ಎನ್‍ಎಸ್‍ಇ ಉತ್ಪನ್ನಕ್ಕೆ ಸೆಬಿ ಅನುಮೋದನೆ

ಮಂಗಳೂರು: ವ್ಯವಹರಿಸಿದ ಒಪ್ಪಂದಗಳ ಆಧಾರದಲ್ಲಿ 2023ನೇ ವರ್ಷದಲ್ಲಿ ವಿಶ್ವದ ನಂ, 1 ಉತ್ಪನ್ನಗಳ ವಿನಿಮಯ ಕೇಂದ್ರ ಎನಿಸಿಕೊಂಡಿರುವ ಭಾರತದ ನ್ಯಾಷನಲ್ ಸ್ಟಾಕ್ ಎಕ್ಸ್‍ಚೇಂಜ್ (ಎನ್‍ಎಸ್‍ಇ), ನಿಫ್ಟಿ ನೆಕ್ಸ್ಟ್ 50 ಸೂಚ್ಯಂಕದ ಉತ್ಪನ್ನಗಳಿಗೆ ಸೆಕ್ಯುರಿಟೀಸ್ ಮತ್ತು ಎಕ್ಸ್‍ಚೇಂಜ್ ಬೋರ್ಡ್ ಆಫ್ ಇಂಡಿಯಾ (ಸೆಬಿ)ದಿಂದ ಅನುಮೋದನೆ ಪಡೆದಿದೆ. ಇದು 2024ರ ಏಪ್ರಿಲ್ 24ರಂದು ಆರಂಭವಾಗಲಿದೆ.

ಈ ವಿನಿಮಯ ಕೇಂದ್ರವು 3 ಸರಣಿ ಮಾಸಿಕ ಸೂಚ್ಯಂಕ ಭವಿಷ್ಯಗಳು ಮತ್ತು ಸೂಚ್ಯಂಕ ಆಯ್ಕೆಗಳ ಒಪ್ಪಂದದ ಅವರ್ತವನ್ನು ನೀಡುತ್ತದೆ. ನಗದು ಇತ್ಯರ್ಥಪಡಿಸಿದ ಉತ್ಪನ್ನ ಒಪ್ಪಂದಗಳು  ಆಯಾ ತಿಂಗಳ ಕೊನೆಯ ಶುಕ್ರವಾರದಂದು ಮುಕ್ತಾಯಗೊಳ್ಳುತ್ತವೆ ಎಂದು ಎನ್‍ಎಸ್‍ಇಯ ಮುಖ್ಯ ವ್ಯಾಪಾರ ಅಭಿವೃದ್ಧಿ ಅಧಿಕಾರಿ ಶ್ರೀ ಶ್ರೀರಾಮ ಕೃಷ್ಣನ್ ಹೇಳಿದ್ದಾರೆ.

ನಿಫ್ಟಿ ನೆಕ್ಸ್ಟ್ 50 ಸೂಚ್ಯಂಕವು ನಿಫ್ಟಿ 100 ರಿಂದ 50 ಕಂಪನಿಗಳನ್ನು ಹೊರತುಪಡಿಸಿ ನಿಫ್ಟಿ 50 ಕಂಪನಿಗಳನ್ನು ಪ್ರತಿನಿಧಿಸುತ್ತದೆ. ಈ ಸೂಚ್ಯಂಕವು ಹಣಕಾಸು ಸೇವಾ ವಲಯದಿಂದ ಗರಿಷ್ಠ ಉನ್ನತ ವಲಯದ ಪ್ರಾತಿನಿಧ್ಯವನ್ನು ಹೊಂದಿದ್ದು, ಶೇಕಡ 23.76 ರಷ್ಟು ಪಾಲು ಹೊಂದಿರುತ್ತದೆ. ನಂತರದ ಸ್ಥಾನದಲ್ಲಿ ಬಂಡವಾಳ ಸರಕುಗಳ ವಲಯವಿದ್ದು, ಶೇಕಡ 11.91ರಷ್ಟು ಮತ್ತು ಗ್ರಾಹಕ ಸೇವೆಗಳ ವಿಭಾಗ ಶೇಕಡ 11.57 ರ ಪ್ರಾತಿನಿಧ್ಯವನ್ನು ಪಡೆಯಲಿದೆ ಎಂದು ವಿವರಿಸಿದ್ದಾರೆ.

ನಿಫ್ಟಿ ನೆಕ್ಸ್ಟ್ 50 ಸೂಚ್ಯಂಕವು ಶೇಕಡ 71 ಪರಸ್ಪರ ಸಂಬಂಧವನ್ನು ಹೊಂದಿದೆ ಮತ್ತು ನಿಫ್ಟಿ 50 ಸೂಚ್ಯಂಕದೊಂದಿಗೆ 0.95 ರ ಬೀಟಾ ಮೌಲ್ಯವನ್ನು ಹೊಂದಿದೆ. ಇದು 2024 ರ ಹಣಕಾಸು ವರ್ಷದಲ್ಲಿ ನಿಫ್ಟಿ ಮಿಡ್‍ಕ್ಯಾಪ್ 150 ಸೂಚ್ಯಂಕದೊಂದಿಗೆ ಶೇಖಡ 90 ರಷ್ಟು ಪರಸ್ಪರ ಸಂಬಂಧವನ್ನು ಹೊಂದಿದೆ ಎಂದು ಪ್ರಕಟಣೆ ಹೇಳಿದೆ.

  ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ

ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

ಉಪಯುಕ್ತ ನ್ಯೂಸ್‌ ವಾಟ್ಸಪ್‌  ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ