ಚಿನ್ನದಂತ ಬೆಳೆ ಬೇಕಣ್ಣ/
ಹೊಟ್ಟೆ ತುಂಬಾ ಉಣ್ಣೋಕೆ
ಮೂಡಣದಿ ಕೆಂಪೇರಿತು /
ಮೋಡ ಸರಿದು ತಂಪಾಯಿತು
ಗದ್ದೆ ಕಡೆಗೆ ಸಾಗೋಣವೇ ನಾವೀಗಲೇ॥ಚಿ॥
ಚಿನ್ನವನ್ನ ತಿನ್ನಕ್ಕಾಗಲ್ಲ /
ತಿನ್ನೋದಕ್ಕೇ ಅನ್ನ ಬೇಕಲ್ಲ
ಇದನ್ನರಿತು ಬಾಳಬೇಕ್ರಯ್ಯೋ ಓ ಮನುಜರೇ॥ಚಿ॥
ಹಿಡಿಯೋಣ ಹಾರೆ ನೊಗ /
ಉಳೋಣ ಗದ್ದೆಯನ್ನೀಗ
ಸಾಲು ಸಾಲಲಿ ಭತ್ತವ ಬಿತ್ರಯ್ಯೋ ಓ ಮನುಜರೇ॥ಚಿ॥
ಮೆತ್ತಿಕೊಂಡರೆ ಕೈ ಮೈ ಕೆಸರು /
ತಿನ್ನಬಹುದು ನಾವಿನ್ನು ಮೊಸರು
ತಿನ್ನೋಕ್ಕಾಗಲ್ಲ ಧನ-ಚಿನ್ನವನ್ನ ಓ ಮನುಜರೇ॥ಚಿ॥
ಬೆನ್ನು ಬಗ್ಗಿಸಿ ಈಗ ದುಡಿದರೆ /
ತಿನ್ನಬಹುದು ಅನ್ನವನ್ನು
ಇಲ್ಲವಾದರೆ ಪರದಾಟವೇ ಓ ಮನುಜರೇ॥ಚಿ॥
-ಹರೀಶ್ ಕಜೆ.
ಪುತ್ತೂರು ದ.ಕ.
(ಉಪಯುಕ್ತ ನ್ಯೂಸ್)
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
