ದಾವೋಸ್, ಸ್ವಿಟ್ಜರ್ಲೆಂಡ್ : ದಾವೋಸ್ನಲ್ಲಿ ಆಯೋಜಿಸಲಾಗಿದ್ದ ಪ್ರತಿಷ್ಠಿತ 'ವರ್ಲ್ಡ್ ಎಕನಾಮಿಕ್ ಫೋರಮ್' (ವಿಶ್ವ ಆರ್ಥಿಕ ವೇದಿಕೆ) 2026 ರ 'ಹೌಸ್ ಆಫ್
ಪಯೋನಿಯರ್ಸ್' ನಲ್ಲಿ ‘ದೈವೀ ಕಣಗಳು’ (Divine Particles) ಎಂಬ ವಿಶಿಷ್ಟ ವಿದ್ಯಮಾನದ
ಕುರಿತು ಗೋವಾ ಮೂಲದ ಸಂಸ್ಥೆಗಳು
ನೀಡಿದ ಪ್ರಸ್ತುತಿಯು ಅಲ್ಲಿನ ಜಾಗತಿಕ ಪ್ರತಿನಿಧಿಗಳ ವಿಶೇಷ ಆಕರ್ಷಣೆಯ ಕೇಂದ್ರವಾಯಿತು.
'ಸ್ಪಿರಿಚುವಲ್ ಸೈನ್ಸ್ ರಿಸರ್ಚ್ ಫೌಂಡೇಶನ್' (SSRF) ಮತ್ತು 'ಮಹರ್ಷಿ ಅಧ್ಯಾತ್ಮ ವಿಶ್ವವಿದ್ಯಾಲಯ' (MAV) ನ ಸಂಶೋಧಕರಾದ ಶಾನ್
ಕ್ಲಾರ್ಕ್ ಮತ್ತು ಶ್ವೇತಾ ಕ್ಲಾರ್ಕ್ ಅವರು ಜಾಗತಿಕ ವೀಕ್ಷಕರಿಗೆ
ಈ ‘ದೈವೀ ಕಣಗಳನ್ನು’ ಪರಿಚಯಿಸಿದರು.
ಈ ವಿದ್ಯಮಾನವು ಸಾಂಪ್ರದಾಯಿಕ ಭೌತವಿಜ್ಞಾನದ ವರ್ಗೀಕರಣದ ಗಡಿಗಳನ್ನು ಮೀರಿದಂತೆ ಕಂಡುಬರುತ್ತದೆ.ಈ ಕಣಗಳನ್ನು ಮೊಟ್ಟಮೊದಲ
ಬಾರಿಗೆ ಮಾರ್ಚ್ 2012 ರಲ್ಲಿ ಸಚ್ಚಿದಾನಂದ ಪರಬ್ರಹ್ಮ ಡಾ. ಜಯಂತ ಬಾಲಾಜಿ
ಆಠವಲೆ ಅವರ ಹಸ್ತಗಳಲ್ಲಿ ಕಂಡುಬಂದಿತ್ತು.
ಅಂದಿನಿಂದ ಈವರೆಗೆ ದೈವೀಕಣಗಳ ಈ ವಿದ್ಯಮಾನವು 20 ಕ್ಕೂ
ಹೆಚ್ಚು ದೇಶಗಳಲ್ಲಿ ದಾಖಲಾಗಿದೆ. ಈ ಕಣಗಳು ವಿವಿಧ
ಬಣ್ಣಗಳಲ್ಲಿ ಕಂಡುಬರುತ್ತವೆ ಮತ್ತು ಇವು ಚರ್ಮ, ಉಡುಪುಗಳು,
ವಸ್ತುಗಳು ಹಾಗೂ ಲ್ಯಾಮಿನೇಟೆಡ್ ಮೇಲ್ಮೈಗಳ
ಅಡಿಯಲ್ಲೂ ಪತ್ತೆಯಾಗಿವೆ.
ಗೋವಾವನ್ನು ಪ್ರತಿನಿಧಿಸುತ್ತಿದ್ದ ಈ ಸಂಶೋಧನಾ ತಂಡವು
'ಭಾಭಾ ಪರಮಾಣು ಸಂಶೋಧನಾ ಕೇಂದ್ರ' (BARC) ಮತ್ತು 'ಭಾರತೀಯ ತಂತ್ರಜ್ಞಾನ ಸಂಸ್ಥೆ' (IIT) ಮುಂಬೈನ ವೈಜ್ಞಾನಿಕ ಪ್ರಯೋಗಾಲಯಗಳಲ್ಲಿ ನಡೆಸಿದ ಪರೀಕ್ಷೆಗಳ ತೀರ್ಮಾನಗಳನ್ನು ಹಂಚಿಕೊಂಡಿತು. ಇವು ಈ ಕಣಗಳ
ಭೌತಿಕ ಮತ್ತು ರಾಸಾಯನಿಕ ಗುಣಲಕ್ಷಣಗಳ ಮೇಲೆ ಬೆಳಕು ಚೆಲ್ಲುತ್ತವೆ.
’ದೈವೀ’
ಕಣಗಳ ಪ್ರಮುಖ ಸಂಶೋಧನಾ ಫಲಿತಾಂಶಗಳು:
ಇವು ಮುಖ್ಯವಾಗಿ ಕಾರ್ಬನ್, ಆಮ್ಲಜನಕ ಮತ್ತು ಸಾರಜನಕದಿಂದ ಮಾಡಲ್ಪಟ್ಟಿವೆ.
ಇವು ಸಾಮಾನ್ಯವಾಗಿ ಕಂಡುಬರುವ ಜೈವಿಕ ಅಥವಾ ಲೋಹೀಯ ಪದಾರ್ಥಗಳಿಗಿಂತ
ಭಿನ್ನವಾಗಿವೆ.
ಇವು ಸಾಂದ್ರೀಕೃತ ನೈಟ್ರಿಕ್ ಆಮ್ಲ ಅಥವಾ ಆಕ್ವಾ
ರೆಜಿಯಾ (ಆಮ್ಲರಾಜ) ಗೆ ಯಾವುದೇ ಪ್ರತಿಕ್ರಿಯೆ
ನೀಡುವುದಿಲ್ಲ.
ಇವು ವಿಪರೀತ ಶಾಖಕ್ಕೆ ಒಡ್ಡಿಕೊಂಡರೂ ತಮ್ಮ ಹೊಳಪನ್ನು ಕಾಯ್ದುಕೊಳ್ಳುತ್ತವೆ.
ಮತ್ತೊಂದು ಅಸಾಮಾನ್ಯ ಅವಲೋಕನದಲ್ಲಿ, ಶಕ್ತಿ ವಾಸ್ತುಶಿಲ್ಪಿ ಶ್ರೀ ಮಯಾಂಕ್ ಬರ್ಜಾತ್ಯಾ
ಅವರು ‘ಲೇಕರ್ ಆಂಟೆನಾ’ ಎಂಬ ಶಕ್ತಿ ಮಾಪನ
ಉಪಕರಣದ ಮೂಲಕ ನಡೆಸಿದ ಪರೀಕ್ಷೆಯಲ್ಲಿ,
ಈ ಕಣಗಳಿಂದ ಯಾವುದೇ ಕಂಪನಗಳು (vibrations) ಕಂಡುಬಂದಿಲ್ಲ. ಸಾಮಾನ್ಯವಾಗಿ ಇಂತಹ ಉಪಕರಣಗಳು ನೈಸರ್ಗಿಕ
ಪದಾರ್ಥಗಳಿಗೆ ಪ್ರತಿಕ್ರಿಯೆ ನೀಡುತ್ತವೆ.
ಆಧ್ಯಾತ್ಮಿಕ ಸಂಶೋಧನೆಯ ತೀರ್ಮಾನಗಳು:
ಸಚ್ಚಿದಾನಂದ
ಪರಬ್ರಹ್ಮ ಡಾ. ಜಯಂತ ಬಾಲಾಜಿ
ಆಠವಲೆ ಅವರ ಕೃಪೆಯಿಂದ ಪ್ರಕಟವಾಗುವ
ಈ ಕಣಗಳು ‘ಈಶ್ವರೀಯ ಚೈತನ್ಯ’ದ ಸಾಂದ್ರೀಕರಣವನ್ನು ಪ್ರತಿನಿಧಿಸುತ್ತವೆ.
ಪ್ರಸ್ತುತ ಯುಗದ ಈ ಸಂಧಿಕಾಲದಲ್ಲಿ
ಆಧ್ಯಾತ್ಮಿಕ ರಕ್ಷಣೆ ಮತ್ತು ಶಕ್ತಿಯನ್ನು ನೀಡುವುದು ಇದರ ಉದ್ದೇಶವಾಗಿದೆ. ಶುದ್ಧಿಗಾಗಿ
ಚಿನ್ನದ ಬಣ್ಣ ಮತ್ತು ಭಕ್ತಿಗಾಗಿ
ನೀಲಿ ಬಣ್ಣದಂತಹ ವಿವಿಧ ಬಣ್ಣಗಳು ದೈವಿಕ ಶಕ್ತಿಯಾಗಿ ಕಾರ್ಯನಿರ್ವಹಿಸುತ್ತವೆ, ಇದು ಆಂತರಿಕ ಬೆಳವಣಿಗೆ
ಮತ್ತು ಅಧ್ಯಾತ್ಮ ಪ್ರಸಾರಕ್ಕೆ ಉತ್ತೇಜನ ನೀಡುತ್ತದೆ. 2012 ರಲ್ಲಿ ಗೋವಾದಲ್ಲಿ ಆರಂಭವಾದ ಈ ವಿದ್ಯಮಾನವು ಈಗ
ದಾವೋಸ್ನಲ್ಲಿ ಜಾಗತಿಕ ಕುತೂಹಲವನ್ನು ಕೆರಳಿಸಿದೆ ಮತ್ತು ಇದು ಆಳವಾದ ವೈಜ್ಞಾನಿಕ
ತನಿಖೆಗೆ ಅರ್ಹವಾಗಿದೆ ಎಂದು ತಂಡವು ಹೇಳಿದೆ.
- ಶ್ರೀ ಶಾನ್ ಕ್ಲಾರ್ಕ್,
ಸಂಶೋಧನಾ
ಮುಖ್ಯಸ್ಥರು ಮತ್ತು ಪ್ರಾಧ್ಯಾಪಕರು,
ಮಹರ್ಷಿ
ಅಧ್ಯಾತ್ಮ ವಿಶ್ವವಿದ್ಯಾಲಯ
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
