ಭಾವಗೀತೆ: ಸ್ನೇಹ ದಂಗೆ

ಎರಡು ಮನಗಳ ನಡುವೆ ಉದಿಸಿತು

ಕುರುಡು ಸೇಡಿನ ಗೋಡೆಯು|

ಮೆರೆವ ಯಶವನು ಸಹಿಸಲಾಗದೆ

ಬಿರುಕ ಮಾಡಿತು ಪೀಡೆಯು|

ಕರಕೆ ಕರವನು ಹಿಡಿವ ಮನಗಳು

ಹರಕೆ ಕುರಿಗಳೆ ಆದವು|

ಶಿರಕೆ ಏರಿದ ಮದದ ಅಮಲಿಗೆ

ಕೆರಳಿ ನರಕಕೆ ಹೋದವು|

ವರದ ಗೆಳೆತನ ಉರುಳಿ ಬೀಳಲು

ಕೊರಗ ತೊಡಗಿತು ಜೀವನ|

ಬರದೆ ಮರಳಿ ಮೊದಲ ವಿನಯವು

ಹೊರಗೆ ಉಳಿಯಿತು ಚೇತನ|

ಅರಳಿ ಹೂಗಳು ನಗತ ಜೊತೆಯಲಿ

ಪುರಕೆ ಕೀರುತಿ ನೀಡಲಿ|

ಇರಿದು ಸೋಲನು ಬಿರಿದು ಅರಳಲಿ

ಇರಿಸಿ ಜೇನನು ಗೂಡಲಿ| 

- ಕಾ.ವೀ.ಕೃಷ್ಣದಾಸ್

(ಉಪಯುಕ್ತ ನ್ಯೂಸ್)

ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ

ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ