ಹೃದಯದ ಸಂಕೀರ್ಣ ಶಸ್ತ್ರಚಿಕಿತ್ಸೆಗಳ ವೇಳೆಯ ಆಪದ್ಭಾಂಧವ ಈ ಜೀವಾಧಾರ ವ್ಯವಸ್ಥೆ
ವಿಶೇಷ ವರದಿ: ರಾಮಚಂದ್ರ ಮುಳಿಯಾಲ
ಬೆಂಗಳೂರು: ತೆರೆದ ಹೃದಯದ ಶಸ್ತ್ರಚಿಕಿತ್ಸೆಯಂತಹ ಸಂಕೀರ್ಣ ವೈದ್ಯಕೀಯ ಕಾರ್ಯದ ವೇಳೆ ಕಾರ್ಡಿಯೋಪಲ್ಮನರಿ ಬೈಪಾಸ್ (ಸಿಪಿಬಿ) ಅಥವಾ ಹೃದಯ ಶ್ವಾಸಕೋಶ ಯಂತ್ರ ಬೇಕೇ ಬೇಕು. ಆದರೆ ಪ್ರಸ್ತುತ ಇದನ್ನು ಪೂರೈಸುತ್ತಿರುವುದು ಬೆರಳೆಣಿಕೆಯ ಜಾಗತಿಕ ಕಂಪನಿಗಳು ಮಾತ್ರ. ಇದಕ್ಕೆ ಈಗ ಭಾರತದ ದೇಶಿ ತಂತ್ರಜ್ಞಾನದೊಂದಿಗೆ ಬಂದಿದೆ ಪರಿಹಾರ.
ಚೆನ್ನೈ ಮೂಲದ, ಫ್ಲೋಯಿಡ್ (FLOAID) ಎಂಬ ಸಂಸ್ಥೆಯು ಭಾರತದಲ್ಲೇ ಮೊದಲ ಬಾರಿಗೆ ದೇಶೀಯವಾಗಿ, ಸಣ್ಣ ಗಾತ್ರದ ಹಾಗೂ ಕಡಿಮೆ ವೆಚ್ಚದ ಹೃದಯ ಶ್ವಾಸಕೋಶ ಯಂತ್ರವನ್ನು ತಯಾರಿಸಿದೆ. ಹೃದಯ ಶಸ್ತ್ರಚಿಕಿತ್ಸೆಯನ್ನು ಸುಲಲಿತವಾಗಿ ಮಾಡಲು ಶ್ವಾಸಕೋಶ ಹಾಗೂ ಹೃದಯದ ಕಾರ್ಯವನ್ನು ತಾತ್ಕಾಲಿಕವಾಗಿ ಯಂತ್ರಕ್ಕೆ ಬೈಪಾಸ್ ಮಾಡುವುದೇ ಇದರ ಮೂಲ ಕಾರ್ಯ.
ಬೆಂಗಳೂರಿನ ಅಂತಾರಾಷ್ಟ್ರೀಯ ವಸ್ತುಪ್ರದರ್ಶನ ಕೇಂದ್ರದಲ್ಲಿ ನಡೆಯುತ್ತಿರುವ ಟೆಕ್ ಸಮಿಟ್-2025ರ ವಸ್ತುಪ್ರದರ್ಶನದಲ್ಲಿ ಈ ಯಂತ್ರವು ಕಂಡುಬಂದಿದೆ.
ವಿದೇಶಿ ಹೃದಯ ಶ್ವಾಸಕೋಶ ಯಂತ್ರಗಳು ದುಬಾರಿಯಾಗಿದ್ದು, ಪ್ರತಿಷ್ಠಿತ ಆಸ್ಪತ್ರೆಗಳಷ್ಟೇ ಇದನ್ನು ಹೊಂದಿವೆ. ಜಿಲ್ಲಾ ಕೇಂದ್ರದ ಆಸ್ಪತ್ರೆಗಳಿಗೂ ಇದು ಲಭ್ಯವಾಗಬೇಕು. ಎಲ್ಲಾ ಹೃದಯ ರೋಗಿಗಳಿಗೂ ಅನುಕೂಲ ಕಲ್ಪಿಸಬೇಕು ಎಂಬುದೇ ನಮ್ಮ ಆಶಯವಾಗಿದೆ. ದೇಶೀಯವಾಗಿ ಅಭಿವೃದ್ಧಿಪಡಿಸಲಾಗಿರುವ ನಮ್ಮ ಯಂತ್ರದ ತೂಕ ಕೇವಲ 150 ಕೆಜಿ ಇದೆ. ಈ ಯಂತ್ರದ ಕ್ಲಿನಿಕಲ್ ಪೂರ್ವ ಪ್ರಯೋಗವೂ ಯಶಸ್ವಿಯಾಗಿದೆ. ಶೀಘ್ರದಲ್ಲೇ ಮಾರುಕಟ್ಟೆಗೆ ಬಿಡುಗಡೆಗೊಳಿಸಲಿದ್ದೇವೆ. ವಿದೇಶಿ ಯಂತ್ರಗಳ ಅರ್ಧದಷ್ಟು ಬೆಲೆಗೆ ಈ ಯಂತ್ರ ಲಭಿಸಲಿದೆ ಎಂದು ಕಂಪನಿಯ ಸಂಶೋಧನಾ ಸಹಾಯಕರಾದ ಆದಿತ್ಯ ಕೆ.ಆರ್ ವಿವರಿಸಿದರು.
ಹೆಚ್ಚಿನ ಮಾಹಿತಿಗೆ ಸಂಪರ್ಕಿಸಿ: shiv@floaid.com
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್‌ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
