ತೋಟದಾ ತಂಪಿಲ್ಲಿ ಸಂತೋಷ ತುಂಬಿದ್ದು
ನೋಟವೇ ಸಿಂಗಾರ ಗಂಧ ರಾಶಿ
ಆಟಕ್ಕೆ ಮಾಳವೇ ಹಿಂದಾಣ ಕಾಲಲ್ಲಿ
ಪಾಠಗಳ ಹಾಂಗೆಯೇ ಹಸುರು ಕಾಶಿ.
ಬೆಳಿ ಚಿನ್ನ ಅಡಕೆಯೇ ಹೇಳುವದು ಸತ್ಯವೇ
ತಿಳಿಯೆಕ್ಕು ನಾವಿಂದು ಆನಂದವೆ
ಕಳೆಕಟ್ಟಿ ಕಾಣುತ್ತು ತೋಟದೊಳ ಬಾಳೆ ಬುಡ/
ಬೆಳೆ ಹೊತ್ತ ಮರವೆಲ್ಲ ಒಪ್ಪೊಪ್ಪವೆ.
ಹುಲ್ಲು ಹಾಸಿದ ನೆಲವೆ ತೋಟಲ್ಲಿ ಹಸಿರುಕ್ಕಿ
ಅಲ್ಲಲ್ಲಿ ಕಾಣುತ್ತು ಪಚ್ಚೆ ಚೆಂದ
ಮೆಲ್ಲಂಗೆ ಕೇಳುತ್ತು ಇಂಪಾಗಿ ಹಾಡುಕ್ಕಿ
ಸಲ್ಲುವಾ ಗೈಮೆಯೇ ಬಾಳ ಬಂಧ .
ಮಾಳ = ಗುಡಿಸಲು. ಐವತ್ತು ವರ್ಷಗಳ ಹಿಂದೆ ಅಡಕೆ ತೋಟದೊಳಗೆ ಮರದ ಕಂಬ ಹಾಗೂ ಅಡಕೆ ಮರದ ಸಲಿಕೆಗಳನ್ನು ಬಳಸಿ ಸಣ್ಣ ಗುಡಿಸಲನ್ನು ಕಟ್ಟಿ ಅದರ ಮಾಡಿಗೆ ಸೋಗೆಯನ್ನು ಹೊದೆಸುತ್ತಿದ್ದರು. ಇಲ್ಲಿ ಹಗಲು ಮಕ್ಕಳು ಮನೆಯಾಟ ಆಡುತ್ತಿದ್ದರು, ಓದುತ್ತಾ ಇರುವುದೆಲ್ಲ ಇಂದು ನೆನಪು ಮಾತ್ರ!
-ಗುಣಾಜೆ ರಾಮಚಂದ್ರ ಭಟ್
