ರಾಮನಾಮ ಜಪಿಸಿ ಜಪಿಸಿ
ಬೇಡ ಬೇಕಾದನು|
ಕಥೆಯ ಕೊಟ್ಟು ವ್ಯಥೆಯ ಕಳೆದು
ತಾನು ಅಮರನಾದನು||
ರಾಮಗಾಗಿ ಕಾದ ಪತಿತೆ
ಆದಳು ಪುನೀತೆಯು|
ಪಾಪ ಕಳೆವ ಬಗೆಯ ತೋರಿ
ಆದಳು ಪತಿವ್ರತೆ||
ಮಾನಕಾಗಿ ಹರಣ ತೆತ್ತ
ಹದ್ದು ಸಗ್ಗ ಸೇರಿತು|
ಮರಣದಲ್ಲು ಸಾರ್ಥಕತೆಯ
ಮೆರೆದು ಧನ್ಯವಾಯಿತು||
ರಾಮಗಾಗಿ ಸೀತೆಗಾಗಿ
ಕಡಲು ಹಾರಿದಾ ಕಪಿ|
ನ್ಯಾಯಕಾಗಿ ಬದುಕಬೇಕು
ಎಂಬ ಪಾಠ ಹೇಳಿತು||
ಅಧರ್ಮಿ ಅಣ್ಣನನ್ನು ತೊರೆದ
ಧರ್ಮಿ ತಮ್ಮನುಳಿದನು|
ರಾಮಗಾಗಿ ಬಾಳಿದವರು
ರಾಮನೊಡನೆ ಉಳಿದರು||
ರಾಮನಾಳಿದೆಲ್ಲರನ್ನು
ಅಳುವ ಅಳಿಸಿ ನಗಿಸುತ|
ರಾಮನುಳಿದ ಎಲ್ಲರಲ್ಲು
ರಾಮದೇವರಾಗುತ||
-ವಿಶ್ವ
(U S Vishweshwara Bhat)
ಚಿತ್ರ: ವಿದ್ಯಾರ್ಥಿವಾಹಿನೀ- ಹವ್ಯಕ ಮಹಾಮಂಡಲ
(ಉಪಯುಕ್ತ ನ್ಯೂಸ್)
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
