ಜನನಿ ಪಿ.ಯು ಕಾಲೇಜು ಪ್ರಾಂಶುಪಾಲೆ ಕೆ.ವಿ ಪದ್ಮಾವತಿ ಅಭಿಮತ
ಬೆಂಗಳೂರು: ರಾಣಿ ಅಬ್ಬಕ್ಕನ 500ನೇ ಜಯಂತಿ ನಿಮಿತ್ತ ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಬೆಂಗಳೂರು ಉತ್ತರ ವಲಯ ಕೆ.ಆರ್ .ಪುರಂ ವತಿಯಿಂದ ಭವ್ಯ ರಥಯಾತ್ರೆಯನ್ನು ರಾಮಮೂರ್ತಿ ನಗರ ರಾಷ್ಟ್ರೋತ್ತಾನ ವಿದ್ಯಾ ಕೇಂದ್ರ ದಲ್ಲಿ ಹಮ್ಮಿಕೊಳ್ಳಲಾಗಿತ್ತು.
ಜನನಿ ಪಿಯು ಕಾಲೇಜಿನ ಪ್ರಾಂಶುಪಾಲರಾದ ಕೆ .ವಿ. ಪದ್ಮಾವತಿ ರವರು ದೀಪಪ್ರಜ್ವಲನ ಮಾಡಿ ಮಾತನಾಡುತ್ತ 500 ವರ್ಷಗಳ ಹಿಂದೆ, ಸ್ವಾತಂತ್ರ್ಯ ಹೋರಾಟವನ್ನು ಮುನ್ನಡೆಸಿ, ಮಾತೃಭೂಮಿಯ ಸ್ವಾತಂತ್ರ್ಯಕ್ಕಾಗಿ ಹೋರಾಡಿದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾದ ರಾಣಿ ಅಬ್ಬಕ್ಕ ರವರ ಗಮನಾರ್ಹ ಕೊಡುಗೆಯು ಭವಿಷ್ಯದ ಪೀಳಿಗೆಗೆ ಸ್ಫೂರ್ತಿ ನೀಡಲು ಅವರ ತ್ಯಾಗವನ್ನು ಸ್ಮರಿಸುವುದು ನಮ್ಮ ಆದ್ಯ ಕರ್ತವ್ಯ ಎಂದು ಕರೆ ನೀಡಿದರು.
ಎಬಿವಿಪಿಯ ಕಳಸ ಸದಸ್ಯ ಮಣಿಕಂಠ ಅವರು ಪೋರ್ಚುಗೀಸ್ ಆಕ್ರಮಣಕಾರರ ವಿರುದ್ಧ ರಾಣಿ ಅಬ್ಬಕ್ಕ ಅವರ ಧೀರ ಪ್ರತಿರೋಧವನ್ನು ಮತ್ತು ಅನ್ಯಾಯದ ತೆರಿಗೆಗಳನ್ನು ಪಾವತಿಸಲು ನಿರಾಕರಿಸಿದರು. ಅವರನ್ನು ಜನಪದ ಹಾಡುಗಳಲ್ಲಿ "ತುಳು ರಾಣಿ" ಎಂದು ನೆನಪಿಸಿಕೊಳ್ಳುತ್ತಾರೆ ಪುರುಷ ಪ್ರಾಬಲ್ಯದ ಯುಗದಲ್ಲಿ, ರಾಣಿ ಅಬ್ಬಕ್ಕ ಮಾತೃ ಪ್ರಧಾನ ಶಕ್ತಿಯಾಗಿ ಎತ್ತರವಾಗಿ ನಿಂತಿದ್ದಾಳೆ, "ಸಮುದ್ರದ ಅಲೆಗಳ ವಿರುದ್ಧ ನಿಂತ ಅಜೇಯ ಶಕ್ತಿ 'ಎಂದು ತಿಳಿಸಿದರು .
16ನೇ ಶತಮಾನದ ತುಳುನಾಡಿನ ಧೀರ ಯೋಧೆ ರಾಣಿ ಅಬ್ಬಕ್ಕ ಅವರ ಪರಂಪರೆಯ ಕುರಿತು ಯಶವಂತ್, ಎಬಿವಿಪಿಯ ಸಂಚಾಲಕರು ಮಾತನಾಡಿದರು.ದಾವಣಗೆರೆ ಮತ್ತು ಬೆಂಗಳೂರಿನಿಂದ ಎರಡು ರಥಗಳನ್ನು ಹೊಂದಿರುವ ರಥಯಾತ್ರೆಯು ಜಾಗೃತಿ ಕಾರ್ಯಕ್ರಮಗಳ ಮೂಲಕ ಪ್ರತಿದಿನ ಸುಮಾರು 1000 ವಿದ್ಯಾರ್ಥಿಗಳನ್ನು ತಲುಪಿ, 10 ದಿನಗಳಲ್ಲಿ, ಈ ಪ್ರಯಾಣವು ರಾಣಿ ಅಬ್ಬಕ್ಕ ಅವರ ಜನ್ಮಸ್ಥಳವಾದ ಮಂಗಳೂರಿನ ಉಳ್ಳಾಲದಲ್ಲಿ ನಡೆಯುವ ಭವ್ಯ ಸಂಭ್ರಮದಲ್ಲಿ ಕೊನೆಗೊಳ್ಳುತ್ತದೆ - ಅಲ್ಲಿ ರಾಣಿ ಅಬ್ಬಕ್ಕ ಮತ್ತು ಕಿತ್ತೂರು ರಾಣಿ ಚೆನ್ನಮ್ಮ ಇಬ್ಬರಿಗೂ ಗೌರವ ಸಲ್ಲಿಸಲಾಗುತ್ತದೆ. ಪ್ರೇಮಾ ಸುರೇಂದರ್, ಜೆಜಿಆರ್‌ವಿಕೆಯ ಪ್ರಧಾನಾಚಾರ್ಯ ವೇದಿಕೆಯಲ್ಲಿದ್ದರು .
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
