'ಡಿಹ್ಯೂಮಿಡಿಫೈಯರ್ ತಂತ್ರಜ್ಞಾನವನ್ನೊಳಗೊಂಡ ಹೈಬ್ರಿಡ್ ಸೋಲಾರ್-ಎಲೆಕ್ಟ್ರಿಕ್ ಅಡಿಕೆ ಡ್ರೈಯರ್'ಗೆ ಮೆಕ್ಯಾನಿಕಲ್ ವಿಭಾಗದ ವರ್ಷದ ಅತ್ಯುತ್ತಮ ಯೋಜನೆ ಪ್ರಶಸ್ತಿ
ನಿಟ್ಟೆ: ನಿಟ್ಟೆ ವಿಶ್ವವಿದ್ಯಾಲಯದ ಅಂಗಸಂಸ್ಥೆಯಾದ ನಿಟ್ಟೆ ಮಹಾಲಿಂಗ ಅಡ್ಯಂತಾಯ ಸ್ಮಾರಕ ತಾಂತ್ರಿಕ ಮಹಾವಿದ್ಯಾಲಯದಲ್ಲಿ ಇತ್ತೀಚೆಗೆ ಹಮ್ಮಿಕೊಂಡ 'ಎಕ್ಸ್-ಪ್ರೋ-2023' ಪ್ರಾಜೆಕ್ಟ್ ಪ್ರದರ್ಶನದಲ್ಲಿ ಮೆಕ್ಯಾನಿಕಲ್ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ.ವಿದ್ಯಾಸಾಗರ್ ಆರ್.ಶೆಟ್ಟಿ ಅವರ ಮಾರ್ಗದರ್ಶನದಲ್ಲಿ ವಿಭಾಗದ ವಿದ್ಯಾರ್ಥಿಗಳಾದ ಹೃಷಿಕೇಶ್ ಕುರುಂಜಿ, ಪಿ ಆದಿತ್ಯ ಶಂಕರ್, ಪ್ರಿನ್ಸ್ ಪ್ರಸಾದ್ ಮತ್ತು ರಕ್ಷಿತ್ ಟಿ ಎನ್ ಅವರು ಕರ್ನಾಟಕದ ಪ್ರಮುಖ ವಾಣಿಜ್ಯ ಬೆಳೆಗಳಲ್ಲಿ ಒಂದಾದ ಅಡಿಕೆ ಕೃಷಿಯ ಅನುಕೂಲಕ್ಕೆ ತಯಾರಿಸಲಾದ ಅಡಿಕೆಯನ್ನು ಒಣಗಿಸುವ ಡ್ರೈಯರ್ ಗೆ ವಿಭಾಗದ ಪೈಕಿ ಶ್ರೇಷ್ಟ ಪ್ರಾಜೆಕ್ಟ್ ಬಹುಮಾನ ದೊರೆತಿದೆ.
ಅಡಿಕೆಯನ್ನು ಒಣಗಿಸಲು ಸೂರ್ಯನ ಬೆಳಕು ಅತ್ಯುತ್ತಮ ಮೂಲವಾಗಿದೆ, ಆದರೆ ಕೆಲವು ಪ್ರದೇಶಗಳಲ್ಲಿ, ಹವಾಮಾನ ಪರಿಸ್ಥಿತಿಗಳಿಂದಾಗಿ ಇದು ತುಂಬಾ ಪರಿಣಾಮಕಾರಿಯಾಗಿಲ್ಲ ಮತ್ತು ಮಳೆಗಾಲದಲ್ಲಿ ಅಡಿಕೆಯ ಬೆಳವಣಿಗೆ ಅತ್ಯಧಿಕವಾಗಿರುತ್ತದೆ. ಮಳೆಗಾಲದಲ್ಲಿ ಅಡಿಕೆಯನ್ನು ಒಣಗಿಸಲು ಸೋಲಾರ್ ಡ್ರೈಯರ್ ಅನ್ನು ಬಳಸಲಾಗುತ್ತದೆ. ಆದರೆ ಇದು ಹೆಚ್ಚು ಪರಿಣಾಮಕಾರಿಯಲ್ಲ. ಇದಕ್ಕೆ ಕಾರಣವೆಂದರೆ ಇದ್ರು ತೇವಾಂಶವನ್ನು ತೆಗೆದುಹಾಕುವುದು. ಇದರೊಂದಿಗೆ ದೀರ್ಘಕಾಲದ ಒಣಗಿಸುವ ಅವಧಿ. ಪರ್ಯಾಯವಾಗಿ, ಹೈಬ್ರಿಡ್ ಸೋಲಾರ್ ಎಲೆಕ್ಟ್ರಿಕ್ ಅಡಿಕೆ ಒಣಗಿಸುವ ಯಂತ್ರವನ್ನು ಬಳಸಬಹುದು. ಇದು ಒಣಗಿಸುವ ಅವಧಿಯನ್ನು ಗಮನಾರ್ಹವಾಗಿ ಕಡಿಮೆ ಮಾಡುತ್ತದೆ. ಇದು ಸೌರ ಶಕ್ತಿ ಮತ್ತು ವಿದ್ಯುಚ್ಛಕ್ತಿ ಎಂಬ ಎರಡು ಮೂಲಗಳನ್ನು ಬಳಸುವುದರಿಂದ ಹೆಚ್ಚು ಪರಿಣಾಮಕಾರಿಯಾಗಿದೆ.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ
