ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆ ಅವರ ಮಾರ್ಗದರ್ಶನದಲ್ಲಿ ಅಧ್ಯಾತ್ಮ, ಧರ್ಮ ಮತ್ತು ರಾಷ್ಟ್ರಜಾಗೃತಿಯ ಮಹಾಕಾರ್ಯ..
ಸಚ್ಚಿದಾನಂದ
ಪರಬ್ರಹ್ಮ ಡಾ. ಆಠವಲೆ ಅವರಂತಹ
ಮಹಾನ್ ವಿಭೂತಿಯ ಸಿದ್ಧಹಸ್ತದಿಂದ ಸಿದ್ಧಗೊಂಡ ಸನಾತನದ ಗ್ರಂಥಗಳೆಂದರೆ ಚೈತನ್ಯಮಯ ಜ್ಞಾನದ ಭಂಡಾರ ! ಅನೇಕ ಸಂತರು ಧರ್ಮ
ಮತ್ತು ಅಧ್ಯಾತ್ಮದ ಕುರಿತು ಗ್ರಂಥಗಳನ್ನು ಬರೆಯುತ್ತಾರೆ; ಆದರೆ ಧರ್ಮ, ಅಧ್ಯಾತ್ಮದ
ಜೊತೆಗೆ ರಾಷ್ಟ್ರರಕ್ಷಣೆ, ಹಿಂದೂ ರಾಷ್ಟ್ರದ ಸ್ಥಾಪನೆ, ಭಾಷಾಶುದ್ಧಿ, ಸಾತ್ತ್ವಿಕ ಕಲೆಗಳಂತಹ ವಿವಿಧ ವಿಷಯಗಳ ಮೇಲೆ ಗ್ರಂಥಗಳನ್ನು ರಚಿಸುವ
ಪ್ರಸ್ತುತ ಕಲಿಯುಗದ ಏಕೈಕ ಸಂತರೆಂದರೆ ಬಹುಶಃ
ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆ ಅವರು
ಮಾತ್ರ ! ಅವರ ಅವಿರತ ಪರಿಶ್ರಮದಿಂದಾಗಿ
ಏಪ್ರಿಲ್ 2026 ರವರೆಗೆ ಸನಾತನದ 370 ಗ್ರಂಥ ಮತ್ತು ಕಿರುಗ್ರಂಥಗಳ 13 ಭಾಷೆಗಳಲ್ಲಿ 1 ಕೋಟಿ 2 ಲಕ್ಷದ 62 ಸಾವಿರ ಪ್ರತಿಗಳು ಪ್ರಕಟಗೊಂಡಿವೆ!
ಸನಾತನದ
ಗ್ರಂಥಗಳು 1 ಕೋಟಿಯ ಮೈಲಿಗಲ್ಲನ್ನು ದಾಟಿರುವುದು ಸನಾತನದ ಗ್ರಂಥಕಾರ್ಯಕ್ಕೆ ಅತ್ಯಂತ ಹೆಮ್ಮೆಯ ವಿಷಯವಾಗಿದೆ. ಈ ಸಂಖ್ಯೆಯು ಸಮಾಜದಲ್ಲಿನ
ಜಿಜ್ಞಾಸುಗಳಿಗೆ ಅಧ್ಯಾತ್ಮ ಮತ್ತು ಶಾಸ್ತ್ರವನ್ನು ಅರ್ಥಮಾಡಿಕೊಳ್ಳುವಲ್ಲಿ ಎಷ್ಟು ಆಸಕ್ತಿ ಇದೆ ಎಂಬುದನ್ನು ತೋರಿಸುತ್ತದೆ.
ಗುರುದೇವರ
ವೈದ್ಯಕೀಯ ಬರಹದಿಂದ ಆಧ್ಯಾತ್ಮಿಕ ಗ್ರಂಥಗಳವರೆಗಿನ ಪಯಣ !
ಗುರುದೇವರು
ತಮ್ಮ ಗ್ರಂಥ ಲೇಖನದ ಶ್ರೀಕಾರವನ್ನು ವೈದ್ಯಕೀಯ ಕ್ಷೇತ್ರದಿಂದ ಆರಂಭಿಸಿದರು. ತಮ್ಮ ಸಹೋದರ ಡಾ.
ವಸಂತ ಆಠವಲೆ ಅವರಿಂದ ಪ್ರೇರಣೆ ಪಡೆದು ಅವರು 'ಸೈನ್ಸ್ ಆಫ್ ಹಿಪ್ನಾಸಿಸ್' ಮತ್ತು
'ಹಿಪ್ನೋಥೆರಪಿ'ಯಂತಹ ಪ್ರಮುಖ ಗ್ರಂಥಗಳನ್ನು
ಬರೆದರು. ಆದರೆ, ಕೆಲವು ಸಮಯದ ನಂತರ ಭೌತಿಕ
ಕಾಯಿಲೆಗಳಿಗೆ ಚಿಕಿತ್ಸೆ ನೀಡುವುದಕ್ಕಿಂತ 'ಅಧ್ಯಾತ್ಮಶಾಸ್ತ್ರ'ವು ಶ್ರೇಷ್ಠವಾದುದು ಎಂದು
ಅವರಿಗೆ ಅರಿವಾಯಿತು. ಇದರ ಫಲವಾಗಿ 1987 ರಲ್ಲಿ
ಅವರು ತಮ್ಮ ಮೊದಲ 'ಅಧ್ಯಾತ್ಮಶಾಸ್ತ್ರ'
ಗ್ರಂಥವನ್ನು ಬರೆದರು. ಕಾಲಾನಂತರದಲ್ಲಿ ಸಾಧನೆಯ ಬಗ್ಗೆ ಕೇವಲ ಸೈದ್ಧಾಂತಿಕ ಮಾಹಿತಿಯನ್ನು
ನೀಡದೆ, 'ಸಾಧನೆಯನ್ನು ಹೇಗೆ ಮಾಡಬೇಕು' ಎಂಬ
ಪ್ರಾಯೋಗಿಕ ಮಾರ್ಗದರ್ಶನಕ್ಕೆ ಅವರು ಒತ್ತು ನೀಡಿದರು.
'ನೀನು
ಪುಸ್ತಕಗಳ ಮೇಲೆ ಪುಸ್ತಕಗಳನ್ನು ಬರೆಯುವೆ' ಎಂಬ ಗುರು ಆಶೀರ್ವಾದ!
ತಮ್ಮ
ಗುರುಗಳಾದ ಪ.ಪೂ. ಭಕ್ತರಾಜ
ಮಹಾರಾಜರು ನೀಡಿದ 'ತೂ ಕಿತಾಬೋಂ ಕೆ
ಉಪರ್ ಕಿತಾಬೆ ಲಿಖೇಗಾ' (ನೀನು ಪುಸ್ತಕಗಳ ಮೇಲೆ
ಪುಸ್ತಕಗಳನ್ನು ಬರೆಯುವೆ) ಎಂಬ ಆಶೀರ್ವಾದವನ್ನು ಶಿರಸಾವಹಿಸಿ
ಪಾಲಿಸುತ್ತಾ ಅವರು ಗ್ರಂಥ ರಚನೆಯನ್ನು
ಮುಂದುವರಿಸಿದರು. ಏಕೆಂದರೆ ಈ ಗ್ರಂಥಗಳ ಬೋಧನೆಯನ್ನು
ಆಚರಣೆಗೆ ತಂದಿದ್ದರಿಂದ ಅನೇಕರ ಜೀವನದಲ್ಲಿ ಅಮೂಲಾಗ್ರ ಬದಲಾವಣೆಗಳಾಗಿವೆ.
ಅಧ್ಯಾತ್ಮಶಾಸ್ತ್ರದ
ಇತಿಹಾಸದಲ್ಲಿ ಅಪರೂಪದ ಉದಾಹರಣೆ!
ಇತರ
ಸಂತರಂತೆ ಕೇವಲ ಪ್ರವಚನ ಅಥವಾ
ಕೀರ್ತನೆಗಳನ್ನು ಮಾಡದೆ, ಗುರುದೇವರು ಗ್ರಂಥ ಲೇಖನದ ಮೂಲಕ ಸಮಾಜಕ್ಕೆ 'ಸಾಧನೆ'ಯ ಮಾರ್ಗವನ್ನು ತೋರಿಸಿಕೊಟ್ಟರು.
ಇದರ ಫಲವಾಗಿ 1.5.2026 ರವರೆಗೆ ಸನಾತನ ಸಂಸ್ಥೆಯ 134 ಸಾಧಕರು ಸಂತರಾಗಿದ್ದಾರೆ ಮತ್ತು 1025 ಸಾಧಕರು ಸಂತತ್ವದ ಹಾದಿಯಲ್ಲಿದ್ದಾರೆ. ಗ್ರಂಥಗಳ ಅಭ್ಯಾಸದಿಂದ ಇಷ್ಟು ವೇಗವಾಗಿ ಸಂತರ ನಿರ್ಮಿತಿಯಾಗುವುದು ಅಧ್ಯಾತ್ಮಶಾಸ್ತ್ರದ
ಇತಿಹಾಸದಲ್ಲಿ ಒಂದು ಅಪರೂಪದ ಉದಾಹರಣೆಯಾಗಿದೆ.
ಸನಾತನ
ಗ್ರಂಥಸಂಪತ್ತಿನ ಅನನ್ಯ ವೈಶಿಷ್ಟ್ಯಗಳು !
೧. ಕೇವಲ ಅಧ್ಯಾತ್ಮ ಮಾತ್ರವಲ್ಲದೆ
ಆಚಾರಧರ್ಮ, ಬಾಲಸಂಸ್ಕಾರ, ರಾಷ್ಟ್ರರಕ್ಷಣೆ, ಸಾತ್ತ್ವಿಕ ಕಲೆ, ಆಪತ್ಕಾಲೀನ ಚಿಕಿತ್ಸೆ
ಮತ್ತು ಕೆಟ್ಟ ಶಕ್ತಿಗಳಿಂದ ರಕ್ಷಣೆಯಂತಹ ವಿವಿಧ ವಿಷಯಗಳ ಮೇಲೆ ಈ ಗ್ರಂಥಸಂಪತ್ತು
ಲಭ್ಯವಿದೆ.
೨. ಕಠಿಣ ಪದಗಳನ್ನು ಬಳಸದೆ
ಸಾಮಾನ್ಯ ಜನರಿಗೂ ಅರ್ಥವಾಗುವಂತಹ ಸರಳ ಭಾಷೆಯಲ್ಲಿ ಈ
ಜ್ಞಾನವನ್ನು ಮಂಡಿಸಲಾಗಿದೆ.
೩. ವಿಶೇಷವೆಂದರೆ, ವ್ಯಾಕರಣದ ದೃಷ್ಟಿಯಿಂದ ಈ ಗ್ರಂಥಗಳು ಅತ್ಯಂತ
ಶುದ್ಧವಾಗಿವೆ. 'ಯುನಿವರ್ಸಲ್ ಔರಾ ಸ್ಕ್ಯಾನರ್' ಎಂಬ
ವೈಜ್ಞಾನಿಕ ಉಪಕರಣದ ಸಂಶೋಧನೆಯಿಂದ ವ್ಯಾಕರಣಬದ್ಧವಾದ ಶುದ್ಧ ಲೇಖನಗಳಲ್ಲಿ ಸಕಾರಾತ್ಮಕ ಶಕ್ತಿಯು ಹೆಚ್ಚಿರುತ್ತದೆ ಎಂದು ಸಾಬೀತಾಗಿದೆ.
೪. ಇಂದಿನ ವೈಜ್ಞಾನಿಕ ತಲೆಮಾರಿಗೆ ಮನವರಿಕೆಯಾಗುವಂತೆ ಕೋಷ್ಟಕಗಳು, ಶೇಕಡಾವಾರು ಮತ್ತು ವೈಜ್ಞಾನಿಕ ಉಪಕರಣಗಳ ಆಧಾರದ ಮೇಲೆ ಅಧ್ಯಾತ್ಮಶಾಸ್ತ್ರವನ್ನು ಮಂಡಿಸಲಾಗಿದೆ.
೫. ಗ್ರಂಥಗಳಲ್ಲಿನ ಶೇ. 20 ರಷ್ಟು ಜ್ಞಾನವು ಭೂಮಿಯ ಮೇಲೆ ಎಲ್ಲಿಯೂ ಲಭ್ಯವಿಲ್ಲ.
ಈ ಜ್ಞಾನವು ಕೇವಲ ಬುದ್ಧಿಯಿಂದ ಬರೆದದ್ದಲ್ಲ,
ಬದಲಾಗಿ ಈಶ್ವರೀ ಪ್ರೇರಣೆಯಿಂದ ಸ್ಫುರಿಸಿದ್ದಾಗಿದೆ.
ಸನಾತನ
ನಿರ್ಮಿತ ಗ್ರಂಥಸಂಪತ್ತಿನ ಭಾಷಾವಾರು ವಿಸ್ತಾರ!
ಈ ದಿವ್ಯ ಜ್ಞಾನವು ಕೇವಲ ಒಂದು ಭಾಷೆಗೆ
ಸೀಮಿತವಾಗದೆ ವಿವಿಧ ಪ್ರಾಂತ್ಯಗಳ ಜಿಜ್ಞಾಸುಗಳನ್ನು ತಲುಪಲಿ ಎಂಬ ಉದ್ದೇಶದಿಂದ ಸನಾತನವು
ಹಗಲಿರುಳು ಶ್ರಮಿಸಿದೆ. ಮಾರ್ಚ್ 2026 ರವರೆಗೆ ಸನಾತನವು 13 ಭಾಷೆಗಳಲ್ಲಿ ತನ್ನ ಜ್ಞಾನದ ಭಂಡಾರವನ್ನು
ಮುಕ್ತಗೊಳಿಸಿದೆ. ಇದರಲ್ಲಿ ಮರಾಠಿ ಭಾಷೆಯಲ್ಲಿ ಅತಿ ಹೆಚ್ಚು ಅಂದರೆ
348 ಗ್ರಂಥಗಳಿದ್ದು, ನಂತರದ ಸ್ಥಾನದಲ್ಲಿ ಇಂಗ್ಲಿಷ್ನಲ್ಲಿ 2202, ಹಾಗೂ ಕನ್ನಡ ಮತ್ತು
ಹಿಂದಿ ಭಾಷೆಗಳಲ್ಲಿ ತಲಾ 201 ಗ್ರಂಥಗಳು ಪ್ರಕಟಗೊಂಡಿವೆ. ಇದರೊಂದಿಗೆ ಗುಜರಾತಿ ಭಾಷೆಯಲ್ಲಿ 70, ತೆಲುಗಿನಲ್ಲಿ 54, ತಮಿಳಿನಲ್ಲಿ 49, ಬಂಗಾಳಿಯಲ್ಲಿ 30, ಮಲಯಾಳಂನಲ್ಲಿ 25, ಒಡಿಯಾದಲ್ಲಿ 22, ಪಂಜಾಬಿಯಲ್ಲಿ 13, ನೇಪಾಲಿಯಲ್ಲಿ 3 ಮತ್ತು ಅಸ್ಸಾಮಿ ಭಾಷೆಯಲ್ಲಿ 2 ಗ್ರಂಥಗಳು ಪ್ರಕಟವಾಗಿವೆ. ಹೀಗೆ ಒಟ್ಟು 370 ಗ್ರಂಥಗಳ
ಮೂಲಕ ಅಧ್ಯಾತ್ಮದ ಈ ಚೈತನ್ಯಮಯ ಪ್ರವಾಹವು
ಭಾರತದಾದ್ಯಂತ ಹರಿಯುತ್ತಿದೆ.
ಗ್ರಂಥಗಳ
ಮುಖ್ಯ ವಿಷಯಗಳು!
ಹಿಂದೂ
ಧರ್ಮ : ಹಬ್ಬಗಳು, ಉತ್ಸವಗಳು, 16 ಸಂಸ್ಕಾರಗಳು ಮತ್ತು ಸಂಪ್ರದಾಯಗಳು.
ಆಚಾರಧರ್ಮ:
ಆದರ್ಶ ಆಹಾರ, ನಿದ್ರೆ, ವೇಷಭೂಷಣ ಮತ್ತು ಅಲಂಕಾರ.
ಸಾಧನೆ:
ನಾಮಜಪ, ಸ್ವಭಾವದೋಷ ನಿರ್ಮೂಲನೆ, ಅಹಂ ನಿರ್ಮೂಲನೆ ಮತ್ತು
ಭಾವಜಾಗೃತಿ.
ಆಪತ್ಕಾಲೀನ
ಉಪಾಯಗಳು : ಆಯುರ್ವೇದ ಚಿಕಿತ್ಸೆ, ನಾಮಜಪ ಮತ್ತು ಪ್ರಥಮ ಚಿಕಿತ್ಸೆ.
ಆಪತ್ಕಾಲದಲ್ಲಿ
ಮಾರ್ಗದರ್ಶಕವಾಗಲಿರುವ ಗ್ರಂಥಗಳು!
ಹಿಂದಿನ
ಋಷಿಮುನಿಗಳು ವೇದ, ಉಪನಿಷತ್ತು, ರಾಮಾಯಣ,
ಮಹಾಭಾರತದಂತಹ ಧರ್ಮಗ್ರಂಥಗಳ ಮೂಲಕ ವಿಪುಲವಾದ ಸಾಹಿತ್ಯವನ್ನು
ನೀಡಿದ್ದಾರೆ. ಈ ಧರ್ಮಗ್ರಂಥಗಳಲ್ಲಿನ ಪ್ರಸ್ತುತ
ಕಾಲಕ್ಕೆ ಅಗತ್ಯವಿರುವ ವಿಷಯಗಳನ್ನು ಸನಾತನದ ಗ್ರಂಥಗಳಲ್ಲಿ ಅಳವಡಿಸಿಕೊಳ್ಳಲಾಗಿದೆ. ಮುಂಬರುವ ಕಾಲವು ಆಪತ್ಕಾಲವಾಗಿದೆ (ಕಷ್ಟಕಾಲ). ಅಂತಹ ಸಮಯದಲ್ಲಿ ಈ
ಗ್ರಂಥಗಳೇ ನಮಗೆ ದಾರಿ ದೀಪವಾಗಲಿವೆ.
ಪ್ರತಿಯೊಬ್ಬರೂ ತಮ್ಮ ಮನೆಯಲ್ಲಿ ಈ
'ಚೈತನ್ಯಮಯ ಗ್ರಂಥಗಳನ್ನು' ಸಂಗ್ರಹಿಸಿಟ್ಟುಕೊಂಡು ಅದರಂತೆ ಆಚರಿಸುವುದೇ ನಿಜವಾದ ಗುರುಸೇವೆಯಾಗಿದೆ!
- ವಿನೋದ ಕಾಮತ,
ವಕ್ತಾರರು,
ಸನಾತನ ಸಂಸ್ಥೆ
ಸಂಪರ್ಕ
: 9342599299
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
