ಹಿಸಾರ್, ಜ. 27: ಇನ್ಸ್ಪೈರ್ ಇನ್ಸ್ಟಿಟ್ಯೂಟ್ ಆಫ್ ಸ್ಪೋರ್ಟ್ (IIS) ಸಂಸ್ಥೆ IIS ದಂಗಲ್ ಚಾಂಪಿಯನ್ಶಿಪ್ ಮರಳುತ್ತಿರುವುದನ್ನು ಘೋಷಿಸಿದ್ದು, 2026ರ ಆವೃತ್ತಿ ಫೆಬ್ರವರಿ 23, 2026ರಂದು ಹರಿಯಾಣದ ಹಿಸಾರ್ನ ಶಹೀದ್ ಮದನ್ ಲಾಲ್ ಧಿಂಗ್ರಾ ಮಲ್ಟಿಪರ್ಪಸ್ ಹಾಲ್, ಗಿರಿ ಸೆಂಟರ್, CCS HAUನಲ್ಲಿ ನಡೆಯಲಿದೆ.
ಮೊದಲ ಆವೃತ್ತಿಯ ಭರ್ಜರಿ ಯಶಸ್ಸಿನ ಮೇಲೆ ನಿರ್ಮಾಣವಾಗಿರುವ IIS ದಂಗಲ್ ಚಾಂಪಿಯನ್ಶಿಪ್ 2026, ಈ ಬಾರಿ ಮೊದಲ ಬಾರಿಗೆ ರಾಷ್ಟ್ರಮಟ್ಟದ ಭಾಗವಹಿಸುವಿಕೆಗೆ ಅವಕಾಶ ನೀಡಲಿದೆ. ದೇಶದಾದ್ಯಂತದ ಹಿರಿಯ ಕುಸ್ತಿಪಟುಗಳು ಫ್ರೀಸ್ಟೈಲ್ (FS), ಮಹಿಳಾ ಕುಸ್ತಿ (WW) ಮತ್ತು ಗ್ರೀಕೊ-ರೋಮನ್ (GR) ವಿಭಾಗಗಳಲ್ಲಿ ಸ್ಪರ್ಧಿಸಲಿದ್ದಾರೆ.
ಕಳೆದ ವರ್ಷ ಹರಿಯಾಣ ಮಟ್ಟದಲ್ಲಿ ನಡೆದ ಈ ಟೂರ್ನಿಯಲ್ಲಿ 240ಕ್ಕೂ ಹೆಚ್ಚು ಕುಸ್ತಿಪಟುಗಳು ಭಾಗವಹಿಸಿದ್ದರು. ಈಗ ರಾಷ್ಟ್ರಮಟ್ಟದ ಸ್ಪರ್ಧೆಗೆ ದ್ವಾರ ತೆರೆದಿರುವುದರಿಂದ, 2026ರ ಚಾಂಪಿಯನ್ಶಿಪ್ ಇನ್ನಷ್ಟು ದೊಡ್ಡ ಮಟ್ಟದಲ್ಲಿ ನಡೆಯುವ ನಿರೀಕ್ಷೆಯಿದ್ದು, ಪ್ರಾದೇಶಿಕ ಹಾಗೂ ರಾಷ್ಟ್ರೀಯ ಕುಸ್ತಿ ಕ್ಷೇತ್ರಕ್ಕೆ ಇದು ಮಹತ್ವದ ಹೆಜ್ಜೆಯಾಗಿದೆ.
IIS ದಂಗಲ್ ಚಾಂಪಿಯನ್ಶಿಪ್ನಲ್ಲಿ ತೂಕ ವಿಭಾಗಗಳ ಆಧಾರದಲ್ಲಿ ಶ್ರೇಷ್ಠತೆ, ಪ್ರಾಬಲ್ಯ ಮತ್ತು ಹೋರಾಟ ಮನೋಭಾವವನ್ನು ಗೌರವಿಸುವಂತೆ ರೂಪಿಸಲಾದ ಮೂರು ಪ್ರಮುಖ IIS ಪ್ರಶಸ್ತಿಗಳು ಇರಲಿವೆ.
ತೂಕ ವಿಭಾಗಗಳು ಮತ್ತು ಪ್ರಶಸ್ತಿಗಳು
ಸೀನಿಯರ್ ಫ್ರೀಸ್ಟೈಲ್ (FS)
* 57 ಕೆಜಿ – IIS ವೆಟ್ ಟೈಟಲ್
* 74 ಕೆಜಿ – IIS ವೀರ ಟೈಟಲ್
* +74 ಕೆಜಿ – IIS ಯೋಧ ಟೈಟಲ್
ಸೀನಿಯರ್ ಗ್ರೀಕೊ-ರೋಮನ್ (GR)
* 60 ಕೆಜಿ – IIS ವೆಟ್ ಟೈಟಲ್
* 77 ಕೆಜಿ – IIS ವೀರ ಟೈಟಲ್
* +77 ಕೆಜಿ – IIS ಯೋಧ ಟೈಟಲ್
ಸೀನಿಯರ್ ಮಹಿಳಾ ಕುಸ್ತಿ (WW)
* 53 ಕೆಜಿ – IIS ವೆಟ್ ಟೈಟಲ್
* 62 ಕೆಜಿ – IIS ವೀರ ಟೈಟಲ್
* +62 ಕೆಜಿ – IIS ಯೋಧ ಟೈಟಲ್
ಚಾಂಪಿಯನ್ಶಿಪ್ನ ವೃದ್ಧಿಯ ಕುರಿತು ಮಾತನಾಡಿದ ಇನ್ಸ್ಪೈರ್ ಇನ್ಸ್ಟಿಟ್ಯೂಟ್ ಆಫ್ ಸ್ಪೋರ್ಟ್ನ ಅಧ್ಯಕ್ಷೆ ಮನೀಷಾ ಮಲ್ಹೋತ್ರಾ, IIS ದಂಗಲ್ ಚಾಂಪಿಯನ್ಶಿಪ್ ಕೇವಲ ಇನ್ನೊಂದು ಟೂರ್ನಿ ಮಾತ್ರವಲ್ಲ, ಕುಸ್ತಿಪಟುಗಳ ಪರಿಶ್ರಮ, ಧೈರ್ಯ ಮತ್ತು ಸ್ಥಿರತೆಯನ್ನು ಗೌರವಿಸುವ ವೇದಿಕೆ ನೀಡುವುದು IIS ದಂಗಲ್ ಚಾಂಪಿಯನ್ಶಿಪ್ನ ಉದ್ದೇಶವಾಗಿತ್ತು ಎಂದರು.
IIS ಹಿಸಾರ್ನ ಮುಖ್ಯ ತರಬೇತುದಾರ ಸಿಯಾನಂದ್ ಮಾತನಾಡಿ 'ಹಿಸಾರ್ ಸದಾ ಕುಸ್ತಿ ಪಟ್ಟಣವಾಗಿಯೇ ಪ್ರಸಿದ್ಧ. ಆದರೆ ಈ ಮಟ್ಟದ ರಾಷ್ಟ್ರಮಟ್ಟದ ಚಾಂಪಿಯನ್ಶಿಪ್ ಇಲ್ಲಿ ನಡೆಯುವುದು ವಿಶೇಷ. IIS ದಂಗಲ್ 2026 ನಿಜವಾದ ಸ್ಪರ್ಧೆ ಮತ್ತು ನಿಜವಾದ ಬೆಳವಣಿಗೆ ಒಂದಾಗುವ ವೇದಿಕೆಯಾಗಲಿದೆ ಎಂದರು.
ಈ ಬಾರಿ ಮೊದಲ ಬಾರಿಗೆ ಹರಿಯಾಣದ ಹೊರಗಿನಿಂದಲೂ ಭಾಗವಹಿಸುವಿಕೆ ಸಾಧ್ಯವಾಗಿರುವುದರಿಂದ, IIS ದಂಗಲ್ ಚಾಂಪಿಯನ್ಶಿಪ್ 2026 ಭಾರತದ ದೇಶೀಯ ಕುಸ್ತಿ ವ್ಯವಸ್ಥೆಯಲ್ಲಿ ಮಹತ್ವದ ಹೆಜ್ಜೆಯಾಗಿ ಪರಿಣಮಿಸಿದೆ.ಇದರ ಮೂಲಕ ದೇಶದಾದ್ಯಂತದ ಕುಸ್ತಿಪಟುಗಳಿಗೆ ಬಲಿಷ್ಠ ಮತ್ತು ಸಂಪರ್ಕಿತ ಬೆಳವಣಿಗೆಯ ಮಾರ್ಗ ನಿರ್ಮಾಣವಾಗಲಿದೆ ಎಂದರು.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
