ಕಣ್ಣ್ ಗ್ ತೋಜುನ ದೇವೆರ್ ನಾಗೆ
ಬಣ್ಣೊದ ಪುಂಚೊಡು ನಿಲೆ ಆಯೆ |
ದುನ್ನೊದ ಭೂಮಿನ್ ದೆರ್ತಿನ ಸ್ವಾಮಿ
ಸನ್ನಿಧಿ ತೂವೊಡು ಕಲ್ಲ್ ಡ್ ಬನೊಟು ||೧||
ನಾಗಬ್ರಹ್ಮೆ ಈ ಲೋಕೊದ ಸೋಜಿಗ
ಭೋಗ ಭೂಮಿಡ್ ಮರಿ ಆದ್ ಬುಳೆಯ |
ನಾಗಶಯನನ ಬೆರಿತಟ್ಟ್ ದುಂತೊಂಡ
ಯೋಗಿ ಶಿವಗೊಂಜಿ ನಗ ಈ ಆಯ ||೨||
ಕಾಪು ಕರ್ತವೆ ಜಿಡೆ ದೇರ್ಪಿ ಸುಬ್ಬಯೆ
ಶಾಪೊ ದುಷ್ಟೊನು ತಟ್ ದಂಚಿ ಪಾರಾಯೆ ||
ಅಪ್ಪೆ ಮೂಲೊದ ಕಟ್ಟ್ ನೊರಿತ್ ಕೊರ್ಯೆ
ಪಾಪೊ ಕಳು ಪಗೆ ಸೀಕ್ ಮಾಜಾಯೆ ||೩||
ಪೇರ್ ಬೊಂಡ ತನು ತಂಬಿಲ ಸೇವೆ
ಪುರ್ಪ ಸಂಪಯಿ ಪಿಂಗಾರ ಕೇದಯಿ ||
ಅರ್ಪಿತೊಪ್ಪಿತ್ ಒರ ಪೂಜೆ ಸಂದಾಯ
ಸುರ್ಪೊನೊರಿಪುಲೆ ಓ ಸ್ವಾಮಿ ಸುಬ್ರಾಯ ||೪||
-ಭಾಸ್ಕರ ರೈ ಕುಕ್ಕುವಳ್ಳಿ
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ
