ಮಂಗಳೂರು: ಬೆಂಜನಪದವಿನ ಕೆನರಾ ಇಂಜಿನಿಯರಿಂಗ್ ಕಾಲೇಜಿನ ವಿದ್ಯಾರ್ಥಿಗಳು ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯದ (ವಿಟಿಯು) 26ನೇ ಘಟಿಕೋತ್ಸವದ (ಭಾಗ-1) ಫಲಿತಾಂಶದಲ್ಲಿ ನಾಲ್ಕು ರ್ಯಾಂಕ್ ಗಳನ್ನು ಪಡೆಯುವ ಮೂಲಕ ಸಂಸ್ಥೆಗೆ ಕೀರ್ತಿ ತಂದಿದ್ದಾರೆ. ಕಂಪ್ಯೂಟರ್ ಸೈನ್ಸ್ ಮತ್ತು ಬಿಸಿನೆಸ್ ಸಿಸ್ಟಮ್ ವಿಭಾಗದಲ್ಲಿ, ಮೆಲಿಶಾ (9.23 ಸಿಜಿಪಿಎ) 8ನೇ ರ್ಯಾಂಕ್ ಪಡೆದರೆ, ಪ್ರತೀಕ್ಷಾ ಹರೀಶ್ ಬಲೇರಿ (9.21 ಸಿಜಿಪಿಎ) 9ನೇ ರ್ಯಾಂಕ್ ಪಡೆದಿದ್ದಾರೆ.
ಕಂಪ್ಯೂಟರ್ ಸೈನ್ಸ್ ಮತ್ತು ಡಿಸೈನ್ ವಿಭಾಗದಲ್ಲಿ, ದೀಪಕ್ ಡಿ. ನಾಯಕ್ (9.26 ಸಿಜಿಪಿಎ) 7ನೇ ರ್ಯಾಂಕ್ ಪಡೆದರೆ, ರಕ್ಷಿತಾ ಬಿ. ಭಜಂತ್ರಿ (9.23 ಸಿಜಿಪಿಎ) 9ನೇ ರ್ಯಾಂಕ್ ಪಡೆದಿದ್ದಾರೆ. ಈ ಸಾಧನೆಯು ವಿದ್ಯಾರ್ಥಿಗಳ ಶ್ರದ್ಧೆ, ನಿರಂತರ ಶೈಕ್ಷಣಿಕ ಸಾಧನೆ ಮತ್ತು ಶ್ರೇಷ್ಠತೆಯೆಡೆಗಿನ ಕಾಲೇಜಿನ ಬದ್ಧತೆಯನ್ನು ಪ್ರತಿಬಿಂಬಿಸುತ್ತದೆ. ಕೆನರಾ ಇಂಜಿನಿಯರಿಂಗ್ ಕಾಲೇಜಿನ ಆಡಳಿತ ಮಂಡಳಿ, ಪ್ರಾಂಶುಪಾಲರು, ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ರ್ಯಾಂಕ್ ವಿಜೇತರನ್ನು ಅಭಿನಂದಿಸಿದ್ದಾರೆ.
ಕೆನರಾ ಇಂಜಿನಿಯರಿಂಗ್ ಕಾಲೇಜು ವಿದ್ಯಾರ್ಥಿಗಳಲ್ಲಿ ಪ್ರಾಯೋಗಿಕ ಕಲಿಕೆ, ನಾವೀನ್ಯತೆ ಮತ್ತು ಸರ್ವತೋಮುಖ ಅಭಿವೃದ್ಧಿಯೊಂದಿಗೆ ಶೈಕ್ಷಣಿಕ ಶ್ರೇಷ್ಠತೆಯನ್ನು ಸಾಧಿಸಲು ನಿರಂತರವಾಗಿ ಪ್ರೋತ್ಸಾಹಿಸುತ್ತಾ ಬಂದಿದೆ.
