ಬಾಲಲೀಲೆಯ ಚೆಲುವ ಈ ಕಂದನ ಮೊಗವು,
ಮರೆಸುವಂತಿದೆ ಜಗದ ಸಕಲ ನೋವು ಬೆಗಡು.
ನೆತ್ತಿಯ ಪೀಲಿ, ಕಂಗಳ ಕಾಂತಿ ತಂದಿದೆ ಹರುಷ,
ಆದರೆ ಕೆಳಗಿನ ಸಾಲುಗಳು ನೀಡಿವೆ ಬದುಕಿನ ಸಾರಾಂಶ ll೦೧ll
ರಸ್ತೆಯಲಿ ತಾಗುವ ಏಟು ಕೇವಲ ದೇಹದ ಅಪಘಾತ,
ಪರಿಚಯಸ್ಥರೇ ನೀಡುವ ಮೋಸವೇ ಎದೆಯ ಆಘಾತ.
ಹೊರಗಿನ ಗಾಯವು ಕಾಲಕ್ರಮೇಣ ಮಾಸಿ ಹೋದೀತು,
ಆದರೆ ನಂಬಿಕೆ ದ್ರೋಹದ ಗಾಯ ಉಸಿರಿರೋವರೆಗೂ ಉರಿದೀತು ll೦೨ll
ಅಪರಿಚಿತರ ಗುದ್ದಾಟಕ್ಕೆ ಚಿಕಿತ್ಸೆಯುಂಟು ವೈದ್ಯರ ಬಳಿ,
ಪರಿಚಿತರ ನಂಬಿಕೆ ದ್ರೋಹಕ್ಕೆ ಮದ್ದಿಲ್ಲ ಜಗದ ಸುಳಿಯಲಿ.
ಕೃಷ್ಣನ ನಗುವು ಹೇಳುತ್ತಿದೆ "ನಂಬಿಕೆಯೇ ಜೀವನದ ಉಸಿರು",
ಆ ನಂಬಿಕೆ ಉಳಿಸಿಕೊಳ್ಳುವುದೇ ಮನುಷ್ಯ ಜನ್ಮದ ಹಸಿರು ll೦೩ll
ಕಣ್ಣಿಗೆ ಕಾಣುವ ಗಾಯಕ್ಕಿಂತ ಮನದ ಗಾಯ ದೊಡ್ಡದು,
ಸಂಬಂಧಗಳಲಿ ಮೋಸವಿಲ್ಲದ ಬದುಕೇ ಅತೀ ಸುಂದರವದು.
ರೂಪಾ ಅವರ ಸಾಲುಗಳು ಸತ್ಯದ ಕನ್ನಡಿಯ ಹಿಡಿದಿವೆ ಇಲ್ಲಿ,
ಪವಿತ್ರ ನಗುವು ಮಡುಗಲಿ ಎಲ್ಲರ ನಂಬಿಕೆಯ ಹಾದಿಯಲ್ಲಿ ll೦೪ll
- ಕುಮಾರಿ ರೂಪಾ ಬಿ. ನಾಟೀಕಾರ ಮುದ್ದೇಬಿಹಾಳ
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
