ಕಾಸರಗೋಡು:
ಮಂಜೇಶ್ವರ ತಾಲೂಕಿನ ಪೆರ್ಲ ಸಮೀಪದ ಬಜಕೂಡ್ಲು ಅಮೃತಧಾರಾ ಗೋಶಾಲೆಯಲ್ಲಿ ಮೇ 16ರಂದು ಶನಿಜಯಂತಿಯ
ಪುಣ್ಯಪರ್ವದ ಪ್ರಯುಕ್ತ 'ಶನಿನಮನ-ತಾಪಶಮನ' ಎಂಬ ವಿಶೇಷ ಧಾರ್ಮಿಕ
ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.
ಪರಮಪೂಜ್ಯ
ಶ್ರೀಮಜ್ಜಗದ್ಗುರು ಶಂಕರಾಚಾರ್ಯ ಶ್ರೀಶ್ರೀ ರಾಘವೇಶ್ವರಭಾರತೀ ಮಹಾಸ್ವಾಮಿಗಳವರ ದಿವ್ಯ ಅನುಗ್ರಹ ಹಾಗೂ ಮಾರ್ಗದರ್ಶನದಲ್ಲಿ ಈ
ಕಾರ್ಯಕ್ರಮ ನಡೆಯಲಿದೆ. ಈ ವರ್ಷದ ವೈಶಾಖ
ಅಮಾವಾಸ್ಯೆಯು ಶನಿವಾರದಂದೇ ಬಂದಿರುವುದು (ಶನಿ ಜಯಂತಿ) ವಿಶೇಷವಾಗಿದ್ದು,
ಭಕ್ತಾದಿಗಳ ಪಾಲಿಗೆ ಇದು ಅತ್ಯಂತ ಮಹತ್ವದ
ದಿನವಾಗಿದೆ.
ಅಖಂಡ
ಅಥರ್ವಶೀರ್ಷ ಪಾರಾಯಣದ ಸಂಕಲ್ಪ
ಮೇ
16ರ ಶನಿವಾರ ಸೂರ್ಯೋದಯದಿಂದ ಆರಂಭಗೊಂಡು, ಮೇ 17ರ ಸೂರ್ಯೋದಯದ
ತನಕ ಸತತ 24 ಗಂಟೆಗಳ ಕಾಲ ಅಖಂಡ ಗಣಪತ್ಯಥರ್ವಶೀರ್ಷ
ಪಾರಾಯಣ ನಡೆಯಲಿದೆ. ದಾರಿದ್ರ್ಯ ನಾಶ ಹಾಗೂ ಲೋಕಕಲ್ಯಾಣದ
ಉದ್ದೇಶದಿಂದ ಈ ಮಹಾಸಂಕಲ್ಪ ಕೈಗೊಳ್ಳಲಾಗಿದೆ.
ಧಾರ್ಮಿಕ
ವಿಧಿವಿಧಾನಗಳು:
ದಿನವಿಡೀ
ವಿವಿಧ ಹೋಮ-ಹವನಗಳು ಜರುಗಲಿದ್ದು,
ಪ್ರಮುಖವಾಗಿ ಬಾಲಗಣಪತಿ ಹವನ ಹಾಗೂ ಗಣಪತಿ
ಹವನ, ನವಗ್ರಹ ಶಾಂತಿ ಮತ್ತು ವಿಶೇಷ ಶನಿ ಶಾಂತಿ ಹವನ,
ಶನಿದೇವರಿಗೆ ವಿಶೇಷ
ಪೂಜೆ ಮತ್ತು ಅಥರ್ವಶೀರ್ಷ ಹವನ, ಗೋಪೂಜೆ ಮತ್ತು ಗೋಪಾಲಕೃಷ್ಣ ಪೂಜೆ ಹಾಗೂ ಸಂಜೆ 7 ಗಂಟೆಗೆ ಭವ್ಯ ಮಹಾಮಂಗಳಾರತಿ ನೆರವೇರಲಿದೆ.
ಸೇವೆಗಳ
ವಿವರ:
ಭಕ್ತಾದಿಗಳಿಗೆ
ಈ ಪುಣ್ಯಕಾರ್ಯದಲ್ಲಿ ಪಾಲ್ಗೊಳ್ಳಲು ವಿವಿಧ ಸೇವೆಗಳ ಅವಕಾಶ ಕಲ್ಪಿಸಲಾಗಿದೆ. ಗೋಗ್ರಾಸ ಸೇವೆ (₹250), ಶನಿಪೂಜೆ ಸಂಕಲ್ಪ (₹500) ಹಾಗೂ ಸರ್ವಸೇವೆ (₹2000) ನೀಡಲು
ಅವಕಾಶವಿದ್ದು, ಭೌತಿಕವಾಗಿ ಬರಲಾಗದ ಭಕ್ತರು ತಮ್ಮ ವಲಯ ಪದಾಧಿಕಾರಿಗಳ
ಮೂಲಕ ಸಂಕಲ್ಪ ಮಾಡಿಸಬಹುದಾಗಿದೆ.
"ಶನಿದೇವನು
ಕೇವಲ ಶಿಕ್ಷಿಸುವವನಲ್ಲ, ಬದಲಿಗೆ ಕರ್ಮಫಲದ ನ್ಯಾಯದೇವತೆಯಾಗಿದ್ದಾನೆ. ಗೋಸೇವೆಯೊಂದಿಗೆ ಶನಿದೇವರ ಆರಾಧನೆ ಮಾಡುವುದರಿಂದ ಸಾಡೇಸಾತಿ ಸೇರಿದಂತೆ ಸಕಲ ಗ್ರಹದೋಷಗಳು ನಿವಾರಣೆಯಾಗಲಿವೆ"
ಎಂದು ಗೋಸೇವಾ ಬಳಗದ ಪ್ರಕಟಣೆ ತಿಳಿಸಿದೆ.
ಈ ಧಾರ್ಮಿಕ ಕಾರ್ಯಕ್ರಮದಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಭಕ್ತಾದಿಗಳು ಪಾಲ್ಗೊಂಡು, ಪ್ರಸಾದ ಸ್ವೀಕರಿಸಿ ಶ್ರೀ ಗುರುದೇವತಾ ಅನುಗ್ರಹಕ್ಕೆ
ಪಾತ್ರರಾಗಬೇಕೆಂದು ಅಮೃತಧಾರಾ ಗೋಸೇವಾ ಬಳಗ ವಿನಂತಿಸಿದೆ. ಹೆಚ್ಚಿನ
ಮಾಹಿತಿಗಾಗಿ ಸ್ಥಳೀಯ ಗುರಿಕ್ಕಾರರನ್ನು ಅಥವಾ ಗೋಶಾಲೆಯ ಪದಾಧಿಕಾರಿಗಳನ್ನು
ಸಂಪರ್ಕಿಸಲು ಕೋರಲಾಗಿದೆ.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
