ಒಂದು ಕಾಲದಲ್ಲಿ ವಾಚ್‌ ಎಂದರೆ ಕೇವಲ ಸಮಯ ನೋಡಲು ಬಳಸುವ ಸಾಧನ. ಆದರೆ ಇಂದಿನ ದಿನಗಳಲ್ಲಿ ವಾಚ್‌ ಅಂದರೆ ಅದು ಕೇವಲ “ಗಡಿಯಾರ” ಅಲ್ಲ, ಅದು ವ್ಯಕ್ತಿತ್ವ ತೋರಿಸುವ ಆಭರಣ, ಫ್ಯಾಷನ್‌ ಮತ್ತು ನೆನಪುಗಳ ಭಾಗವಾಗಿದೆ.
ಇಂದು ಯುವಜನರ ಕೈಯಲ್ಲಿ ಹೆಚ್ಚು ಕಾಣಿಸಿಕೊಳ್ಳುವವು ಸ್ಮಾರ್ಟ್‌ ವಾಚ್‌ಗಳು. ಸಮಯ ಹೇಳುವುದರ ಜೊತೆ ಆರೋಗ್ಯ ಕಾಪಾಡುವುದು, ಹೃದಯದ ಬಡಿತ ತೋರಿಸುವುದು, ಹೆಜ್ಜೆ ಎಣಿಸುವುದು ಎಲ್ಲವನ್ನೂ ಮಾಡುತ್ತವೆ. ಕೆಲಸದಲ್ಲೂ ಸಹಾಯಕ, ವ್ಯಾಯಾಮದಲ್ಲೂ ಸಹಾಯಕ.
ಆದರೆ, ಇನ್ನೂ ಕೆಲವರಿಗೆ ಹಳೆಯ ಶೈಲಿಯ ಅನಲಾಗ್‌ ವಾಚ್‌ಗಳ ಮೇಲಿನ ಪ್ರೀತಿ ಕಡಿಮೆಯಾಗಿಲ್ಲ. ಚರ್ಮದ ಪಟ್ಟಿಯ ಸರಳ ಗಡಿಯಾರ ಅಥವಾ ಚಿನ್ನದ ಹಳೆಯ ಮಾದರಿಯ ವಾಚ್‌ಗಳನ್ನು ಧರಿಸಿದರೆ ಕೈಗೆ ಒಂದು ಸೊಬಗು, ವ್ಯಕ್ತಿತ್ವಕ್ಕೆ ಒಂದು ಗಂಭೀರತೆ ಬರುತ್ತದೆ.
ಡಿಜಿಟಲ್‌ ವಾಚ್‌ಗಳು ಮತ್ತೆ ವಿದ್ಯಾರ್ಥಿಗಳ ಹಾಗೂ ಕ್ರೀಡಾಪಟುಗಳ ಫೇವರಿಟ್‌. ಬಣ್ಣ ಬಣ್ಣದ ಡಿಸ್ಪ್ಲೇ, ಸರಳ ಬಳಕೆ, ಕ್ರೀಡೆಗೆ ತಕ್ಕ ಫೀಚರ್‌ಗಳು ಇವು ಯುವಜನರನ್ನು ಸೆಳೆಯುತ್ತಿವೆ.
ವಾಚ್‌ ಖರೀದಿಸುವುದು ಕೆಲವರಿಗೆ ಫ್ಯಾಷನ್‌ಗಾಗಿ, ಕೆಲವರಿಗೆ ನೆನಪಿಗಾಗಿ. ಯಾರಾದರೂ ಪ್ರೀತಿಯವರು ಕೊಟ್ಟ ವಾಚ್‌ ಎಂದರೆ ಅದು ಕೇವಲ ಸಮಯ ತೋರಿಸುವ ಸಾಧನವಾಗಿರುವುದಿಲ್ಲ. ಅದು ಮನಸ್ಸಿನಲ್ಲಿ ಉಳಿಯುವ ಒಂದು ಭಾವನೆ. ಕೆಲವರಿಗೆ ತಮ್ಮ ಮೊದಲ ಸಂಬಳದಲ್ಲಿ ಕೊಳ್ಳುವ ವಾಚ್‌ ಎಂದರೆ ಜೀವನದ ಹೆಮ್ಮೆಯ ನೆನಪು.
ಹೀಗಾಗಿ, ಟ್ರೆಂಡಿಂಗ್‌ ವಾಚ್‌ಗಳು ಕೇವಲ “ಟ್ರೆಂಡ್‌” ಅಲ್ಲ. ಅವು ನಮ್ಮ ಜೀವನಶೈಲಿಯ ಪ್ರತಿಬಿಂಬ. ಸಮಯ ಬದಲಾಗುತ್ತಾ ಹೋಗಬಹುದು, ಆದರೆ ಕೈಯಲ್ಲಿ ವಾಚ್‌ ಧರಿಸುವ ಸಂಸ್ಕೃತಿ ಎಂದಿಗೂ ಹಳೆಯದಾಗುವುದಿಲ್ಲ.
- ಅಂಕಿತ್ ರೈ
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
