ಕಾರ್ಕಳ: ನಿಟ್ಟೆ ಅಲುಮ್ನಿ ರಿಲೇಶನ್ಸ್ ಮತ್ತು ನಿಟ್ಟೆ ಮಹಾಲಿಂಗ ಅಡ್ಯಂತಾಯ ಸ್ಮಾರಕ ತಾಂತ್ರಿಕ ಮಹಾವಿದ್ಯಾಲಯವು ಜಂಟಿಯಾಗಿ ಮಧ್ಯಪ್ರಾಚ್ಯ / ಯುಎಇ ಮೂಲದ ಹಳೆಯ ವಿದ್ಯಾರ್ಥಿಗಳಿಗಾಗಿ ಗ್ಲೋಬಲ್ ಅಲುಮ್ನಿ ಮೀಟ್ 2023 ಅನ್ನು ಅಕ್ಟೋಬರ್ 07 ರಂದು ದುಬೈನ ದೇರಾ ಪಟ್ಟಣದ ಅಲ್ ಮತೀನಾ ಸ್ಟ್ರೀಟ್ನ ಹೋಟೆಲ್ ಮಾರ್ಕೊ ಪೋಲೊದಲ್ಲಿ ಆಯೋಜಿಸಿತ್ತು.
ಈ ಕಾರ್ಯಕ್ರಮದಲ್ಲಿ ಹಳೆಯ ವಿದ್ಯಾರ್ಥಿಗಳ ಕುಟುಂಬಗಳು ಸೇರಿದಂತೆ 160 ಕ್ಕೂ ಹೆಚ್ಚು ಮಂದಿ ಹಾಜರಿದ್ದರು. ಕಾರ್ಯಕ್ರಮವು ಟೀಮ್ ಮಿಡಲ್ ಈಸ್ಟ್ ಎಂಎನ್ಎಎಂಐಟಿಯ ಆಡಿಯೊ-ವಿಶುವಲ್ ಕ್ಲಿಪ್ನೊಂದಿಗೆ ಪ್ರಾರಂಭವಾಯಿತು. ಈ ವೀಡಿಯೋ ಹಳೆಯ ವಿದ್ಯಾರ್ಥಿಗಳ ನೆನಪಿನ ಹಾದಿ, ನಿಟ್ಟೆಯಲ್ಲಿ ಅವರ ನೆಚ್ಚಿನ ಸ್ಥಳಗಳು, ನೆಚ್ಚಿನ ಕಾರ್ಯಕ್ರಮಗಳು ಮುಂತಾದುವುದರ ಬಗೆಗೆ ವಿವರಿಸಲಾಯಿತು. ಕಾರ್ಯಕ್ರಮದಲ್ಲಿ ನಿಟ್ಟೆ ವಿಶ್ವವಿದ್ಯಾಲಯದ ಕುಲಾಧಿಪತಿ ಶ್ರೀ ಎನ್.ವಿನಯಾ ಹೆಗ್ಡೆ ಅವರ ಅನುಪಸ್ಥಿತಿಯಲ್ಲಿ ಹಳೆಯ ವಿದ್ಯಾರ್ಥಿಗಳು ಅವರ ಮೇಲಿನ ಗೌರವ, ಪ್ರೀತಿಯನ್ನು ತಮ್ಮ ಮಾತಿನ ಮೂಲಕ ವ್ಯಕ್ತಪಡಿಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ನಿಟ್ಟೆ ಪರಿಗಣಿತ ವಿಶ್ವವಿದ್ಯಾಲಯದ ಕುಲಪತಿ ಡಾ.ಎಂ.ಎಸ್.ಮೂಡಿತ್ತಾಯ ತಮ್ಮ ಅಧ್ಯಕ್ಷೀಯ ಭಾಷಣದಲ್ಲಿ ವಿಶ್ವವಿದ್ಯಾಲಯದ ಕಾರ್ಯತಂತ್ರದ ಅಭಿವೃದ್ಧಿ ಯೋಜನೆಗಳ ಬಗ್ಗೆ ಮತ್ತು ಹಳೆಯ ವಿದ್ಯಾರ್ಥಿಗಳು ಹೇಗೆ ಸಕ್ರಿಯವಾಗಿ ತೊಡಗಿಸಿಕೊಳ್ಳಬಹುದು ಮತ್ತು ಕೊಡುಗೆ ನೀಡಬಹುದು ಎಂಬುದರ ಬಗ್ಗೆ ಮಾತನಾಡಿದರು. ಅವರು ರಾಷ್ಟ್ರೀಯ ಮತ್ತು ಅಂತರರಾಷ್ಟ್ರೀಯ ಶ್ರೇಯಾಂಕ ಚೌಕಟ್ಟುಗಳಲ್ಲಿ ವಿಶ್ವವಿದ್ಯಾಲಯದ ಶ್ರೇಯಾಂಕವನ್ನು ಹಂಚಿಕೊಂಡರು.
ನಿಟ್ಟೆ ತಾಂತ್ರಿಕ ಕಾಲೇಜಿನ ಪ್ರಾಂಶುಪಾಲ ಡಾ.ನಿರಂಜನ್ ಎನ್.ಚಿಪ್ಲುಂಕರ್ ಅವರು ಸಂಸ್ಥೆಯ ಮೈಲಿಗಲ್ಲುಗಳನ್ನು ಪ್ರಸ್ತುತಪಡಿಸುತ್ತಾ ಸಣ್ಣ ಕಾಲೇಜಿನಿಂದ ಆರಂಭಗೊಂಡು ಸ್ವಾಯತ್ತವಾಗಿ ಮತ್ತು ಇದೀಗ ನಿಟ್ಟೆ ಪರಿಗಣಿತ ವಿಶ್ವವಿದ್ಯಾಲಯದ ಆಫ್-ಕ್ಯಾಂಪಸ್ ಕೇಂದ್ರವಾಗಿ ಹೇಗೆ ಬೆಳೆಯಿತು ಎಂಬುದರ ಬಗೆಗೆ ವಿವರಿಸಿದರು.
ಕಾಲೇಜಿನ ಹಳೆವಿದ್ಯಾರ್ಥಿ ಸಂಘದ ಅಧ್ಯಕ್ಷೆ ಡಾ.ಪ್ರಭಾ ನಿರಂಜನ್ ಅವರು ನಿಟ್ಟೆಯ ವೆನ್ಮಿಟಾದ ಹಳೆಯ ವಿದ್ಯಾರ್ಥಿಗಳ ಚಟುವಟಿಕೆಗಳನ್ನು ಪ್ರಸ್ತುತಪಡಿಸಿದರು. ಕಾಲೇಜಿನ ಹಳೆವಿದ್ಯಾರ್ಥಿ ಹಾಗೂ ಪ್ರಸ್ತುತ ಕಾಲೇಜಿನ ಪ್ರವೇಶಾತಿ ವಿಭಾಗದ ಡೀನ್ ಡಾ. ರಾಜೇಶ್ ಶೆಟ್ಟಿ (ಇ&ಸಿ 1986 ಜಾಯಿನಿಂಗ್ ಬ್ಯಾಚ್) ಹಳೆಯ ವಿದ್ಯಾರ್ಥಿಗಳ ಸಭೆಗಳು ಕಾಲೇಜಿನ ಅಭಿವೃದ್ಧಿಗೆ ಹೇಗೆ ಕೊಡುಗೆ ನೀಡುತ್ತವೆ ಎಂಬುದನ್ನು ತಿಳಿಸಿದರು. ಶ್ರೀ ಪ್ರಸನ್ನ ಆರ್ ಕೈಲಾಜೆ, ನಿರ್ದೇಶಕ- ನಿಟ್ಟೆ ಅಲುಮ್ನಿ ರಿಲೇಶನ್ಸ್ ಅವರು ಹಳೆಯ ವಿದ್ಯಾರ್ಥಿಗಳ ಪೋರ್ಟಲ್ ನ್ನು ಸಂಕ್ಷಿಪ್ತವಾಗಿ ಪ್ರದರ್ಶಿಸಿದರು ಮತ್ತು ಹಳೆಯ ವಿದ್ಯಾರ್ಥಿಗಳ ಬಂಧವನ್ನು ತಮ್ಮ ಅಲ್ಮಾ ಮೇಟರ್ ನೊಂದಿಗೆ ಹೇಗೆ ಬಲಪಡಿಸುವುದು ಎಂಬುದರ ಕುರಿತು ವಿಚಾರಗಳನ್ನು ಚರ್ಚಿಸಿದರು.
ಮಿಡಲ್ ಈಸ್ಟ್-ಎನ್ಎಂಎಎಂಐಟಿ ಅಧ್ಯಕ್ಷ ಫ್ರಾನ್ಸಿಸ್ ಸೆಬಾಸ್ಟಿಯನ್ (ಸಿವಿಲ್-1991 ಸೇರ್ಪಡೆ ಬ್ಯಾಚ್) ಸ್ವಾಗತಿಸಿದರು. ಶ್ರೀಮತಿ ವೀಣಾ ಭಟ್ (ಸಿವಿಲ್-2007 ಸೇರ್ಪಡೆ ಬ್ಯಾಚ್) ಪ್ರಾರ್ಥಿಸಿದರು. ಪ್ರಧಾನ ಕಾರ್ಯದರ್ಶಿ ನಿತಿನ್ ಅಮೀನ್ (ಮೆಕ್ಯಾನಿಕಲ್ 2006 ಜಾಯಿನಿಂಗ್ ಬ್ಯಾಚ್) ಚಟುವಟಿಕೆ ವರದಿ ಮಂಡಿಸಿದರು. ನಿಟ್ಟೆ ತಾಂತ್ರಿಕ ಕಾಲೇಜಿನ ಹಳೆಯ ವಿದ್ಯಾರ್ಥಿಗಳ ಸಂಯೋಜಕ ಡಾ.ಜ್ಞಾನೇಶ್ವರ ಪೈ ಮರೂರು ವಂದಿಸಿದರು.
'ಇಡುಕ್ಕಿ ಗೋಲ್ಡ್' ತಂಡದಿಂದ ಸಂಗೀತ ರಸಸಂಜೆ ಮತ್ತು ಗಾಲಾ ಭೋಜನದೊಂದಿಗೆ ಕಾರ್ಯಕ್ರಮವು ಕೊನೆಗೊಂಡಿತು. ಕಾರ್ಯಕ್ರಮವನ್ನು ಶ್ರೀ ಪ್ರಸನ್ನ ಆರ್ ಕೈಲಾಜೆ ಮತ್ತು ಡಾ.ಜ್ಞಾನೇಶ್ವರ ಪೈ ಮರೂರು ಮತ್ತು ಮಧ್ಯಪ್ರಾಚ್ಯದ ಶ್ರೀ ಫ್ರಾನ್ಸಿಸ್ ಸೆಬಾಸ್ಟಿಯನ್ ಸಂಯೋಜಿಸಿದರು.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಚಾನೆಲ್ ಫಾಲೋ ಮಾಡಲು ಈ ಲಿಂಕ್ ಕ್ಲಿಕ್ ಮಾಡಿ
