ಮಂಗಳೂರು:
ವಿಶ್ವದಾದ್ಯಂತ ಕೋಟ್ಯಂತರ ಭಕ್ತರ ಆರಾಧ್ಯ ಮಾತೆಯಾಗಿರುವ ಸದ್ಗುರು ಶ್ರೀ ಮಾತಾ ಅಮೃತಾನಂದಮಯಿ
ದೇವಿಯವರು (ಅಮ್ಮ) ಸುದೀರ್ಘ 7 ವರ್ಷಗಳ ನಂತರ ಕರಾವಳಿ ನಗರಿ
ಮಂಗಳೂರಿಗೆ ಆಗಮಿಸುತ್ತಿದ್ದಾರೆ. ಮೇ 28 ಮತ್ತು 29 ರಂದು ಬೋಳೂರಿನ ಅಮೃತ
ವಿದ್ಯಾಲಯಂ ಶಾಲಾ ಮೈದಾನದಲ್ಲಿ ‘ಅಮೃತಸಂಗಮ
2026’ ಮತ್ತು 25ನೇ ವರ್ಷದ ಬೆಳ್ಳಿ
ಹಬ್ಬದ ಸಂಭ್ರಮಾಚರಣೆ ಸಕಲ ಪೂರ್ವಸಿದ್ಧತೆಗಳೊಂದಿಗೆ ಜರುಗಲಿದೆ ಎಂದು
ಮಾತಾ ಅಮೃತಾನಂದಮಯಿ ಸೇವಾ ಸಮಿತಿ ಪ್ರಕಟಿಸಿದೆ.
ಈ ಬಾರಿ ಕೇರಳದ ಹೊರಗಡೆ
ಅಮ್ಮನವರು ಭೇಟಿ ನೀಡುತ್ತಿರುವ ಕರ್ನಾಟಕದ
ಏಕೈಕ ಸ್ಥಳ ಮಂಗಳೂರು ಆಗಿರುವುದು
ಕರಾವಳಿಯ ಭಕ್ತರಲ್ಲಿ ವಿಶೇಷ ಉತ್ಸಾಹ ಮೂಡಿಸಿದೆ.
ಕೇಂದ್ರ-ರಾಜ್ಯ ಸಚಿವರ ಸಮಾಗಮ: ಬೃಹತ್ ಸೇವಾ ಯೋಜನೆಗಳ ಅನಾವರಣ
ಮೇ
28 ರಂದು ಬೆಳಗ್ಗೆ 10.30 ಕ್ಕೆ ಅಮ್ಮನವರ ದಿವ್ಯ
ಉಪಸ್ಥಿತಿಯಲ್ಲಿ ಸಮಾಜಮುಖಿ ಮಾನವೀಯ ಸೇವಾ ಯೋಜನೆಗಳ ಅನಾವರಣ
ಹಾಗೂ ವಿತರಣೆ ನಡೆಯಲಿದೆ.
ಈ ಭವ್ಯ ಸಭಾ ಕಾರ್ಯಕ್ರಮದಲ್ಲಿ
ಕೇಂದ್ರ ಗ್ರಾಹಕ ವ್ಯವಹಾರಗಳು, ಆಹಾರ ಮತ್ತು ಸಾರ್ವಜನಿಕ
ವಿತರಣೆ ಹಾಗೂ ನವೀನ ಮತ್ತು
ನವೀಕರಿಸಬಹುದಾದ ಇಂಧನ ಖಾತೆ ಸಚಿವರಾದ
ಶ್ರೀ ಪ್ರಹ್ಲಾದ್ ಜೋಷಿ ಹಾಗೂ ಕೇಂದ್ರ
ವಿದ್ಯುತ್ ಮತ್ತು ನವೀಕರಿಸಬಹುದಾದ ಇಂಧನ ಸಚಿವಾಲಯದ ರಾಜ್ಯ
ಸಚಿವರಾದ ಶ್ರೀ ಶ್ರೀಪಾದ್ ಯೆಸ್ಸೋ
ನಾಯಕ್ ಮುಖ್ಯ ಅತಿಥಿಗಳಾಗಿ ಭಾಗವಹಿಸಲಿದ್ದಾರೆ.
ಕರ್ನಾಟಕ
ವಿಧಾನಸಭೆಯ ಸಭಾಪತಿ ಶ್ರೀ ಯು. ಟಿ.
ಖಾದರ್ ಫರೀದ್, ಜಿಲ್ಲಾ ಉಸ್ತುವಾರಿ ಸಚಿವ ಶ್ರೀ ದಿನೇಶ್
ಗುಂಡೂರಾವ್, ಸಂಸದ ಕ್ಯಾಪ್ಟನ್ ಬೃಜೇಶ್
ಚೌಟ, ಶಾಸಕ ಶ್ರೀ ಡಿ.
ವೇದವ್ಯಾಸ ಕಾಮತ್, ಮಾಜಿ ಸಚಿವ ಶ್ರೀ
ಪ್ರಮೋದ್ ಮಧ್ವರಾಜ್ ಹಾಗೂ ಆರ್ಥಿಕ ಇಲಾಖೆಯ
ಪ್ರಧಾನ ಕಾರ್ಯದರ್ಶಿ ಶ್ರೀ ರಿತೇಶ್ ಕುಮಾರ್
ಸೇರಿದಂತೆ ಹಲವು ಗಣ್ಯರು ಗೌರವಾನ್ವಿತ
ಅತಿಥಿಗಳಾಗಿ ಪಾಲ್ಗೊಳ್ಳಲಿದ್ದಾರೆ.
ಬೋಳೂರಿನ
ಯಜ್ಞಶಾಲೆ ಹಾಗೂ ಶ್ರೀ ಬ್ರಹ್ಮಸ್ಥಾನಂ
ಕ್ಷೇತ್ರದಲ್ಲಿ ಬೆಳಗ್ಗಿನಿಂದ ರಾತ್ರಿಯವರೆಗೆ ವೈವಿಧ್ಯಮಯ ಪೂಜಾ ಕೈಂಕರ್ಯಗಳು ನಡೆಯಲಿವೆ.
ಅಮ್ಮನವರ
ದರ್ಶನಕ್ಕೆ ಯಾವುದೇ ಶುಲ್ಕ ಇರುವುದಿಲ್ಲ. ಜಾತಿ, ಮತ, ಧರ್ಮದ ಭೇದವಿಲ್ಲದೆ
ಎಲ್ಲರಿಗೂ ಮುಕ್ತ ಅವಕಾಶವಿದೆ. ಶಿಸ್ತುಬದ್ಧ ದರ್ಶನಕ್ಕಾಗಿ ಬೆಳಗ್ಗೆ 9.30 ರ ಒಳಗೆ ಆಗಮಿಸುವ
ಭಕ್ತರಿಗೆ 'ಟೈಮ್ ಕಾರ್ಡ್' ನೀಡಲಾಗುತ್ತದೆ.
ಬಂದ ಸಮಯದ ಆದ್ಯತೆಯ ಮೇರೆಗೆ
ದರ್ಶನ ಟೋಕನ್ ವಿತರಿಸಲಾಗುವುದು (ಪುಟ್ಟ ಮಕ್ಕಳಿಗೂ ಟೋಕನ್ ಕಡ್ಡಾಯ).
ಮಹಾ
ಅನ್ನಸಂತರ್ಪಣೆ:
ಎರಡೂ ದಿನಗಳ ಕಾಲ ಮಧ್ಯಾಹ್ನ ಮತ್ತು
ರಾತ್ರಿ ವಿಶಾಲವಾದ ಅನ್ನಕ್ಷೇತ್ರದಲ್ಲಿ ಭಕ್ತರಿಗೆ ಮಹಾ ಅನ್ನಪ್ರಸಾದ ವಿನಿಯೋಗವಿರಲಿದೆ.
ಮೂಲಸೌಕರ್ಯ
ಹಾಗೂ ಸಾರಿಗೆ: ಕುಡಿಯುವ ನೀರು, ಮಜ್ಜಿಗೆ ಹಾಗೂ ಬಿಸ್ಕೆಟ್ ಸೌಲಭ್ಯ
ಕಲ್ಪಿಸಲಾಗಿದೆ. ಮುಂಚಿತವಾಗಿ ಕಾಯ್ದಿರಿಸಿದ ಪರವೂರಿನ ಭಕ್ತರಿಗೆ ವಸತಿ ವ್ಯವಸ್ಥೆ ಇದೆ.
ಕಾರ್ಯಕ್ರಮದ ಮುಕ್ತಾಯದ ನಂತರ ಭಕ್ತರ ಅನುಕೂಲಕ್ಕಾಗಿ
ಕೆ.ಎಸ್.ಆರ್.ಟಿ.ಸಿ ಸೇರಿದಂತೆ ವಿಶೇಷ
ಬಸ್ಸುಗಳ ವ್ಯವಸ್ಥೆ ಇರಲಿದೆ.
ರಾಜ್ಯದಾದ್ಯಂತ
ಲಕ್ಷಾಂತರ ಭಕ್ತರು ಆಗಮಿಸುವ ನಿರೀಕ್ಷೆಯಿದ್ದು, ಸಾರ್ವಜನಿಕರು ಈ ಆಧ್ಯಾತ್ಮಿಕ ಮಹೋತ್ಸವದ
ಸದುಪಯೋಗ ಪಡಿಸಿಕೊಳ್ಳಬೇಕಾಗಿ ಮಾತಾ ಅಮೃತಾನಂದಮಯಿ ಸೇವಾ
ಸಮಿತಿಯ ಪದಾಧಿಕಾರಿಗಳಾದ ಸುರೇಶ್ ಅಮೀನ್, ಡಾ. ಜೀವರಾಜ್ ಸೊರಕೆ,
ಸಿ ಎ ವಾಮನ್ ಕಾಮತ್,
ಡಾ. ವಸಂತಕುಮಾರ ಪೆರ್ಲ, ಸಿ ಎ ರಾಮನಾಥ್
ಹಾಗೂ ಡಾ. ದೇವದಾಸ್ ಪುತ್ರನ್
ಅವರು ಜಂಟಿ ಪತ್ರಿಕಾಗೋಷ್ಠಿಯಲ್ಲಿ ವಿನಂತಿಸಿದ್ದಾರೆ.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
