ಮಂಗಳೂರು: ಶ್ರೀನಿವಾಸ್ ವಿಶ್ವವಿದ್ಯಾನಿಲಯದ ಸಂಸ್ಥಾಪಕರಾದ ಎ ಶಾಮ ರಾವ್ ಅವರ ಆಶೀರ್ವಾದದೊಂದಿಗೆ ಮತ್ತು ಕುಲಪತಿ ಡಾ. ಸಿಎ ರಾಘವೇಂದ್ರ ರಾವ್ ಹಾಗೂ ಪ್ರೊ ಚಾನ್ಸೆಲರ್ ಡಾ.ಎ. ಶ್ರೀನಿವಾಸ್ ರಾವ್ ಅವರ ಮಾರ್ಗದರ್ಶನದಲ್ಲಿ ಕ್ಲಿನಿಕಲ್ ಸೈಕಾಲಜಿ ವಿಭಾಗದಿಂದ ವಿಶ್ವ ಆಟಿಸಂ ದಿನವನ್ನು ವಿಶ್ವ ಆರೋಗ್ಯ ಸಂಸ್ಥೆಯ (ಡಬ್ಲ್ಯುಎಚ್ಒ) ''ಲೈಟ್ ಇಟ್ ಅಪ್ ಬ್ಲೂ'' ಎಂಬ ಥೀಮ್ ನೊಂದಿಗೆ ಮಂಗಳವಾರ (ಏ.4) ಆಚರಿಸಲಾಯಿತು. ಶ್ರೀನಿವಾಸ್ ವಿಶ್ವವಿದ್ಯಾಲಯ, ಮುಕ್ಕ- ಇಲ್ಲಿನ ಸೆಮಿನಾರ್ ಹಾಲ್ ನಲ್ಲಿ ಕಾರ್ಯಕ್ರಮ ನಡೆಯಿತು.
ಶ್ರೀನಿವಾಸ್ ಇನ್ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ & ರಿಸರ್ಚ್ ಸೆಂಟರ್ನ ಎಂ.ಡಿ ಮನೋವೈದ್ಯ ಡಾ. ಮಿಥುನ್ ಎಸ್ ಮತ್ತು ಐಎಎಚ್ಎಸ್ನ ಕೋರ್ಸ್ ಸಂಯೋಜಕ ಪ್ರೊ. ನವೀನ್ ಬಪ್ಪನಾಡು ಕಾರ್ಯಕ್ರಮಕ್ಕೆ ಗೌರವ ಅತಿಥಿಯಾಗಿದ್ದರು. ಕ್ಲಿನಿಕಲ್ ಸೈಕಾಲಜಿ ವಿಭಾಗ, IAHSನ ಕೋರ್ಸ್ ಸಂಯೋಜಕರಾದ ಪ್ರೊ. ಪ್ರಿಯದರ್ಶಿನಿ ಎಸ್, ಅವರು ಗಣ್ಯರೊಂದಿಗೆ ವೇದಿಕೆಯಲ್ಲಿ ಉಪಸ್ಥಿತರಿದ್ದರು.
ಗಣ್ಯರು ದೀಪ ಬೆಳಗಿಸಿದ ಬಳಿಕ ಪ್ರಾರ್ಥನೆಯೊಂದಿಗೆ ಕಾರ್ಯಕ್ರಮ ಪ್ರಾರಂಭವಾಯಿತು. ಮುಖ್ಯ ಅತಿಥಿ ಡಾ. ಮಿಥುನ್ ಎಸ್, ಎಂಡಿ ಮನೋವೈದ್ಯರು, ಆಟಿಸಂ ಸ್ಪೆಕ್ಟ್ರಮ್ ಡಿಸಾರ್ಡರ್ಸ್ (ಎಎಸ್ಡಿ) ಮತ್ತು ಎಎಸ್ಡಿ ನಿರ್ವಹಣೆಯ ಮಹತ್ವದ ಕುರಿತು ಜ್ಞಾನವನ್ನು ಪುಷ್ಟೀಕರಿಸುವ ಮೂಲಕ ಸಭೆಯನ್ನು ಉದ್ದೇಶಿಸಿ ಮಾತನಾಡಿದರು.
ಜಾಗೃತಿ ಮೂಡಿಸುವ ಅಂಗವಾಗಿ ಇಲಾಖೆಯು ಎಎಸ್ಡಿ ಕುರಿತು ಕಿರುಚಿತ್ರ ನಿರ್ಮಾಣ ಸ್ಪರ್ಧೆಯನ್ನು ಆಯೋಜಿಸಿತ್ತು. ಬಿಎಸ್ಸಿ ಕ್ಲಿನಿಕಲ್ ಸೈಕಾಲಜಿ ವಿದ್ಯಾರ್ಥಿಗಳು ನಿರ್ಮಿಸಿದ ಚಲನಚಿತ್ರಗಳನ್ನು ಪ್ರದರ್ಶಿಸಲಾಯಿತು ಮತ್ತು ಮುಖ್ಯ ಅತಿಥಿ ಡಾ, ಮಿಥುನ್ ಎಸ್ ಅವರು ಅತ್ಯುತ್ತಮ ಚಲನಚಿತ್ರಗಳನ್ನು ನಿರ್ಣಯಿಸಿದರು ಮತ್ತು ಪ್ರಶಸ್ತಿ ನೀಡಿದರು. ಕಾರ್ಯಕ್ರಮದಲ್ಲಿ ಶ್ರೀನಿವಾಸ್ ವಿಶ್ವವಿದ್ಯಾಲಯದ ಅಲೈಡ್ ಹೆಲ್ತ್ ಸೈನ್ಸಸ್ ಇನ್ಸ್ಟಿಟ್ಯೂಟ್ನ ವಿವಿಧ ವಿಭಾಗದ ವಿದ್ಯಾರ್ಥಿಗಳು ಮತ್ತು ಅಧ್ಯಾಪಕರು ಭಾಗವಹಿಸಿದ್ದರು.
ಕಾರ್ಯಕ್ರಮವನ್ನು ಕ್ಲಿನಿಕಲ್ ಸೈಕಾಲಜಿ ವಿಭಾಗದ ಕೋರ್ಸ್ ಸಂಯೋಜಕಿ ಪ್ರಿಯದರ್ಶಿನಿ.ಎಸ್, ಮತ್ತು ಅಧ್ಯಾಪಿಕೆಯರಾದ ಹರ್ಷಿತಾ ಡಿ, ಆಶಾ ಎನ್, ಅಕ್ಷತಾ ಮತ್ತು ಕುಮಾರಿ ನಿಶಾ ಕೆ ಆರ್ ಅವರು ಆಯೋಜಿಸಿದ್ದರು.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ
