ಇಡೀ ವಿಶ್ವದಲ್ಲಿಯೇ ಅತ್ಯಂತ ಕಿರಿದಾದ ಲಿಖಿತ ಸಂವಿಧಾನವಿದ್ದರೆ ಅದು ಅಮೆರಿಕ ಸಂವಿಧಾನ. ಕೇವಲ 6 ಸಾವಿರ ಪದಗಳು 20 ನಿಮಿಷಗಳಲ್ಲಿ ಓದಿ ಮುಗಿಸಬಹುದಾದ ಸಂವಿಧಾನ. ಇದಕ್ಕೆ ವಿರುದ್ಧವಾಗಿ ನಿಲುವ ಸಂವಿಧಾನವಿದ್ದರೆ ಅದು ಭಾರತೀಯ ಸಂವಿಧಾನ ಅನ್ನುವುದರಲ್ಲಿ ಎರಡು ಮಾತಿಲ್ಲ.
ಇಷ್ಟೊಂದು ಚಿಕ್ಕದಾದ ಸಂವಿಧಾನದಲ್ಲಿ ಇಷ್ಟೊಂದು ಬಲಿಷ್ಠವಾದ ಕೇಂದ್ರ ಮತ್ತು ರಾಜ್ಯ ಸರಕಾರಗಳನ್ನು ಕಟ್ಟಿ ನಿಲ್ಲಿಸಿದ್ದಾರೆ ಅಂದರೆ ನಮಗೆ ಆಶ್ಚರ್ಯವಾಗಲೇಬೇಕು. ಇದು ಹೇಗೆ ಸಾಧ್ಯವಾಯಿತು ಅಂದರೆ ಅಮೆರಿಕಾದ ಜನರಲ್ಲಿನ ರಾಜಕೀಯ; ಆಥಿ೯ಕ ಪ್ರಬುದ್ಧತೆ. ಈ ಪ್ರಬುದ್ಧತೆಯನ್ನು ಅಲ್ಲಿನ ರಾಜಕಾರಣಿಗಳು ಕೂಡಾ ಮೈಗೂಡಿಸಿಕೊಂಡಿರುವುದು ಕೂಡಾ ಒಂದು ಕಾರಣವಾಗಿರಬಹುದು. ಚುನಾವಣಾ ಸಂದರ್ಭದಲ್ಲಿ ಪರಸ್ಪರ ಏನೇ ಬೈದುಕೊಂಡಿದ್ದರು ಕೂಡಾ ಚುನಾವಣಾ ಅನಂತರದಲ್ಲಿ ಅವರವರ ಕರ್ತವ್ಯಕ್ಕೆ ಮತ್ತೆ ತೆರಳಿ ಬಿಡುವ ರಾಜಕೀಯ ಪರಿಪಾಠ ಅಮೆರಿಕ ರಾಜಕೀಯದ ಇನ್ನೊಂದು ಪರಿಪಾಠ. ನಮ್ಮ ಹಾಗೇ ದಿನದ 24 ಗಂಟೆ 365 ದಿನವೂ ರಾಜಕೀಯ ಹಗೆತನ ಮತ್ತು ಯಾವಾಗ ಸರ್ಕಾರ ಉರುಳಿಸಿ ನಾನು ಮತ್ತೆ ಅಧಿಕಾರಕ್ಕೆ ಏರಬಹುದು ಅನ್ನುವ ಅಧಿಕಾರ ಲಂಪಟತನ ಅಲ್ಲಿ ಹುಟ್ಟಿ ಬರುವ ಮನಸ್ಥಿತಿ ಜನರಲ್ಲಿಯೂ ಇಲ್ಲ ರಾಜಕೀಯ ಪಕ್ಷಗಳಲ್ಲಿಯೂ ಮೂಡಿ ಬರಲೇ ಇಲ್ಲ. ಇದು ಅವರಿಗೆ ಅಲ್ಲಿನ ಸಂವಿಧಾನ ಕಲಿಸಿದ ಪಾಠವಲ್ಲ ಬದಲಾಗಿ ಅವರು ಮೈಗೂಡಿಸಿಕೊಂಡ ಶ್ರೇಷ ರಾಜಕೀಯ ಮುತ್ಸದ್ಧಿತನದ ನಡವಳಿಕೆ ಎಂದೇ ವ್ಯಾಖ್ಯಾನಿಸಲಾಗಿದೆ. ಹಾಗಾಗಿ ಅಮೇರಿಕಾದ ಸಂವಿಧಾನದಲ್ಲಿ ಉಲ್ಲೇಖಿಸದ ಅದೆಷ್ಟೋ ರಾಜಕೀಯ ನಡೆಗಳು ನಡವಳಿಕೆಯ ರೂಪದಲ್ಲಿ ಅಮೇರಿಕಾದ ನೆಲದಲ್ಲಿ ಗಟ್ಟಿಯಾಗಿ ನೆಲೆಯೂರಿದೆ ಎಂದೇ ಹೇಳಬೇಕಾಗಿದೆ.
ಈಗ ತಾನೇ ನಡೆದ ಅಧ್ಯಕ್ಷೀಯ ಚುನಾವಣಾ ಸ್ವರೂಪದ ಕಡೆ ಒಮ್ಮೆ ಗಮನಹರಿಸಿ ನೇೂಡಿ. ಅಲ್ಲಿ ಕೇಂದ್ರ ಚುನಾವಣಾ ಆಯೇೂಗವಿಲ್ಲ. ಪ್ರತಿ ರಾಜ್ಯದಲ್ಲಿರುವ ಚುನಾವಣೆಗೆ ಸಂಬಂಧಿಸಿದ ಅಧಿಕಾರಿಗಳೇ ಇದನ್ನು ನಿಭಾಯಿಸಿಬಿಟ್ಟಿದ್ದಾರೆ. ನವಂಬರ್ 5 ರಂದು ನಡೆದ electoral college ನ ಪ್ರತಿನಿಧಿಗಳ ಆಯ್ಕೆ ಆಧಾರದಲ್ಲಿಯೇ ಅಮೇರಿಕಾದ ಮುಂದಿನ ಅಧ್ಯಕ್ಷ ಯಾರು ಅನ್ನುವುದನ್ನು ಅಲ್ಲಿನ ಮಾಧ್ಯಮಗಳೇ ಘೇೂಷಣೆ ಮಾಡಿದ್ದಾವೆ ಮಾತ್ರವಲ್ಲ ಅದನ್ನು ಸೇೂತ ಡೆಮಾಕ್ರಟಿಕ್ ಪಕ್ಷದ ಅಭ್ಯರ್ಥಿ ಕಮಲಾ ಹ್ಯಾರಿಸ್ ಕೂಡಾ ಶಿರಸಾ ಒಪ್ಪಿಕೊಂಡು ತಲೆಬಾಗಿ ಒಪ್ಪಿಕೊಂಡಿದ್ದಾರೆ. ಆದರೆ ಅದೇ ನಮ್ಮಲ್ಲಿ ಆಗಿದ್ದರೆ? ಅಲ್ಲಿ ಇನ್ನೂ ಕೂಡಾ ಚುನಾಯಿತ ಪ್ರತಿನಿಧಿಗಳಿಗೆ ಪ್ರಮಾಣ ಪತ್ರ ನೀಡಿಲ್ಲ; ಇನ್ನು ಮತ್ತೆ ಇದೇ ಚುನಾಯಿತ ಸದಸ್ಯರು ಅಂದರೆ ಟ್ರಂಪ್ ಬೆಂಬಲಿತ 289 ಎಲೆಕ್ಟೋರಲ್ ಸದಸ್ಯರು ಅದೇ ರೀತಿ ಕಮಲಾ ಹ್ಯಾರಿಸ್ ಬೆಂಬಲಿತ 224 ಎಲೆಕ್ರೇೂರಲ್ ಸದಸ್ಯರು ಮುಂದಿನ ಡಿಸೆಂಬರ್ ನಲ್ಲಿ ಮತದಾನ ಮಾಡಿ ಅಧ್ಯಕ್ಷರನ್ನು ಚುನಾಯಿಸಬೇಕಾಗಿದೆ.
ನೇೂಡಿ ಈಗಾಗಲೇ ಅದೆಷ್ಟು ಧೈರ್ಯದಿಂದ ಟ್ರಂಪ್ ತಾನು ಮುಂದಿನ ಅಮೆರಿಕಾದ ಅಧ್ಯಕ್ಷ ಮಾತ್ರವಲ್ಲ ಇಡಿ ವಿಶ್ವಕ್ಕೆ ಶಾಂತಿಯ ಸಂದೇಶವನ್ನು ನೀಡುತ್ತಿದ್ದಾರೆ. ಅದೇ ನಮ್ಮ ರಾಜಕೀಯ ವ್ಯವಸ್ಥೆಯಲ್ಲಿ ಆಗಿದ್ದರೆ ಯಾವುದೆ ಪಕ್ಷಕ್ಕೆ ಸ್ವಷ್ಟ ಬಹುಮತ ಬಂದಿದ್ದರೂ ಕೂಡಾ ಮುಂದಿನ ಸರ್ಕಾರ ಯಾರದ್ದು ಅನ್ನುವುದನ್ನು ಖಾತ್ರಿ ಪಡಿಸುವುದು ಕಷ್ಟ. ನಮ್ಮಲ್ಲಿ ಏನು ಬೇಕಾದರೂ ಆಗಬಹುದು. ಗೆದ್ದವ ಸೇೂಲಬಹುದು ಸೇೂತವ ಗೆಲ್ಲಬಹುದು? ಇದೇ ಭಾರತದಲ್ಲಿ ಆಗಿದ್ದರೆ ಟ್ರಂಪ್ ಬೆಂಬಲಿತ ಸದಸ್ಯರು ಡಿಸೆಂಬರ್ ನಲ್ಲಿ ಹ್ಯಾರಿಸ್ ಹಿಂದೆ ಹಾರಿ ಹೇೂದರೂ ಆಶ್ಚರ್ಯವಿಲ್ಲ. ಆದರೆ ಅಲ್ಲಿ ಹೀಗೆ ನಡೆಯಲು ಸಾಧ್ಯನೇ ಇಲ್ಲ. ನಮ್ಮ ಸಂವಿಧಾನದಲ್ಲಿಯೇ ಪಕ್ಷಾಂತರ ಕಾಯಿದೆ ಇದೆ ಆದರೂ ಅದನ್ನೆಲ್ಲ ಧಾಟಿ ಪ್ರಜಾಪ್ರಭುತ್ವಕ್ಕೆ ಕಳಂಕ ತರುವ ವಿದ್ಯಮಾನಗಳು ನಡೆದ ಹೇೂದ ಪ್ರಸಂಗಗಳು ನಮ್ಮ ಮುಂದೆ ಇದೆ. ಆದರೆ ಅಮೆರಿಕಾದಲ್ಲಿ ಚುನಾಯಿತ ಸದಸ್ಯರುಗಳನ್ನು ಕಟ್ಟಿ ಹಾಕುವ ಯಾವುದೇ ಕಾಯಿದೆ ಇಲ್ಲ.
ಹಾಗಾದರೆ ಅಮೆರಿಕಾದಲ್ಲಿ ಈ ರಾಜಕೀಯ ನಿಷ್ಠೆ ಪ್ರಬುದ್ಧತೆ ಪ್ರಜಾಪ್ರಭುತ್ವದಲ್ಲಿ ನೈತಿಕತೆಯ ಮೌಲ್ಯ ಉಳಿದುಕೊಂಡಿರಲು ಕಾರಣಗಳೇನು ಅನ್ನುವುದನ್ನು ಭಾರತೀಯ ಪ್ರಬುದ್ಧ ಮತದಾರರು ಅನ್ನಿಸಿಕೊಂಡ ನಾವು ಆತ್ಮ ವಿಮರ್ಶೆ ಮಾಡಿಕೊಳ್ಳಬೇಕು. ಅದೇ ರೀತಿಯಲ್ಲಿ ಅಡಿಯಿಂದ ಮೂಡಿಯ ತನಕವಿರುವ ಪ್ರತಿಯೊಬ್ಬ ರಾಜಕಾರಣಿಗೂ ಇದು ಮೊದಲ ಪಾಠವಾಗಬೇಕು. ಈ ತತ್ವಗಳನ್ನು ಮೈಗೂಡಿಸಿಕೊಂಡ ಅನಂತರದಲ್ಲಿಯೇ ಅಮೆರಿಕಾ ಚುನಾವಣೆ ಮತ್ತು ಗೆದ್ದ ಅಧ್ಯಕ್ಷರನ್ನು ಅಭಿನಂದಿಸುವ ನೈತಿಕತೆಯನ್ನು ತೇೂರಬಹುದು. ನಮ್ಮ ಭಾರತೀಯ ಸಂವಿಧಾನದ ಜೊತೆಗೆ ಅಮೆರಿಕಾದ ಸಂವಿಧಾನವನ್ನು ಅಧ್ಯಯನ ಮಾಡಿದ ಹಿನ್ನೆಲೆಯಲ್ಲಿಯೇ ಈ ವಾಸ್ತವಿಕ ಸ್ಥಿತಿ ಗತಿಯನ್ನು ತೌಲನಿಕವಾಗಿ ಅಧ್ಯಯನ ಮಾಡಿ ಈ ಲೇಖನವನ್ನು ತಮ್ಮ ಮುಂದೆ ಮಂಡಿಸುತ್ತಿದ್ದೇನೆ.
- ಪ್ರೊ. ಕೊಕ್ಕರ್ಣೆ ಸುರೇಂದ್ರನಾಥ ಶೆಟ್ಟಿ ಉಡುಪಿ
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
