ಕಾರ್ಕಳ: ಇಲ್ಲಿನ ಮಿಯ್ಯಾರಿನಲ್ಲಿ ನಡೆದ ಲವ - ಕುಶ ಜೋಡುಕರೆ ಕಂಬಳ ಕೂಟ ಸಂಪನ್ನವಾಗಿದೆ. ಶನಿವಾರ ಬೆಳಿಗ್ಗೆ ಇಂಧನ ಸಚಿವ ವಿ. ಸುನಿಲ್ ಕುಮಾರ್, ಮಿಯ್ಯಾರು ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಪ್ರಧಾನ ಅರ್ಚಕ ಹರಿದಾಸ್ ಭಟ್ ಅವರಿಂದ ಉದ್ಘಾಟನೆಗೊಂಡ 18 ನೇ ವರ್ಷದ ಮಿಯ್ಯಾರು "ಲವ - ಕುಶ " ಜೋಡುಕರೆ ಕಂಬಳ ಭಾನುವಾರದ ಬೆಳಿಗ್ಗೆ ಕೊನೆಗೊಂಡಿತು.
ಈ ಬಾರಿಯ ಕಂಬಳ ಕೂಟದಲ್ಲಿ 177 ಜೊತೆ ಕೋಣಗಳು ಭಾಗವಹಿಸಿದ್ದವು. ಹಗ್ಗ ಕಿರಿಯ ವಿಭಾಗದಲ್ಲಿ 25 ಜೊತೆ, ನೇಗಿಲು ಕಿರಿಯ ವಿಭಾಗದಲ್ಲಿ 85 ಜೊತೆ ಕೋಣಗಳು, ಕನೆಹಲಗೆ ವಿಭಾಗದಲ್ಲಿ 5 ಜೊತೆ, ಅಡ್ಡಹಲಗೆ ವಿಭಾಗದಲ್ಲಿ 7 ಜೊತೆ , ಹಗ್ಗ ಹಿರಿಯ ವಿಭಾಗದಲ್ಲಿ 16 ಜೊತೆ, ನೇಗಿಲು ಹಿರಿಯ ವಿಭಾಗದಲ್ಲಿ 39 ಜೊತೆ ಕೋಣಗಳು ಭಾಗವಹಿಸಿದ್ದವು.
ಅನೇಕ ಸಂಖ್ಯೆಯಲ್ಲಿ ಕಂಬಳ ಪ್ರಿಯರು ಆಗಮಿಸಿದ್ದು , ವಿಜೃಂಭಣೆಯಿಂದ ಈ ಕೂಟ ಮುಕ್ತಾಯಗೊಂಡಿತು.
إرسال تعليق