ಒಮ್ಮೆ ಅವರ ಪ್ರಸಿದ್ಧಿಯನ್ನು ಮನಗಂಡ ಅಕ್ಬರ್ ಅವರನ್ನು ತಮ್ಮನ್ನು ಕಾಣಲು ಬರುವಂತೆ ಹೇಳಿ ಕಳುಹಿಸುತ್ತಾನೆ.ಆದರೆ ತಾನು ರಾಮನಿಗೆ ಮಾತ್ರ ದಾಸ ಎಂದು ತಿಳಿಸಿದ ತುಳಸಿದಾಸರು ಅಕ್ಬರನನ್ನು ಭೇಟಿಯಾಗಲು ನಿರಾಕರಿಸುತ್ತಾರೆ.ಇದರಿಂದ ಕುಪಿತಗೊಂಡ ಅಕ್ಬರ್ ಅವರನ್ನು ತನ್ನ ಸೈನಿಕರನ್ನು ಕಳುಹಿಸಿ ಬಲವಂತದಿಂದ ಬಂಧಿಸಿ ತನ್ನಲ್ಲಿಗೆ ಕರೆಸಿಕೊಳ್ಳುತ್ತಾನೆ.ಅವರನ್ನು ಕುರಿತು ನೀನು ನಿಜ ರಾಮಭಕ್ತನಾಗಿದ್ದರೆ ಪವಾಡ ಪ್ರದರ್ಶಿಸಬೇಕೆಂದು ಹೇಳುತ್ತಾನೆ.ಆಗ ತುಳಸಿದಾಸರು 'ನಾನು ರಾಮಭಕ್ತ,ಯಾವುದೇ ಪವಾಡ ಪ್ರದರ್ಶಿಸಲು ನಾನು ಜಾದೂಗಾರನಲ್ಲ'ಎನ್ನುತ್ತಾರೆ.ಅವರ ಮಾತುಗಳಿಂದ ಕುಪಿತಗೊಂಡ ಅಕ್ಬರ್ ಅವರನ್ನು ಸೆರೆಮನೆಗೆ ತಳ್ಳುತ್ತಾನೆ.ಇದರಿಂದ ನೊಂದ ತುಳಸಿದಾಸರು ಸೆರೆಮನೆಯಲ್ಲಿಯೇ ಭಕ್ತಿಯಿಂದ ಪ್ರಾರ್ಥಿಸಿ ಸಂಕಟ ನಿವಾರಣೆಗಾಗಿ ಹನುಮನನ್ನು ಸ್ತುತಿಸಿ ಹನುಮಾನ ಚಾಲೀಸಾ ಬರೆಯುತ್ತಾರೆ.ಇತ್ತ ತುಳಸಿದಾಸರನ್ನು ಬಂಧಿಸಿದ ಮಾರನೇ ದಿನದಿಂದಲೇ ಕಪಿಗಳ ದೊಡ್ಡ ಸೈನ್ಯ ಅಕ್ಬರನ ಕೆಂಪು ಕೋಟೆಯನ್ನು ಸುತ್ತುವರಿದು ಅತೀವ ಹಾವಳಿ ಸೃಷ್ಟಿ ಸುತ್ತವೆ.ಇದರಿಂದ ಕಂಗೆಟ್ಟ ಅಕ್ಬರ್ ಇದಕ್ಕೆ ಕಾರಣವನ್ನು ತನ್ನ ಮಂತ್ರಿ ಬೀರಬಲ್ ನ ಹತ್ತಿರ ಕೇಳುತ್ತಾನೆ.ಆಗ ಬೀರಬಲ್ 'ಮಹಾಪ್ರಭು ನೀವು ರಾಮಮಹಿಮೆಯನ್ನು,ತುಳಸಿದಾಸರ ರಾಮಭಕ್ತಿಯ ಶ್ರೇಷ್ಠತೆಯನ್ನು ಕಣ್ಣಾರೆ ಕಾಣುತ್ತಿರುವಿರಿ'ಎಂದನಂತೆ.ತನಸಣ್ಣತನದ ಬಗ್ಗೆ ತಾನೇ ನಾಚಿಕೊಂಡ ಅಕ್ಬರ್ ತುಳಸಿದಾಸರನ್ನು ಬಿಡುಗಡೆಗೊಳಿಸಿ ಅವರಲ್ಲಿ ಕ್ಷಮೆ ಬೇಡಿ ಅವರನ್ನು ಸರ್ವ ರೀತಿಯಲ್ಲೂ ಗೌರವದಿಂದ ಆದರಿಸಿ ಮಥುರಾಗೆ ಕಳುಹಿಸಿಕೊಟ್ಟನು. 
ಹೀಗೆ ಸಂಕಟದ ಸಮಯದಲ್ಲಿ, ನಿವಾರಣೆಗಾಗಿ ತುಳಸಿದಾಸರಿಂದ ರಚಿತವಾದ ಹನುಮಾನ್ ಚಾಲೀಸಾ ಸಂಕಟ ಮೋಚನ ಹನುಮಾನ್ ಚಾಲೀಸಾ ಎಂದೇ ಹೆಸರಾಗಿದೆ.ನಲವತ್ತು ಚೌಪದಿಗಳಲ್ಲಿರುವ ಇದು ಎಲ್ಲಾ ತರದ ಸಂಕಷ್ಟಗಳನ್ನು ನಿವಾರಿಸುತ್ತದೆಂದು ಪ್ರಸಿದ್ಧವಾಗಿದೆ.ವಿಶೇಷವಾಗಿ ಸಾಡೇ ಸಾತ್ ಶನಿಕಾಟದಿಂದ ಬಳಲುತ್ತಿರುವವರಿಗೆ ಇದು ವಿಶೇಷ ಪರಿಣಾಮವನ್ನುಂಟು ಮಾಡಿ ಅದರಿಂದಾಗುವ ಹಾನಿಗಳನ್ನು ನಿವಾರಿಸುತ್ತದೆಂದು ನಂಬಲಾಗಿದೆ.ಚಾಲೀಸಾದಲ್ಲೇ ಹೇಳಿರುವಂತೆ ಇದು ಧೈರ್ಯ ಆತ್ಮವಿಶ್ವಾಸ ವೃದ್ಧಿಸಿ ಗ್ರಹದೋಷ,ಭೂತಪ್ರೇತಗಳ ಭಾದೆ ನಿವಾರಿಸಿ ನೆಮ್ಮದಿ ಸುಖಶಾಂತಿಗಳನ್ನು ಕರುಣಿಸುತ್ತದೆಂದು ಹೇಳಲಾಗಿದೆ.
||ಜೈ ಶ್ರೀ ರಾಮ್||
||ಜೈ ಹನುಮಾನ್||
-ಎಸ್.ಎಲ್.ವರಲಕ್ಷ್ಮೀಮಂಜುನಾಥ್.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ
