ಬಳ್ಳಾರಿ: ಬಳ್ಳಾರಿ ನಗರದ ಪ್ರತಿಷ್ಠಿತ ಶಿಕ್ಷಣ ಸಂಸ್ಥೆಯಾದ ರಾವ್ ಬಹದ್ದೂರ್ ವೈ ಮಹಾಬಲೇಶ್ವರಪ್ಪ ತಾಂತ್ರಿಕ ಮಹಾವಿದ್ಯಾಲಯದಲ್ಲಿ ಸೋಮವಾರ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ ಕಲಬುರ್ಗಿ ವಲಯದ ಪುರುಷರ “ ಹಗ್ಗಜಗ್ಗಾಟ " ಪಂದ್ಯಾವಳಿಗಳು ಜರುಗಿದವು.
ಈ ಪಂದ್ಯಾವಳಿಗಳಲ್ಲಿ ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ (ವಿಟಿಯು) ಕಲಬುರ್ಗಿ ವಲಯದ ಪರಿಮಿತಿಯಲ್ಲಿರುವ ಎಲ್ಲಾ ತಾಂತ್ರಿಕ ಮಹಾವಿದ್ಯಾಲಯಗಳ ತಂಡಗಳು ಪಾಲ್ಗೊಂಡಿದ್ದವು. ಈ ಪಂದ್ಯಾವಳಿಗಳ ಕಾರ್ಯಕ್ರಮಕ್ಕೆ ಮಹಾವಿದ್ಯಾಲಯದ ಆಡಳಿತ ಮಂಡಳಿಯ ಸದಸ್ಯರು ಬಾಡದಪ್ರಕಾಶ್, ಪ್ರಭುಸ್ವಾಮಿ ಎಸ್.ಎಂ. ದೈಹಿಕ ಶಿಕ್ಷಕರು ವಿಜಯ ಮಹಾಂತೇಶ್, ಪ್ರಾಂಶುಪಾಲ ಡಾ ಟಿ. ಹನುಮಂತರೆಡ್ಡಿ, ಮಹಾವಿದ್ಯಾಲಯದ ಬೋಧಕ, ಬೋಧಕೇತರ ಸಿಬ್ಬಂದಿವರ್ಗದವರು, ವಿದ್ಯಾರ್ಥಿಗಳು ಭಾಗವಹಿಸಿದರು.
ಬಾಡದ ಪ್ರಕಾಶ್, ''ಎಂಜಿನಿಯರ್ ಗಳಗಿಂತಹ ವೃತ್ತಿಪರ ವಿದ್ಯಾರ್ಥಿಗಳಿಗೆ ಶಿಕ್ಷಣ ಮತ್ತು ದೈಹಿಕ ಸಾಮಥ್ರ್ಯವು ಮುಖ್ಯವಾಗಿದೆ, ಈ ತರಹದ ಪಂದ್ಯಾವಳಿಗಳು ಜರುಗುವುದರಿಂದ ನಮ್ಮದೇಹ ಚುರುಕಾಗಿ, ಹಿಡಿತದಲ್ಲಿರುತ್ತದೆ, ಈ ಆಟಗಳು ಗ್ರಾಮೀಣ ಪ್ರದೇಶಗಳಲ್ಲಿ ಅತಿ ಹೆಚ್ಚು ಪ್ರಚಲಿತಗೊಂಡಿರುತ್ತವೆ. ಈ ಆಟಕ್ಕೆ ಯಾವುದೇ ಸಲಕರಣೆಗಳು ಬೇಕಾಗಿರುವುದಿಲ್ಲ. ಕೇವಲ ಸ್ವಲ್ಪ ಬಯಲು ಸ್ಥಳವಿದ್ದರೆ ಸಾಕು, ಗ್ರಾಮೀಣ ಯುವಕರಿಗೆ ಈ ಆಟವು ಅಚ್ಚುಮೆಚ್ಚು" ಎಂದು ಹೇಳಿ ಎಲ್ಲಾ ಪಟುಗಳಿಗೆ ಶುಭಹಾರೈಸಿದರು.
ಈ ಪಂದ್ಯಾವಳಿಗಳಲ್ಲಿ ರಾವ್ ಬಹದ್ದೂರ್ ವೈ. ಮಹಾಬಲೇಶ್ವರಪ್ಪ ತಾಂತ್ರಿಕ ಮಹಾವಿದ್ಯಾಲಯದ ತಂಡವು ಅಂತಿಮವಾಗಿ, ಗೆದ್ದು ಟ್ರೋಫಿಯನ್ನು ಪಡೆಯಿತು. ರಾ.ಬ.ವೈ.ಮ.ತಾಂತ್ರಿಕ ಮಹಾವಿದ್ಯಾಲಯದ ತಂಡದಲ್ಲಿ ದರ್ಶನ್ (ತಂಡದ ನಾಯಕ), ಸಾಹಿತ್ಯ ವರ್ಮ (ಉಪನಾಯಕ), ಕಾರ್ತಿಕ್ ರೆಡ್ಡಿ, ಮರುಳಸಿದ್ದೇಶ್, ದರ್ಶನ್‍ನಾಯಕ್, ಶ್ರೀಕಾಂತ್, ಶ್ರೀನಿವಾಸ, ಅಜಯ್ ಕುಮಾರ, ಸಂಜಯ್, ಜಯಸೂರ್ಯ, ಹರಿ ಕಿರಣ್, ತರುಣ್, ಶಂಕರಗೌಡ, ಭೂಷಣ್ ಭಾಗವಹಿಸಿದ್ದರು. ವೀರಶೈವ ವಿದ್ಯಾವರ್ಧಕ ಸಂಘದ ಅಧ್ಯಕ್ಷರು ಅಲ್ಲಂ ಗುರುಬಸವರಾಜ, ಉಪಾಧ್ಯಕ್ಷರು ಹಾಗೂ ಮಹಾವಿದ್ಯಾಲಯದ ಅಧ್ಯಕ್ಷ ಜಾನೇಕುಂಟೆ ಬಸವರಾಜ, ಕಾರ್ಯದರ್ಶಿ ಡಾ. ಅರವಿಂದ್ ಪಟೇಲ್, ಸಹ ಕಾರ್ಯದರ್ಶಿ ಯಾಳಿ ಮೇಟಿ ಪಂಪನಗೌಡ, ಕೋಶಾಧಿಕಾರಿ ಬೈಲುವದ್ದಿಗೇರಿ ಎರ್ರಿಸ್ವಾಮಿ, ಆಡಳಿತ ಮಂಡಳಿಯ ಸದಸ್ಯರು ಬಾಡದ ಪ್ರಕಾಶ್, ಪ್ರಭು ಸ್ವಾಮಿ ಎಸ್.ಎಂ ಶುಭಹಾರೈಸಿದರು.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
