ಭಾರತದಲ್ಲಿ ಬಿಡುಗಡೆ ಆಗಲಿರುವ ಟೆಕ್ಟಾನ್‌ ಮಾದರಿಯ ಮೊದಲ ನೋಟ
* ನಿಸಾನ್‌ ಕಂಪನಿಯ ಜನಪ್ರಿಯ ಪ್ಯಾಟ್ರೋಲ್‌ ಮಾದರಿಯಿಂದ ಸ್ಫೂರ್ತಿ ಪಡೆದ ವಿನ್ಯಾಸ
* ಭಾರತದ ʼಒಂದು ಕಾರು, ಒಂದು ವಿಶ್ವʼ ಕಾರ್ಯತಂತ್ರದ ಅಡಿಯಲ್ಲಿ ಎರಡನೆಯ ಕಾರು ಇದು
* ಈ ವಿನ್ಯಾಸವು ಭಾರತದ ಮಾರುಕಟ್ಟೆಯಲ್ಲಿ ಹೊಸತನ ತರಲಿದೆ, ಮಾರುಕಟ್ಟೆಯಲ್ಲಿ ಪ್ರಾಬಲ್ಯ ಸಾಧಿಸಲಿದೆ, ಇದನ್ನು ಭಾರತದ ಹಾಗೂ ಹೊರಗಿನ ಗ್ರಾಹಕರಿಗೆ ಮಾರಾಟ ಮಾಡಲಾಗುತ್ತದೆ.
ಬೆಂಗಳೂರು, ಅಕ್ಟೋಬರ್‌ 8, 2025: ನಿಸಾನ್‌ ಕಂಪನಿಯು ತನ್ನ ಹೊಸ ಎಸ್‌ಯುವಿಯ ಕಿರುನೋಟವೊಂದನ್ನು ತೋರಿಸಿದೆ. ಈ ಎಸ್‌ಯುವಿಗೆ ಕಂಪನಿಯು ಟೆಕ್ಟಾನ್‌ ಎಂಬ ಹೆಸರು ಇತ್ತಿದೆ. ಇದು ಕಂಪನಿಯ ಎಸ್‌ಯುವಿ ಶ್ರೇಣಿಗೆ ಹೊಸದೊಂದು ಸೇರ್ಪಡೆ.
ನಿಸಾನ್‌ - ಮಹತ್ವಾಕಾಂಕ್ಷೆಗೆ ಮತ್ತೊಂದು ಹೆಸರು
ʼಟೆಕ್ಟಾನ್‌ʼ ಹೆಸರು ಗ್ರೀಕ್‌ ಮೂಲದ್ದಾಗಿದೆ. ಇದರ ಅರ್ಥ ʼಕುಶಲಕರ್ಮಿʼ ಅಥವಾ ʼವಾಸ್ತುಶಿಲ್ಪಿʼ. ಬದುಕನ್ನು ಇನ್ನಷ್ಟು ಶ್ರೀಮಂತಗೊಳಿಸುವ ನಿಖರ ಎಂಜಿನಿಯರಿಂಗ್‌ ಕಾರ್ಯ ಹಾಗೂ ಹೊಸತನದ ಅರಸುವಿಕೆಯು ನಿಸಾನ್‌ ಕಂಪನಿಯು ಪಾಲಿಸುವ ಮೌಲ್ಯಗಳು, ಈ ಹೆಸರು ಈ ಮೌಲ್ಯಗಳಿಗೆ ಸರಿಹೊಂದುವಂತೆ ಇದೆ. ಶ್ರೇಷ್ಠವಾದ ಎಂಜಿನಿಯರಿಂಗ್‌, ದಕ್ಷತೆ, ವಿಶಿಷ್ಟವಾದ ವಿನ್ಯಾಸವನ್ನು ಹೇಳುವ ಪ್ರೀಮಿಯಂ ವರ್ಗದ ಕಾಂಪ್ಯಾಕ್ಟ್‌-ಎಸ್‌ಯುವಿಯನ್ನು ಈ ಹೆಸರು ಪ್ರತಿನಿಧಿಸುತ್ತದೆ. ವೃತ್ತಿ, ಹವ್ಯಾಸ ಮತ್ತು ಜೀವನಶೈಲಿಯಿಂದ ತಮ್ಮ ಜಗತ್ತನ್ನು ತಾವೇ ರೂಪಿಸಿಕೊಳ್ಳುತ್ತಿರುವವರಿಗೆ ಟೆಕ್ಟಾನ್‌ ಎಸ್‌ಯುವಿಯು ಆಯ್ಕೆಯ ವಾಹನದಂತೆ ಆಗಲಿದೆ.
2026ರಲ್ಲಿ ಈ ಕಾರನ್ನು ಪೂರ್ಣ ಪ್ರಮಾಣದಲ್ಲಿ ಅನಾವರಣ ಮಾಡಲಾಗುತ್ತದೆ, ನಂತರದಲ್ಲಿ ಇದರ ಮಾರಾಟ ಆರಂಭವಾಗಲಿದೆ. ಈ ವಾಹನವನ್ನು ಕಾಂಪ್ಯಾಕ್ಟ್‌-ಎಸ್‌ಯುವಿ ವರ್ಗದ ವಾಹನಗಳ ಮಾರುಕಟ್ಟೆಯಲ್ಲಿ ದೊಡ್ಡ ಮಟ್ಟದ ಪಲ್ಲಟ ತರುವ ಉದ್ದೇಶದಿಂದ ರೂಪಿಸಲಾಗಿದೆ. ನಿಸಾನ್‌ ಕಂಪನಿಯ ʼಒಂದು ಕಾರು, ಒಂದು ವಿಶ್ವʼ ಕಾರ್ಯತಂತ್ರದ ಅಡಿಯಲ್ಲಿ ತಯಾರಾಗಲಿರುವ ಎರಡನೆಯ ಕಾರಿನ ಮಾದರಿ ಇದಾಗಲಿದೆ. ಅಲ್ಲದೆ, ಇದನ್ನು ರೆನೊ ಕಂಪನಿಯ ಜೊತೆ ಪಾಲುದಾರಿಕೆಯಲ್ಲಿ ಚೆನ್ನೈನಲ್ಲಿನ ಘಟಕದಲ್ಲಿ ತಯಾರಿಸಲಾಗುತ್ತದೆ. ಇಲ್ಲಿ ತಯಾರಾಗುವ ಕಾರನ್ನು ಭಾರತದ ಮಾರುಕಟ್ಟೆಯಲ್ಲಿ ಮಾರಾಟ ಮಾಡುವ ಉದ್ದೇಶ ಹಾಗೂ ಮುಂದೆ ಆಯ್ದ ದೇಶಗಳಿಗೆ ರಫ್ತು ಮಾಡುವ ಉದ್ದೇಶವು ಕಂಪನಿಗೆ ಇದೆ.
ವಿನ್ಯಾಸ ಮತ್ತು ಸ್ಫೂರ್ತಿ
ನಿಸಾನ್‌ ಕಂಪನಿಯ ಈ ಹೊಸ ಎಸ್‌ಯುವಿ ವಿನ್ಯಾಸವು ಕಂಪನಿಯು ದೀರ್ಘ ಕಾಲದಿಂದ ತಯಾರಿಸುತ್ತಿರುವ ಹಾಗೂ ಐಕಾನಿಕ್‌ ಬ್ರ್ಯಾಂಡ್‌ ಆಗಿರುವ ಪ್ಯಾಟ್ರೋಲ್‌ ಎಸ್‌ಯುವಿಯಿಂದ ಸ್ಫೂರ್ತಿ ಪಡೆದಿದೆ. ಟೆಕ್ಟಾನ್‌ ಕಾರು ಮುಂದಿನ ವರ್ಷ ಮಾರುಕಟ್ಟೆಗೆ ಬಂದಾಗ, ಅದರಲ್ಲಿ ಬಹಳ ಆಕರ್ಷಕವಾದ ವಿನ್ಯಾಸ ಹಾಗೂ ಗಟ್ಟಿಯಾದ ವಿಶ್ವಾಸಾರ್ಹತೆಯನ್ನು ಕಾಣಬಹುದು. ಬಹಳ ಪ್ರೀಮಿಯಂ ಗುಣಮಟ್ಟದ ಕೆಲಸಗಳು ಇದರಲ್ಲಿ ಅಡಕವಾಗಿರಲಿವೆ, ಅತ್ಯಾಧುನಿಕ ವೈಶಿಷ್ಟ್ಯಗಳನ್ನು ಇದು ಒಳಗೊಂಡಿರಲಿದೆ.
ಮುಂಭಾಗದಲ್ಲಿ ಶಕ್ತಿಶಾಲಿಯಾಗಿ ಕಾಣಿಸುವ ಬಾನೆಟ್‌ ಇರಲಿದೆ, ವಿಶಿಷ್ಟವಾದ ಹಾಗೂ ಇಂಗ್ಲಿಷ್‌ನ ಸಿ ಅಕ್ಷರದ ಆಕಾರದ ಹೆಡ್‌ಲ್ಯಾಂಪ್‌ಗಳು ಇರಲಿವೆ (ಇದು ಪ್ಯಾಟ್ರೋಲ್‌ನ ವಿನ್ಯಾಸವನ್ನು ನೆನಪಿಸಲಿದೆ), ಕೆಳಗಿನ ಬಂಪರ್‌ ಕೂಡ ಬಹಳ ಶಕ್ತಿಶಾಲಿಯಾಗಿ ಇರಲಿದೆ.
ಪಕ್ಕದ ನೋಟವು ಕೂಡ ಬಹಳ ಶಕ್ತಿಶಾಲಿಯಾದ ನೋಟವೊಂದನ್ನು ಒದಗಿಸುತ್ತಿದೆ.
ನಿಸಾನ್‌ ಮೋಟರ್‌ ಕಂಪನಿಯ ಕಾರ್ಪೊರೇಟ್‌ ಕಾರ್ಯನಿರ್ವಾಹಕ ಅಲ್ಫೊನ್ಸೊ ಅಲ್ಬೈಸಾ ಅವರು “ಟೆಕ್ಟಾನ್‌ ವಾಹನದ ವಿನ್ಯಾಸವು ನಮ್ಮ ಪ್ಯಾಟ್ರೋಲ್‌ ವಾಹನದಿಂದ ಸ್ಫೂರ್ತಿ ಪಡೆದಿದೆ. ಆಧುನಿಕ ಭಾರತದ ಗ್ರಾಹಕರು ಬಯಸುವ ಎಲ್ಲವನ್ನೂ ನೀಡಲು, ಮಾರುಕಟ್ಟೆಯಲ್ಲಿ ಬದಲಾವಣೆ ತರಲು, ಪ್ರಾಬಲ್ಯ ಸಾಧಿಸಲು ಇದನ್ನು ರೂಪಿಸಲಾಗಿದೆ. ವಿನ್ಯಾಸ ಹಾಗೂ ಇದರ ಗುಣಮಟ್ಟವು ನಿಸಾನ್‌ ಕಂಪನಿಯ ವೈಶಿಷ್ಟ್ಯಕ್ಕೆ ಸರಿಹೊಂದುವಂತಿದೆ” ಎಂದು ಹೇಳಿದ್ದಾರೆ.
ನಿಸಾನ್‌ ಮೋಟರ್‌ ಇಂಡಿಯಾದ ವ್ಯವಸ್ಥಾಪಕ ನಿರ್ದೇಶಕ ಸೌರಭ್‌ ವತ್ಸ ಅವರು “ನಿಸಾನ್‌ ಕಂಪನಿಯು ಮತ್ತೆ ಪ್ರವರ್ಧಮಾನಕ್ಕೆ ಬರುವ ಪ್ರಕ್ರಿಯೆಯಲ್ಲಿ ಟೆಕ್ಟಾನ್‌ ಮಾದರಿಯು ಕೇಂದ್ರಭಾಗದಲ್ಲಿ ಇರಲಿದೆ. ದೇಶದಲ್ಲಿ ನಾವು ಮುಂದೆ ಬಿಡುಗಡೆ ಮಾಡಲಿರುವ ವಾಹನಗಳ ಕುರಿತಾದ ಕಿರುನೋಟವೊಂದನ್ನು ಇದು ನೀಡುತ್ತಿದೆ. ಈ ಶ್ರೇಣಿಯ ವಾಹನಗಳ ಮಾರುಕಟ್ಟೆಯಲ್ಲಿ ಇದು ಬದಲಾವಣೆಗಳನ್ನು ತರುತ್ತದೆ ಎಂಬುದು ನಮ್ಮ ವಿಶ್ವಾಸ. ದೇಶದಲ್ಲಿ ನಿಸಾನ್‌ ಕಂಪನಿಯ ಬೆಳವಣಿಗೆಯಲ್ಲಿ ಇದು ಮುಂಚೂಣಿಯಲ್ಲಿ ನಿಲ್ಲುತ್ತದೆ” ಎಂದು ಹೇಳಿದ್ದಾರೆ.
ಬೆಳವಣಿಗೆ ಯೋಜನೆಯ ಭಾಗವಾಗಿ ನಿಸಾನ್‌ ಮೋಟರ್‌ ಇಂಡಿಯಾ ಕಂಪನಿಯು ತನ್ನ ಡೀಲರ್‌ಶಿಪ್‌ ಜಾಲವನ್ನು ವಿಸ್ತರಿಸುತ್ತಿದೆ. ಹೆಚ್ಚಿನ ಮಾಹಿತಿಗೆ www.nissan.in ವೆಬ್‌ಸೈಟ್‌ಗೆ ಭೇಟಿ ನೀಡಿ.
