ಮಂಗಳೂರು: ನಗರದ ಮಣ್ಣಗುಡ್ಡೆ- ಮಠದಕಣಿ ಪ್ರದೇಶದಲ್ಲಿ ಇನ್ಲ್ಯಾಂಡ್ ಬಿಲ್ಡರ್ಸ್ ನಿರ್ಮಿಸಿರುವ ‘ಎಲೋರಾ’ ವಸತಿ ಸಮುಚ್ಚಯವು ಬುಧವಾರ (ಮಾ.25) ರಂದು ಉದ್ಘಾಟನೆಗೊಂಡಿತು.
ಸುಮಾರು ಒಂದೂವರೆ ವರ್ಷ ಅವಧಿಯಲ್ಲಿ ಈ ವಸತಿ ಸಮುಚ್ಚಯ ನಿರ್ಮಾಣಗೊಂಡಿದ್ದು, ಭೂಮಿಪೂಜೆ ಸಂದರ್ಭದಲ್ಲೇ ಹಿಂದೂ, ಮುಸ್ಲಿಂ, ಕ್ರೈಸ್ತ ಧರ್ಮಗಳ ಪದ್ಧತಿ ಅನುಸಾರ ಸರ್ವರ ಹಿತ ಬಯಸಿ ಧಾರ್ಮಿಕ ಆಚರಣೆಗಳನ್ನು ನಡೆಸಲಾಗಿತ್ತು. ಅದೇ ರೀತಿ ಇಂದು ಉದ್ಘಾಟನೆಯ ಸಂದರ್ಭದಲ್ಲೂ ವೈದಿಕ ವಿದ್ವಾಂಸರಿಂದ ಗಣಹೋಮ ನಡೆಸಲಾಗಿದೆ. ಅದೇ ರೀತಿ ಮುಸ್ಲಿಂ ಧಾರ್ಮಿಕ ಪಂಡಿತರಿಂದ ಇಸ್ಲಾಮಿಕ್ ಪದ್ಧತಿಯ ಪ್ರಾರ್ಥನೆ ಹಾಗೂ ಕ್ರೈಸ್ತ ಧಾರ್ಮಿಕ ವಿದ್ವಾಂಸರಿಂದ ಕ್ರೈಸ್ತ ಧರ್ಮದ ಪ್ರಾರ್ಥನೆ ನೆರವೇರಿಸಲಾಗಿದೆ ಎಂದು ಇನ್ಲ್ಯಾಂಡ್ ಬಿಲ್ಡರ್ಸ್ನ ಚೇರ್ಮನ್ ಮತ್ತು ನಿರ್ದೇಶಕರಾದ ಸಿರಾಜ್ ಅಹಮದ್ ಅವರು ಮಾಧ್ಯಮ ಪ್ರತಿನಿಧಿಗಳಿಗೆ ತಿಳಿಸಿದರು.
ಬ ಹುಮಹಡಿ ಕಟ್ಟಡವಾಗಿರುವ ಈ ಯೋಜನೆಯಲ್ಲಿ ಒಟ್ಟು 20 ಆಧುನಿಕ ಸೌಲಭ್ಯಗಳನ್ನು ಹೊಂದಿದ ಅಪಾರ್ಟ್ಮೆಂಟ್ಗಳಿದ್ದು, ಶಾಂತ ಜೀವನಶೈಲಿ ಮತ್ತು ನಗರ ಸೌಲಭ್ಯಗಳ ಸಮತೋಲನವನ್ನು ಒದಗಿಸುವಂತೆ ವಿನ್ಯಾಸಗೊಳಿಸಲಾಗಿದೆ. ಈಗಾಗಲೇ ವಾಸಕ್ಕೆ ಸಿದ್ಧವಾಗಿರುವ ಈ ವಸತಿ ಸಮುಚ್ಚಯ ನಿವಾಸಿಗಳನ್ನು ಸ್ವಾಗತಿಸಲು ಸಜ್ಜಾಗಿದೆ.
ಇನ್ಲ್ಯಾಂಡ್ ಎಲೋರಾದಲ್ಲಿ 1165 ಚದರ ಅಡಿ, 1510 ಚದರ ಅಡಿ ಮತ್ತು 1630 ಚದರ ಅಡಿ ವಿಸ್ತೀರ್ಣದ ವಿಶಾಲ 2 ಮತ್ತು 3 ಬಿಎಚ್ಕೆ ಮನೆಗಳು ಲಭ್ಯವಿವೆ. ನಾಲ್ಕು ಮಹಡಿಗಳ ಈ ಕಟ್ಟಡದ ಪ್ರತಿಯೊಂದು ಘಟಕವೂ ವಿಶಿಷ್ಟ ವಿನ್ಯಾಸ ಹೊಂದಿದ್ದು, ಉತ್ತಮ ಗುಣಮಟ್ಟದ ನಿರ್ಮಾಣದೊಂದಿಗೆ ಕಂಪನಿಯ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ.
ಯೋಜನೆಯು ಪ್ರಮುಖ ಶಿಕ್ಷಣ ಸಂಸ್ಥೆಗಳು, ಆರೋಗ್ಯ ಸೇವಾ ಕೇಂದ್ರಗಳು, ಖರೀದಿ ಕೇಂದ್ರಗಳು ಮತ್ತು ಪೂಜಾಸ್ಥಳಗಳಿಗೆ ಸುಲಭ ಸಂಪರ್ಕ ಹೊಂದಿದೆ. ಶಾಲಾ ಬಸ್ಗಳು ಮತ್ತು ಆಟೋ-ರಿಕ್ಷಾಗಳು ಸೇರಿದಂತೆ ವಿವಿಧ ಸಾರಿಗೆ ಸೌಲಭ್ಯಗಳು ಲಭ್ಯವಿರುವುದರಿಂದ ದೈನಂದಿನ ಸಂಚಾರ ಸುಗಮವಾಗಿದೆ.
ನಿವಾಸಿಗಳ ದಿನನಿತ್ಯದ ಅಗತ್ಯಗಳನ್ನು ಪೂರೈಸುವ ದೃಷ್ಟಿಯಿಂದ ಈ ವಸತಿ ಸಮುಚ್ಚಯದಲ್ಲಿ ಸಮರ್ಪಕ ಸೌಲಭ್ಯಗಳನ್ನು ಒದಗಿಸಲಾಗಿದೆ. ಜಿಮ್ನಾಸಿಯಂ, ಮಕ್ಕಳ ಆಟದ ಮೈದಾನ ಹಾಗೂ ರೆಟಿಕ್ಯುಲೇಟೆಡ್ ಗ್ಯಾಸ್ ಸಂಪರ್ಕ ಸೇರಿದಂತೆ ಅಗತ್ಯ ಸೌಲಭ್ಯಗಳಿವೆ. ಜೊತೆಗೆ 24 ಗಂಟೆಗಳ ಸಿಸಿಟಿವಿ ನಿಗಾವಹಣದೊಂದಿಗೆ ಭದ್ರತಾ ವ್ಯವಸ್ಥೆ ಕಲ್ಪಿಸಲಾಗಿದೆ.
ಎಲ್ಲ ವಯೋಮಾನದ ಜನರಿಗೆ ಅನುಕೂಲಕರವಾಗಿರುವ ಈ ಯೋಜನೆಗೆ ಮನೆ ಖರೀದಿದಾರರಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು, ಈಗಾಗಲೇ ಕೆಲವು ಅಪಾರ್ಟ್ಮೆಂಟ್ಗಳು ಮಾತ್ರ ಲಭ್ಯವಿವೆ.
ಹೆಚ್ಚಿನ ಮಾಹಿತಿಗಾಗಿ: ಇನ್ಲ್ಯಾಂಡ್ ಬಿಲ್ಡರ್ಸ್, 3ನೇ ಮಹಡಿ, ಇನ್ಲ್ಯಾಂಡ್ ಓರ್ನೇಟ್, ನವಭಾರತ್ ಸರ್ಕಲ್, ಮಂಗಳೂರು – 575003. ದೂರವಾಣಿ: 9972089099. ವೆಬ್ಸೈಟ್: www.inlandbuilders.net
.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
