ಅದರ ಆಹಾರದ ಮೂಲಗಳು (dietary sources) ಯಾವುವು?

ಒಮೆಗಾ -3 ಕೊಬ್ಬಿನಾಮ್ಲಗಳು ನಮ್ಮ ದೇಹದಲ್ಲಿನ ವಿವಿಧ ಕಾರ್ಯಗಳಿಗೆ ಅಗತ್ಯವಾದ ಕೊಬ್ಬು ಅಥವಾ ಪೋಷಕಾಂಶಗಳಲ್ಲಿ ಒಂದಾಗಿದೆ ಮತ್ತು ನಮ್ಮ ಹೃದಯದ ಆರೋಗ್ಯವನ್ನು ಬೆಂಬಲಿಸುವ ಕೊಬ್ಬುಗಳಾಗಿವೆ. ಇದು ದೇಹದೊಳಗೆ ಉತ್ಪತ್ತಿಯಾಗುವುದಿಲ್ಲ. ಆದ್ದರಿಂದ ನಾವು ನಮ್ಮ ಆಹಾರದಲ್ಲಿ ಒಮೆಗಾ 3 ಅನ್ನು ಒಳಗೊಂಡಿರುವ ಸರಿಯಾದ ಆಹಾರವನ್ನು ಸೇವಿಸಬೇಕು. ಒಮೆಗಾ 3 ಕೊಬ್ಬಿನಾಮ್ಲಗಳ ಪ್ರಮುಖ ಪ್ರಯೋಜನವೆಂದರೆ ಅದು ದೇಹದಲ್ಲಿನ ಕೊಲೆಸ್ಟ್ರಾಲ್ ಮಟ್ಟವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಈ ಕೊಬ್ಬಿನಾಮ್ಲಗಳು ಆನುವಂಶಿಕ ಕಾರ್ಯವನ್ನು ನಿಯಂತ್ರಿಸುವ ಜೀವಕೋಶಗಳಲ್ಲಿನ ಕೆಲವು ರಿಸೆಪ್ಟಾರ್ ಬಂಧಿಸುವ ಶಕ್ತಿಯನ್ನು ಹೊಂದಿವೆ.

ಒಮೆಗಾ-3 ಕೊಬ್ಬುಗಳು ಹೃದ್ರೋಗ ಮತ್ತು ಪಾರ್ಶ್ವವಾಯು, ಲೂಪಸ್, ಎಸ್ಜಿಮಾ ಮತ್ತು ಸಂಧಿವಾತವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ ಮತ್ತು ಕ್ಯಾನ್ಸರ್ ಮತ್ತು ಇತರ ಪರಿಸ್ಥಿತಿಗಳಲ್ಲಿ ರಕ್ಷಣಾತ್ಮಕ ಪಾತ್ರವನ್ನು ವಹಿಸುತ್ತದೆ. ಒಮೆಗಾ-3 ಕೊಬ್ಬಿನಾಮ್ಲಗಳು ಮೀನು ಮತ್ತು ಅಗಸೆ ಬೀಜದಂತಹ ಆಹಾರಗಳಲ್ಲಿ ಕಂಡುಬರುತ್ತವೆ. ಕ್ಯಾಪ್ಸುಲ್ ಅಥವಾ ಮಾತ್ರೆಗಳ ರೂಪದಲ್ಲಿ ಮೀನಿನ ಎಣ್ಣೆಯಂತಹ ಆಹಾರ ಪೂರಕಗಳ ಕೂಡ ಲಭ್ಯವಿದೆ. ಮೂರು ಪ್ರಮುಖ ಒಮೆಗಾ-3 ಕೊಬ್ಬಿನಾಮ್ಲಗಳೆಂದರೆ ಆಲ್ಫಾ-ಲಿನೋಲೆನಿಕ್ ಆಮ್ಲ (ALA), ಐಕೋಸಾಪೆಂಟೆನೊಯಿಕ್ ಆಮ್ಲ (EPA), ಮತ್ತು ಡೊಕೊಸಾಹೆಕ್ಸೆನೊಯಿಕ್ ಆಮ್ಲ (DHA). ALA ಮುಖ್ಯವಾಗಿ ಅಗಸೆಬೀಜ, ಸೋಯಾಬೀನ್ ಮತ್ತು ಕ್ಯಾನೋಲಾ ಎಣ್ಣೆಗಳಂತಹ ಸಸ್ಯಜನ್ಯ ಎಣ್ಣೆಗಳಲ್ಲಿ ಕಂಡುಬರುತ್ತದೆ. ಒಮೆಗಾ-3 ಕೊಬ್ಬಿನಾಮ್ಲಗಳು ಅಗತ್ಯವಾದ ಪೋಷಕಾಂಶಗಳಾಗಿವೆ, ನಾವು ಸೇವಿಸುವ ಆಹಾರಗಳಿಂದ ಅವುಗಳನ್ನು ಪಡೆಯಲು ಅಗತ್ಯವಾಗಿರುತ್ತದೆ.ಒಮೆಗಾ-3ಗಳು HDL (ಉತ್ತಮ) ಕೊಲೆಸ್ಟ್ರಾಲ್(high density lipoprotein) ಅನ್ನು ಹೆಚ್ಚಿಸುವ ಮೂಲಕ ಸಹಾಯ ಮಾಡಬಹುದು. ಮತ್ತು ನಿಮ್ಮ ರಕ್ತದೊತ್ತಡವನ್ನು ಕಡಿಮೆ ಮಾಡುತ್ತದೆ.ಕೆಲವು ಅಧ್ಯಯನಗಳು ಒಮೆಗಾ-3 ಹೃದಯ ರಕ್ತನಾಳದ ಕಾಯಿಲೆ (CVD) (ಹೃದ್ರೋಗ), ಅಸಹಜ ಹೃದಯದ ಲಯ (ಆರ್ಹೆತ್ಮಿಯಾ), ರಕ್ತ ಹೆಪ್ಪುಗಟ್ಟುವಿಕೆಯಿಂದ ಉಂಟಾಗುವ ಹಠಾತ್ ಸಾವು- ಇಂತಹ ರೋಗದ ಅಪಾಯವನ್ನು ಕಡಿಮೆ ಮಾಡುತ್ತದೆ ಎಂದು ತೋರಿಸುತ್ತವೆ.

ಆರೋಗ್ಯಕ್ಕೆ ಪ್ರಯೋಜನಗಳು:

ಹೃದಯದ ಆರೋಗ್ಯದ ಹೊರತಾಗಿ, ಒಮೆಗಾ-3ಗಳು ಕೆಲವು ರೋಗಗಳ ಬೆಳವಣಿಗೆಯ ಅಪಾಯವನ್ನು ಕಡಿಮೆ ಮಾಡಲು ಸಹಾಯ ಮಾಡಬಹುದು: ಸ್ತನ ಕ್ಯಾನ್ಸರ್, ಆಲ್‌ಜೈಮರ್ಸ್‌ ಕಾಯಿಲೆ ಮತ್ತು ಬುದ್ಧಿಮಾಂದ್ಯತೆ ಸೇರಿದಂತೆ ಕೆಲವು ರೀತಿಯ ಕ್ಯಾನ್ಸರ್. ಇನ್ನೂ ಇತರ ಪ್ರಯೋಜನಗಳನ್ನು ಕಂಡುಹಿಡಿಯಲು ಸಂಶೋಧನೆ ನಡೆಸಲಾಗುತ್ತಿದೆ. ಒಮೆಗಾ 3 ಮೆದುಳಿನ ಬೆಳವಣಿಗೆ ಮತ್ತು ನ್ಯೂರೋಕಾಗ್ನಿಟಿವ್ ಪ್ರಕ್ರಿಯೆಗೆ ಸಹಾಯ ಮಾಡುತ್ತದೆ. ಇದು ದೇಹವನ್ನು ಸಮತೋಲನಗೊಳಿಸಲು ಮತ್ತು ದೈಹಿಕ ಮತ್ತು ಮಾನಸಿಕ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ಒಮೆಗಾ 3 ಉರಿಯೂತದ ಪ್ರಕ್ರಿಯೆಯನ್ನು (inflammatory process) ಕಡಿಮೆ ಮಾಡುತ್ತದೆ . ಆದ್ದರಿಂದ ಇದು ಸಂಧಿವಾತ ಮತ್ತು ಕರುಳಿನ ಉರಿಯೂತವನ್ನು (inflammatory bowel problems) ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ತೂಕವನ್ನು ಕಡಿಮೆ ಮಾಡುವ ಮೂಲಕ ಸ್ಥೂಲಕಾಯತೆಯನ್ನು ಕಡಿಮೆ ಮಾಡಿ ಸಹಾಯ ಮಾಡುತ್ತದೆ. ಇದು ಹೃದಯಾಘಾತ ಮತ್ತು ಹೃದಯ ರಕ್ತನಾಳದ ತೊಂದರೆಗಳನ್ನು ತಡೆಯುತ್ತದೆ. ಒಮೆಗಾ 3 ತಾಯಿಯ ಆರೋಗ್ಯವನ್ನು ಸುಧಾರಿಸುತ್ತದೆ ಮತ್ತು ಗರ್ಭಾಶಯದಲ್ಲಿ ಭ್ರೂಣವನ್ನು ಅಭಿವೃದ್ಧಿಪಡಿಸುತ್ತದೆ ಎಂದು ಕಂಡುಬಂದಿದೆ.

ಒಮೆಗಾ 3 ನ ಆಹಾರ ಮೂಲ (food sources of Omega 3)

ಹೆಚ್ಚಿನ ಸಮುದ್ರ ಆಹಾರಗಳು ವಿಶೇಷವಾಗಿ ಮೀನು ಮತ್ತು ಕಾಡ್ ಲಿವರ್ ಎಣ್ಣೆಯಲ್ಲಿ ಒಮೆಗಾ 3 ಇರುತ್ತದೆ.

ವಾಲ್‌ನಟ್ (walnut) ಚಿಯಾ ಬೀಜಗಳು, (chia seeds) ಅಗಸೆ ಸೋಯಾಬೀನ್, (seeds and nuts) ಬೀಜಗಳು, ಪಾಲಕ, ಬೆಣ್ಣೆಹಣ್ಣು, (avocado) ಹಸಿರು ಎಲೆಗಳ ತರಕಾರಿಗಳು, ಕೋಸುಗಡ್ಡೆ, ಆಲೂಗಡ್ಡೆ, ಬೀನ್ಸ್, ಬಾದಾಮಿ, ಕಾಡ್ ಲಿವರ್ ಎಣ್ಣೆ, ಸೀಬೆಹಣ್ಣು ಮತ್ತು ಬೆರ್ರಿ ಹಣ್ಣುಗಳು. ಒಮೆಗಾ 3 ನ ಅಡ್ಡಪರಿಣಾಮಗಳು ಅಪರೂಪ. ಆದರೆ ಅದರ ಹೆಚ್ಚಿನ ಪ್ರಮಾಣವನ್ನು ಸೇವಿಸಬಾರದು. ವೈದ್ಯರನ್ನು ಸಂಪರ್ಕಿಸಿದ ನಂತರವೇ ಔಷಧಿಗಳ ಡೋಸೇಜ್ ಮತ್ತು ಅವಧಿಯನ್ನು ತಿಳಿದುಕೊಳ್ಳುವುದು ಮುಖ್ಯ.

- ಡಾ. ರಶ್ಮಿ ಭಟ್

drrashmibhatta@rediffmail.com

8951524317

Shree raksha dental clinic and counseling center, Sullia

ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ

ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ