಗಿರಲಿದೆ.
ಮಂಗಳೂರು: ಭಾರತದಲ್ಲಿ ಕಾಫಿ ವಿಭಾಗದಲ್ಲಿ ಮುಂಚೂಣಿಯಲ್ಲಿರುವ ಅತ್ಯಂತ ಪ್ರತಿಷ್ಠಿತ ಸ್ಟಾರ್ಬಕ್ಸ್ ಕಾಫಿ ಕಂಪನಿಯು ಮಾರುಕಟ್ಟೆಯಲ್ಲಿ ತನ್ನ ಕಾಫಿ ವಿಭಾಗದ ನಾಯಕತ್ವವನ್ನು ಇನ್ನಷ್ಟು ಗಟ್ಟಿಗೊಳಿಸುವ ಸಲುವಾಗಿ ಇಂದು ‘ರೈತ ಬೆಂಬಲ ಪಾಲುದಾರಿಕೆ’ (ಎಫ್‌ಎಸ್‌ಪಿ) ಯೋಜನೆಯನ್ನು ಆರಂಭಿಸಿದೆ. ಟಾಟಾ ಸ್ಟಾರ್ಬಕ್ಸ್ ಪ್ರೈವೇಟ್ ಲಿಮಿಟೆಡ್ ಸಹಭಾಗಿತ್ವದಲ್ಲಿ ನಡೆಯಲಿರುವ ಈ ಎಫ್‌ಎಸ್‌ಪಿ ಸ್ಥಳೀಯ ಕೃಷಿ ತಜ್ಞರು ಮತ್ತು ರೈತರಿಗೆ ಜಾಗತಿಕ ಮಟ್ಟದ ಶ್ರೇಷ್ಠ ಕೃಷಿ ಪದ್ಧತಿಗಳನ್ನು ಪರಿಚಯಿಸಲಿದೆ.
ಭಾರತದ ಕಾಫಿ ಮೌಲ್ಯ ಸರಪಳಿಯ ಸಬಲೀಕರಣ
ಸ್ಟಾರ್ಬಕ್ಸ್ ನ ಜಾಗತಿಕ ಖರೀದಿ ಮತ್ತು ವ್ಯಾಪಾರ ಅಂಗಸಂಸ್ಥೆ ಆಗಿರುವ ಸ್ಟಾರ್ಬಕ್ಸ್ ಕಾಫಿ ಟ್ರೇಡಿಂಗ್ ಕಂಪನಿ (ಎಸ್ ಸಿ ಟಿ ಸಿ), ಟಾಟಾ ಸ್ಟಾರ್ಬಕ್ಸ್ ಜೊತೆ ಕೆಲಸ ಮಾಡಿ 2030ರ ವೇಳೆಗೆ 10,000 ಕಾಫಿ ಬೆಳೆಗಾರರನ್ನು ಸಬಲೀಕರಣಗೊಳಿಸಲಿದೆ. ಕರ್ನಾಟಕದಲ್ಲಿ ಕೇಂದ್ರೀಕೃತವಾಗಿ ನಡೆಯಲಿರುವ ಈ ಎಫ್‌ಎಸ್‌ಪಿ, ಟಾಟಾ ಸ್ಟಾರ್ಬಕ್ಸ್ ನ ಅಪಾರವಾದ ಸ್ಥಳೀಯ ಜ್ಞಾನ, ಭಾರತದ ಕಾಫಿ ಪರಂಪರೆ ಮತ್ತು ಸ್ಟಾರ್ಬಕ್ಸ್ ನ ದಶಕಗಳ ಜಾಗತಿಕ ಮಟ್ಟದ ಕೃಷಿ ಪರಿಣತಿಯನ್ನು ಒಟ್ಟುಗೂಡಿಸಿ ಕರ್ನಾಟಕ, ತಮಿಳುನಾಡು, ಆಂಧ್ರಪ್ರದೇಶ ಮತ್ತು ಕೇರಳದಂತಹ ಪ್ರಮುಖ ಕಾಫಿ ಬೆಳೆಯುವ ರಾಜ್ಯಗಳ ಬೆಳೆಗಾರರನ್ನು ಬೆಂಬಲಿಸಲಿದೆ. ಈ ಬೆಳೆಗಾರರು ಸ್ಟಾರ್ಬಕ್ಸ್ ನ ಜಾಗತಿಕ ಜಾಲದ ಜೊತೆ ಹೊಸತನ ಕಂಡುಕೊಳ್ಳುವುದು, ಸುಸ್ಥಿರತೆ ಮತ್ತು ಕೃಷಿಯಲ್ಲಿ ಉತ್ತಮ ವಿಧಾನಗಳನ್ನು ಅರಿಯುವುದು ಮುಂತಾದ ಕೆಲಸದಲ್ಲಿ ತೊಡಗಲಿದ್ದಾರೆ.
ಎಫ್‌ಎಸ್‌ಪಿ ಭಾರತದಲ್ಲಿ ರೈತರ ಜೊತೆಗಿನ ಪಾಲುದಾರಿಕೆಯ ಮೂಲಕ “ಮಾದರಿ ತೋಟಗಳನ್ನು” ಸ್ಥಾಪಿಸಲಿದೆ. ಜಾಗತಿಕ ಮಟ್ಟದ ಅನುಭವಗಳನ್ನು ಅಳವಡಿಸಿಕೊಂಡು ಕಾಫಿ ಕೃಷಿಯಲ್ಲಿ ಉತ್ತಮ ವಿಧಾನಗಳನ್ನು ಅಳವಡಿಸಿಕೊಳ್ಳಲು ಮತ್ತು ಸುಸ್ಥಿರ ಪರಿಹಾರಗಳನ್ನು ಪರಿಶೀಲಿಸಲು ಇದು ಸಹಾಯ ಮಾಡಲಿದೆ. ಭಾರತದ ಎಫ್‌ಎಸ್‌ಪಿ ಹೊಸ ಬಗೆಯ ಕಾಫಿ ಗಿಡಗಳನ್ನು ಪರೀಕ್ಷಿಸುವ ಕೇಂದ್ರವಾಗಿ ಕೆಲಸ ಮಾಡಲಿದೆ, ಭಾರತೀಯ ಪರಿಸ್ಥಿತಿಗೆ ಸರಿಹೊಂದುವ ಹೊಸ ಕೃಷಿ ತಂತ್ರಗಳ ಬಗ್ಗೆ ಮಾಹಿತಿ ನೀಡಲಿದೆ ಮತ್ತು ಕಾಫಿ ಗುಣಮಟ್ಟ, ಉತ್ಪಾದಕತೆ ಹಾಗೂ ಹವಾಮಾನ ಸ್ಥಿರತೆ ಸುಧಾರಿಸಲು ಇತರ ಕೃಷಿ-ಅರಣ್ಯ ಯೋಜನೆಗಳ ಕುರಿತು ಮಾಹಿತಿ ಹಂಚಿಕೊಳ್ಳಲಿದೆ.
ಕಾಫಿ ಬೆಳೆಯುವ ಪರಂಪರಾಗತ ವಿಧಾನಗಳಲ್ಲಿ ಇನ್ನಷ್ಟು ಸುಧಾರಣೆ ತಂದು ರೈತರ ಬೆಳೆಯ ಗುಣಮಟ್ಟ ಮತ್ತು ಲಾಭವನ್ನು ಹೆಚ್ಚಿಸುವುದೇ ಈ ಯೋಜನೆಯ ಗುರಿಯಾಗಿದೆ. ಎಫ್‌ಎಸ್‌ಪಿ ಸ್ಟಾರ್ಬಕ್ಸ್ ನ ಜಾಗತಿಕ ಜಾಲದಲ್ಲಿರುವ ಈಗಿರುವ “ಸೆಂಟರ್ ಆಫ್ ಎಕ್ಸಲೆನ್ಸ್”ಗಳ ಜೊತೆ ಕೆಲಸ ಮಾಡಲಿದೆ. ಇದರಲ್ಲಿ ಕಾಫಿ ಬೆಳೆಯುವ ದೇಶಗಳಲ್ಲಿರುವ ಫಾರ್ಮರ್ ಸಪೋರ್ಟ್ ಸೆಂಟರ್ ಗಳೂ ಸೇರಿವೆ, ಈ ಸೆಂಟರ್ ಗಳು ರೈತರ ಜೊತೆ ತೊಡಗಿಸಿಕೊಂಡು ಮಾದರಿ ತೋಟ ರಚಿಸುವ ಕಾರ್ಯಗಳಲ್ಲಿ ನಿರತರಾಗಿದ್ದಾರೆ. ಆ ಕೇಂದ್ರಗಳಲ್ಲಿ ಇಂಡೋನೇಷ್ಯಾದ ಉತ್ತರ ಸುಮಾತ್ರಾ, ಚೀನಾದ ಯುನ್ನಾನ್, ಕೋಸ್ಟಾ ರಿಕಾದ ಹ್ಯಾಸಿಯೆಂಡಾ ಅಲ್ಸಾಸಿಯಾ (ಸ್ಟಾರ್ಬಕ್ಸ್ ನ ಮೊದಲ ಕಂಪನಿ-ನಡೆಸುವ ಕಾಫಿ ತೋಟ ಮತ್ತು ಸ್ಟಾರ್ ಬಕ್ಸ್ ಕೋಸ್ಟಾ ಫಾರ್ಮರ್ ಸಪೋರ್ಟ್ ಸೆಂಟರ್ ಹಾಗೂ ಸ್ಟಾರ್ ಬಕ್ಸ್ ಗ್ಲೋಬಲ್ ರಿಸರ್ಚ್ ಆಂಡ್ ಡೆವಲಪ್ ಮೆಂಟ್ ತಂಡದ ಪ್ರಧಾನ ಕಛೇರಿ) ಒಳಗೊಂಡಿವೆ.
ಎಫ್‌ಎಸ್‌ಪಿ ಮೂಲಕ ಭಾರತೀಯ ರೈತರು 2026ರಲ್ಲಿ ಬರುವ ಸ್ಟಾರ್ಬಕ್ಸ್ ನ ಜಾಗತಿಕ ಡಿಜಿಟಲ್ ತರಬೇತಿ ಸಾಧನಗಳ ಪ್ರಯೋಜನ ಪಡೆಯಲಿದ್ದಾರೆ. ಇದು ಕೃಷಿ ತಜ್ಞತೆ, ಕಾಫಿ ಗುಣಮಟ್ಟ ಮತ್ತು ಸಿ.ಎ.ಎಫ್.ಇ. (ಕಾಫಿ ಆಂಡ್ ಫಾರ್ಮರ್ ಈಕ್ವಿಟಿ) ನೀತಿಗಳ ಬಗ್ಗೆ ವಿವರವಾದ ಆನ್‌ಲೈನ್ ತರಗತಿಗಳನ್ನು ನೀಡಲಿದೆ. ಗುಣಮಟ್ಟ, ಉತ್ಪಾದಕತೆ ಮತ್ತು ಸುಸ್ಥಿರತೆಯನ್ನು ಪಾಲಿಸುವುದು ಇದರ ಉದ್ದೇಶವಾಗಿದೆ. ಜೊತೆಗೆ ರೀಜನರೇಟಿವ್ ಅಗ್ರಿಕಲ್ಚರ್ (ಪುನರುಜ್ಜೀವನ ಕೃಷಿ) ವಿಧಾನಗಳು, ಇಂಗಾಲ, ನೀರು ಮತ್ತು ತ್ಯಾಜ್ಯ ಕಡಿಮೆ ಮಾಡುವ ಕ್ರಮಗಳ ಬಗ್ಗೆ ತಿಳಿಸಿಕೊಡಲಿದೆ ಮತ್ತು ಕೃಷಿ-ಅರಣ್ಯ ಹಾಗೂ ಸಮಾಜಾಭಿವೃದ್ಧಿ ಯೋಜನೆಗಳಿಗೆ ಕೊಡುಗೆ ನೀಡಲಿದೆ.
ಮುಂದಿನ 5 ವರ್ಷಗಳಲ್ಲಿ ಕಾಫಿ ಉತ್ಪಾದಕತೆ ಹೆಚ್ಚಿಸುವುದು, ರೈತರ ಲಾಭ ವೃದ್ಧಿಗೊಳಿಸುವುದು ಮತ್ತು ಹವಾಮಾನ ಸ್ಥಿರತೆ ಕಾಪಾಡಿಕೊಳ್ಳುವುದು ಸ್ಟಾರ್ಬಕ್ಸ್ ನ ಮುಖ್ಯ ಬದ್ಧತೆಗಳಾಗಿವೆ. ಭಾರತದ ಇಡೀ ಕಾಫಿ ಮೌಲ್ಯ ಸರಪಳಿಯನ್ನು ಬಲಪಡಿಸಲು ಟಾಟಾ ಸ್ಟಾರ್ಬಕ್ಸ್ ಮುಂದಿನ ಐದು ವರ್ಷಗಳಲ್ಲಿ 10 ಲಕ್ಷ ಹೆಚ್ಚು ಇಳುವರಿ ನೀಡುವ ಅರೇಬಿಕಾ ಗಿಡಗಳನ್ನು ರೈತರಿಗೆ ಉಚಿತವಾಗಿ ವಿತರಿಸಲಿದೆ.
ಈ ವಾರ ಭಾರತಕ್ಕೆ ಭೇಟಿ ನೀಡಿರುವ ಸ್ಟಾರ್ಬಕ್ಸ್ ನ ಅಧ್ಯಕ್ಷರು ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಬ್ರಿಯಾನ್ ನಿಕೋಲ್ ಅವರು ಈ ಕುರಿತು, “ಭಾರತ ನಮ್ಮ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. ರೈತರನ್ನು ಬೆಂಬಲಿಸುವುದು, ಸಮುದಾಯಗಳನ್ನು ಸಬಲಗೊಳಿಸುವುದು ಮತ್ತು ಗ್ರಾಹಕರಿಗೆ ಅತ್ಯುನ್ನತ ಗುಣಮಟ್ಟದ ಕಾಫಿ ನೀಡುವುದು ಇತ್ಯಾದಿಗಳ ಮೂಲಕ ನಾವು ಟಾಟಾ ಜೊತೆಗೂಡಿ ಭಾರತದ ಕಾಫಿ ಭವಿಷ್ಯವನ್ನು ರೂಪಿಸುತ್ತಿದ್ದೇವೆ. ಬೀಜದಿಂದ ಕಪ್‌ವರೆಗಿನ ಮೌಲ್ಯ ಸರಪಳಿಯಲ್ಲಿರುವ ಎಲ್ಲರಿಗೂ ಲಾಭದಾಯಕವಾದ ಬಲಿಷ್ಠ ಮತ್ತು ಸುಸ್ಥಿರ ಕಾಫಿ ವ್ಯವಸ್ಥೆಯನ್ನು ನಿರ್ಮಿಸುವ ಬದ್ಧತೆ ಹೊಂದಿದ್ದೇವೆ” ಎಂದರು.
ಟಾಟಾ ಕನ್ಸ್ಯೂಮರ್ ಪ್ರೊಡಕ್ಟ್ಸ್ ನ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಸುನಿಲ್ ಡಿ’ಸೋಜಾ ಅವರು, “ಕಳೆದ ಒಂದು ದಶಕದಿಂದ ಟಾಟಾ ಕನ್ಸ್ಯೂಮರ್ ಪ್ರೊಡಕ್ಟ್ಸ್ ಮತ್ತು ಸ್ಟಾರ್ಬಕ್ಸ್ ಒಟ್ಟಾಗಿ ಭಾರತದ ಕಾಫಿ ಸಂಸ್ಕೃತಿ ಮತ್ತು ಉದ್ಯಮವನ್ನು ರೂಪಿಸುತ್ತಾ ಬಂದಿದೆ. ಈ ಹೊಸ ಯೋಜನೆಯ ಮೂಲಕ ಸ್ಟಾರ್ಬಕ್ಸ್ ನ ಜಾಗತಿಕ ಕೃಷಿ ಪರಿಣತಿಯನ್ನು ಇಲ್ಲಿಗೆ ಪರಿಚಯಿಸಿ, ಗಮನಾರ್ಹ ಪರಿಣಾಮ ಬೀರುತ್ತೇವೆ ಮತ್ತು ಭಾರತದಲ್ಲಿ ಜವಾಬ್ದಾರಿಯುತ ಕಾಫಿ ಕೃಷಿಯ ಭವಿಷ್ಯಕ್ಕೆ ದಾರಿ ಮಾಡಿಕೊಡುತ್ತೇವೆ” ಎಂದರು.
ವಿಭಿನ್ನ ಮತ್ತು ಉತ್ತಮ ಅನುಭವಗಳ ಮೂಲಕ ಸ್ಟಾರ್ಬಕ್ಸ್ ಕಾಫಿ ನಾಯಕತ್ವದ ಮರು ದೃಢೀಕರಣ
2012ರಲ್ಲಿ ಸ್ಟಾರ್ಬಕ್ಸ್ ಕಾಫಿ ಕಂಪನಿ ಮತ್ತು ಟಾಟಾ ಕನ್ಸ್ಯೂಮರ್ ಪ್ರೊಡಕ್ಟ್ಸ್ ನಡುವಿನ ಜಂಟಿ ಉದ್ಯಮವಾಗಿ ಪ್ರಾರಂಭವಾದ ದಿನದಿಂದಲೂ ಟಾಟಾ ಸ್ಟಾರ್ಬಕ್ಸ್ ಭಾರತೀಯ ಗ್ರಾಹಕರಿಗೆ ವಿಶಿಷ್ಟ ಸ್ಟಾರ್ಬಕ್ಸ್ ಅನುಭವವನ್ನು ಒದಗಿಸುವಲ್ಲಿ ಸಮರ್ಪಿತವಾಗಿದೆ. ಸಂಸ್ಥೆಯು ಭಾರತದ ನಿರಂತರವಾಗಿ ಬದಲಾಗುತ್ತಿರುವ ಮತ್ತು ಆಕರ್ಷಕ ಕಾಫಿ ಸಂಸ್ಕೃತಿಗೆ ಬುನಾದಿ ಹಾಕಿದೆ. ಈ ವಾರ ಟಾಟಾ ಸ್ಟಾರ್ಬಕ್ಸ್ ಭಾರತದಲ್ಲಿ ತನ್ನ 500ನೇ ಕಾಫಿ ಹೌಸ್ ತೆರೆಯುವ ಮೂಲಕ ಬೆಳವಣಿಗೆಯ ದಾರಿಯಲ್ಲಿ ಮಹತ್ವದ ಹೆಜ್ಜೆ ಇಡಲಿದೆ. ಸ್ಟಾರ್ಬಕ್ಸ್ ನ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಅಂತಾರಾಷ್ಟ್ರೀಯ ಮಾರುಕಟ್ಟೆಗಳಲ್ಲಿ ಒಂದಾದ ಭಾರತ, ಕಂಪನಿಯ ಕಾರ್ಯತಾಂತ್ರಿಕ ಮತ್ತು ಸುಸ್ಥಿರ ವಿಸ್ತರಣೆ ಯೋಜನೆಗಳಲ್ಲಿ ಕೇಂದ್ರ ಸ್ಥಾನದಲ್ಲಿದೆ. ಉದ್ಯೋಗ ಸೃಷ್ಟಿ ಮತ್ತು ಸಿಬ್ಬಂದಿಗೆ (ನೌಕರರು) ಅರ್ಥಪೂರ್ಣ ಅವಕಾಶಗಳನ್ನು ಒದಗಿಸುವಲ್ಲಿ ನಿರಂತರ ಗಮನ ಹರಿಸಿದೆ.
500ನೇ ಕಾಫಿ ಹೌಸ್ ದೆಹಲಿ ಎನ್ ಸಿ ಆರ್ ಪ್ರದೇಶದಲ್ಲಿರುವ ಎರಡನೇ ಸ್ಟಾರ್ಬಕ್ಸ್ ರಿಸರ್ವ್® ಎಕ್ಸ್ ಪೀರಿಯನ್ಸ್ ಸೆಂಟರ್ ಆಗಿರಲಿದೆ. ಇದು ಸ್ಟಾರ್ಬಕ್ಸ್ ನ ಕಾಫಿ ಕಲಾಕೌಶಲ್ಯ, ಪರಂಪರೆ ಮತ್ತು ಕಥೆಗಳನ್ನು ಪ್ರದರ್ಶಿಸುವ ಮೂಲಕ ಕಾಫಿ ಪ್ರೇಮಿಗಳಿಗೆ ತೀವ್ರವಾದ ಕಾಫಿ ಅನುಭವ ನೀಡಲಿದೆ. ಈ ಮಳಿಗೆಯು ಆಕರ್ಷಕ ಸ್ಟೋರ್ ವಿನ್ಯಾಸ, ಕೈಯಾರೆ ತಯಾರಿಸಿದ ಪಾನೀಯಗಳು ಮತ್ತು ಹಲವು ಹೊಸತನಗಳ ಮೂಲಕ ಭಾರತದ ಕಾಫಿ ಕಲಾಕೌಶಲ್ಯವನ್ನು ಎತ್ತಿ ತೋರಿಸುವಲ್ಲಿ ಟಾಟಾ ಸ್ಟಾರ್ಬಕ್ಸ್ ನ ಬದ್ಧತೆಯನ್ನು ಸಾರುತ್ತದೆ.
ಕೌಶಲ್ಯಪೂರ್ಣ ಬರಿಸ್ಟಾಗಳು ತಯಾರಿಸುವ ಉತ್ತಮ ಕಾಫಿಯನ್ನು ಆನಂದಿಸಲು ಜನರು ಒಟ್ಟು ಸೇರುವ ಸ್ವಾಗತಾರ್ಹ ಕಾಫಿ ಹೌಸ್ ಆಗಿ ಸ್ಟಾರ್ಬಕ್ಸ್ ಅನ್ನು ರೂಪಿಸುವ ಜಾಗತಿಕ ತಂತ್ರದ ಭಾಗವಾಗಿ ಟಾಟಾ ಸ್ಟಾರ್ಬಕ್ಸ್ ಭಾರತದಲ್ಲಿ ವಿಭಿನ್ನ ಮತ್ತು ಉನ್ನತ ಕಾಫಿ-ಕೇಂದ್ರಿತ ಅನುಭವವನ್ನು ಸೃಷ್ಟಿಸುವುದರ ಕಡೆಗೆ ಗಮನ ಹರಿಸುತ್ತಿದೆ. ಜಗತ್ತಿನ ಅತ್ಯುತ್ತಮ ಕಾಫಿ ಮತ್ತು ಶ್ರೇಷ್ಠ ಪಾನೀಯಗಳನ್ನು ಸೊಗಸಾದ ವಾತಾವರಣದಲ್ಲಿ ನೀಡುವ ಈ ಸ್ಥಳ ಭಾರತದ ಕಾಫಿ ಪ್ರಿಯರ ಸ್ವರ್ಗವಾಗಿದೆ
ಈ ಕುರಿತು ಟಾಟಾ ಸ್ಟಾರ್ಬಕ್ಸ್ ನ ಸಿಇಓ ಸುಶಾಂತ್ ದಾಶ್ ಅವರು, “ಭಾರತದ ಅತಿದೊಡ್ಡ ವಿಶೇಷ ಕಾಫಿ ಒದಗಿಸುವ ಸಂಸ್ಥೆಯಾದ ನಮಗೆ ಎಸ್ ಸಿ ಟಿ ಸಿ ಜೊತೆಗೂಡಿ ರೈತ ಬೆಂಬಲ ಪಾಲುದಾರಿಕೆ ಯೋಜನೆ ಆರಂಭಿಸಿರುವುದು ಹೆಮ್ಮೆ ತಂದಿದೆ. ಈ ಯೋಜನೆಯು ಭಾರತದ ಕಾಫಿ ಬೆಳೆಗಾರ ಸಮುದಾಯವನ್ನು ಬಲಪಡಿಸುವ ಮತ್ತು ಉನ್ನತ ಗುಣಮಟ್ಟದ ಅರೇಬಿಕಾದ ಭವಿಷ್ಯವನ್ನು ಭದ್ರಪಡಿಸುವ ನಿಟ್ಟಿನಲ್ಲಿ ಅರ್ಥಪೂರ್ಣ ಹೆಜ್ಜೆಯಾಗಿದೆ. ಭಾರತದ ರೈತರು, ಸಿಬ್ಬಂದಿ (ನೌಕರರು) ಮತ್ತು ಗ್ರಾಹಕರಿಗೆ ಉತ್ತಮ ಅನುಭವ ಒದಗಿಸುವ ಮೂಲಕ ಆಕರ್ಷಕ ಕಾಫಿ ಸಂಸ್ಕೃತಿಯನ್ನು ಮುಂದುವರಿಸುವುದೇ ನಮ್ಮ ಬದ್ಧತೆಯಾಗಿದೆ. ಭಾರತ ಮತ್ತು ಜಗತ್ತಿನ ಅತ್ಯುತ್ತಮ ಅರೇಬಿಕಾ ಕಾಫಿಯನ್ನು ಒದಗಿಸುವ ಮೂಲಕ ನಾವು ಕಾಫಿ ಸಂಸ್ಕೃತಿಯನ್ನು ಸಂಭ್ರಮಿಸುತ್ತೇವೆ” ಎಂದರು.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್‌ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
