ಬೆಂಗಳೂರು, ಮೇ 25: ಸಿಲಿಕಾನ್ ಸಿಟಿಯ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಪ್ರದೇಶಗಳಲ್ಲೊಂದಾದ ಉತ್ತರ ಬೆಂಗಳೂರಿನಲ್ಲಿ ಸುಧಾರಿತ ಹಾಗೂ ಸಮಗ್ರ ಆರೋಗ್ಯ ಸೇವೆಗಳ ಅಗತ್ಯವನ್ನು ಮನಗಂಡು ಆರಂಭವಾದ 'ಸ್ಪರ್ಶ್ ಆಸ್ಪತ್ರೆ' (ಹೆಣ್ಣೂರು ರಸ್ತೆ), ಇದೀಗ ತನ್ನ ಯಶಸ್ವಿ ಕಾರ್ಯಾಚರಣೆಯ ಮೊದಲ ವರ್ಷವನ್ನು ಪೂರ್ಣಗೊಳಿಸಿದೆ. ಕೇವಲ 12 ತಿಂಗಳುಗಳಲ್ಲಿ ಆಸ್ಪತ್ರೆಯು ದಾಖಲಿಸಿರುವ ಚಿಕಿತ್ಸಾ ಅಂಕಿ-ಅಂಶಗಳು, ಈ ಭಾಗದ ಜನರಿಗೆ ಗುಣಮಟ್ಟದ ವೈದ್ಯಕೀಯ ಸೇವೆ ಎಷ್ಟು ಅತ್ಯಗತ್ಯವಾಗಿತ್ತು ಎಂಬುದನ್ನು ಸ್ಪಷ್ಟವಾಗಿ ಪ್ರತಿಬಿಂಬಿಸುತ್ತವೆ.
ಜನರು ರೋಗನಿರ್ಣಯ ಮತ್ತು ಜಟಿಲ ಚಿಕಿತ್ಸೆಗಳಿಗಾಗಿ ದೂರದ ಊರುಗಳಿಗೆ ಅಲೆಯುವುದನ್ನು ತಪ್ಪಿಸಿ, ತಮ್ಮ ಮನೆಯ ಸಮೀಪದಲ್ಲೇ ಅಂತರರಾಷ್ಟ್ರೀಯ ಮಟ್ಟದ ವೈದ್ಯಕೀಯ ಸೌಲಭ್ಯ ಪಡೆಯುತ್ತಿರುವುದಕ್ಕೆ ಸ್ಪರ್ಶ್ ಆಸ್ಪತ್ರೆಯ ಮೊದಲ ವರ್ಷದ ಯಾನವೇ ಸಾಕ್ಷಿಯಾಗಿದೆ.
ಕೇವಲ ಹನ್ನೆರಡು ತಿಂಗಳಲ್ಲಿ 50 ಸಾವಿರಕ್ಕೂ ಹೆಚ್ಚು ಒಪಿಡಿ ದಾಖಲು!
ಸ್ಪರ್ಶ್ ಆಸ್ಪತ್ರೆಯು ಕಾರ್ಯಾರಂಭ ಮಾಡಿದ ಕೇವಲ ಒಂದು ವರ್ಷದಲ್ಲಿ ಸಾರ್ವಜನಿಕರಿಂದ ಅಭೂತಪೂರ್ವ ವಿಶ್ವಾಸ ಗಳಿಸಿದೆ. ಆಸ್ಪತ್ರೆಯ ಮೊದಲ ವರ್ಷದ ಪ್ರಮುಖ ಮೈಲಿಗಲ್ಲುಗಳು ಹೀಗಿವೆ:
ಕಳೆದ ಒಂದು ವರ್ಷದಲ್ಲಿ ಆಸ್ಪತ್ರೆಯ ಕ್ಯಾನ್ಸರ್, ಅಸ್ಥಿ ಚಿಕಿತ್ಸೆ (ಆರ್ಥೋಪೆಡಿಕ್ಸ್), ನರ ಮತ್ತು ಬೆನ್ನುಮೂಳೆ (ನ್ಯೂರೋ ಸೈನ್ಸ್), ಯೂರಾಲಜಿ ಮತ್ತು ಸಾಮಾನ್ಯ ಶಸ್ತ್ರಚಿಕಿತ್ಸಾ ವಿಭಾಗಗಳಲ್ಲಿ ರೋಗಿಗಳ ಸಂಖ್ಯೆ ಗಣನೀಯವಾಗಿ ಏರಿಕೆಯಾಗಿದೆ. ಒಂದೇ ಸೂರಿನಡಿ ಸುಸಜ್ಜಿತ ರೋಗನಿರ್ಣಯ ಮತ್ತು ಚಿಕಿತ್ಸಾ ವ್ಯವಸ್ಥೆ ಇರುವುದರಿಂದ ರೋಗಿಗಳಿಗೆ ಚಿಕಿತ್ಸೆ ಸುಲಭವಾಗಿದೆ.
ಕ್ಯಾನ್ಸರ್ ಪೀಡಿತರಿಗೆ ಆಶಾಕಿರಣವಾದ 'ಸ್ಪರ್ಶ್ ಇನ್ಸ್ಟಿಟ್ಯೂಟ್ ಆಫ್ ಕ್ಯಾನ್ಸರ್ ಕೇರ್'
ಉತ್ತರ ಬೆಂಗಳೂರಿನಲ್ಲಿ ವಿಶೇಷ ಕ್ಯಾನ್ಸರ್ ಚಿಕಿತ್ಸಾ ಕೇಂದ್ರಗಳ ಕೊರತೆಯನ್ನು ನೀಗಿಸುವಲ್ಲಿ 'ಸ್ಪರ್ಶ್ ಇನ್ಸ್ಟಿಟ್ಯೂಟ್ ಆಫ್ ಕ್ಯಾನ್ಸರ್ ಕೇರ್' ಮಹತ್ತರ ಪಾತ್ರ ವಹಿಸಿದೆ. ಮೊದಲ ವರ್ಷದಲ್ಲೇ ಈ ಕೇಂದ್ರವು 600ಕ್ಕೂ ಹೆಚ್ಚು ರೇಡಿಯೇಶನ್ ಥೆರಪಿ ಸೆಷನ್ಗಳು, 800ಕ್ಕೂ ಹೆಚ್ಚು ಕಿಮೋಥೆರಪಿ ಸೆಷನ್ಗಳು, 120ಕ್ಕೂ ಹೆಚ್ಚು ಪಿಇಟಿ (PET) ಸ್ಕ್ಯಾನ್ಗಳನ್ನು ಯಶಸ್ವಿಯಾಗಿ ನಡೆಸಿದೆ.
ಸ್ತನ ಕ್ಯಾನ್ಸರ್, ತಲೆ ಮತ್ತು ಕುತ್ತಿಗೆ ಕ್ಯಾನ್ಸರ್, ಸ್ತ್ರೀರೋಗ ಸಂಬಂಧಿತ ಕ್ಯಾನ್ಸರ್, ಶ್ವಾಸಕೋಶ, ಯೂರಾಲಜಿಕಲ್ ಹಾಗೂ ಅಸ್ಥಿ ಕ್ಯಾನ್ಸರ್ ಚಿಕಿತ್ಸೆಯಲ್ಲಿ ಈ ಸಂಸ್ಥೆ ಮುಂಚೂಣಿಯಲ್ಲಿದೆ. ಜೊತೆಗೆ ಜೀವರಕ್ಷಕ ಬೋನ್ ಮ್ಯಾರೋ ಟ್ರಾನ್ಸ್ಪ್ಲಾಂಟೇಶನ್ (ಅಸ್ಥಿಮಜ್ಜೆ ಕಸಿ) ಸೌಲಭ್ಯವನ್ನೂ ಇಲ್ಲಿ ಪ್ರೋಟೋಕಾಲ್ ಆಧಾರಿತವಾಗಿ ಒದಗಿಸಲಾಗುತ್ತಿದೆ.
"ಈಶಾನ್ಯ ಬೆಂಗಳೂರಿನ ಆರೋಗ್ಯ ಅಗತ್ಯಗಳು ವೇಗವಾಗಿ ಬದಲಾಗುತ್ತಿವೆ"
ಆಸ್ಪತ್ರೆಯ ಮೊದಲ ವಾರ್ಷಿಕೋತ್ಸವದ ಕುರಿತು ಮಾತನಾಡಿದ ಸ್ಪರ್ಶ್ ಆಸ್ಪತ್ರೆಯ (ಹೆಣ್ಣೂರು ರಸ್ತೆ ಮತ್ತು ಯಶವಂತಪುರ) ಕ್ಲಸ್ಟರ್ ಸಿಒಒ ಕರ್ನಲ್ ರಾಹುಲ್ ತಿವಾರಿ ಅವರು, "ನಮ್ಮ ಮೊದಲ ವರ್ಷದ ರೋಗಿಗಳ ಸಂಖ್ಯೆಯು, ಒಂದೇ ಸಮನ್ವಯಿತ ವ್ಯವಸ್ಥೆಯಡಿ ಸಾಮಾನ್ಯ ಹಾಗೂ ಸಂಕೀರ್ಣ ಆರೈಕೆಯನ್ನು ಒದಗಿಸಬಲ್ಲ ಆಸ್ಪತ್ರೆಯ ಅಗತ್ಯವನ್ನು ಪ್ರತಿಬಿಂಬಿಸುತ್ತದೆ. ಮುಂದಿನ ದಿನಗಳಲ್ಲಿ ಈ ಸಮುದಾಯಕ್ಕೆ ಸಮಯೋಚಿತ, ಸಹಾನುಭೂತಿಯುತ ಹಾಗೂ ಸುಲಭವಾಗಿ ಲಭ್ಯವಾಗುವ ಆರೋಗ್ಯಸೇವೆಯನ್ನು ಮತ್ತಷ್ಟು ಬಲಪಡಿಸುವುದೇ ನಮ್ಮ ಪ್ರಮುಖ ಗುರಿ" ಎಂದು ತಿಳಿಸಿದರು.
ಜಾಗತಿಕ ಮಟ್ಟದ ಹೆಜ್ಜೆಯಿಡುತ್ತಿರುವ ಸ್ಪರ್ಶ್ ನೆಟ್ವರ್ಕ್:
ಕರ್ನಾಟಕದ ಅತ್ಯಂತ ವಿಶ್ವಾಸಾರ್ಹ ಮಲ್ಟಿಸ್ಪೆಷಾಲಿಟಿ ಆರೋಗ್ಯಸೇವಾ ಪೂರೈಕೆದಾರರಲ್ಲಿ ಒಂದಾದ ಸ್ಪರ್ಶ್, ಪ್ರಸ್ತುತ 8 ಆಸ್ಪತ್ರೆಗಳು ಮತ್ತು 1,600ಕ್ಕೂ ಹೆಚ್ಚು ಹಾಸಿಗೆಗಳ ಸಾಮರ್ಥ್ಯವನ್ನು ಹೊಂದಿದೆ. ರೋಬೋಟಿಕ್ ಶಸ್ತ್ರಚಿಕಿತ್ಸೆ, AI-ಸಕ್ರಿಯ ರೋಗನಿರ್ಣಯ (AI-enabled diagnostics) ಮತ್ತು ಮಿನಿಮಲಿ ಇನ್ವೇಸಿವ್ ಶಸ್ತ್ರಚಿಕಿತ್ಸಾ ಪರಿಣತಿಯನ್ನು ಹೊಂದಿರುವ ಆಸ್ಪತ್ರೆಯು, 600ಕ್ಕೂ ಹೆಚ್ಚು ತಜ್ಞ ವೈದ್ಯರ ಬಲದೊಂದಿಗೆ ಇದುವರೆಗೆ 1.5 ಮಿಲಿಯನ್ಗಿಂತಲೂ ಹೆಚ್ಚು ಜನರ ಜೀವನವನ್ನು ಸ್ಪರ್ಶಿಸಿದೆ. ಕೇವಲ ದೇಶಿಯ ರೋಗಿಗಳಷ್ಟೇ ಅಲ್ಲದೆ, ವಿಶ್ವದ 14ಕ್ಕೂ ಹೆಚ್ಚು ದೇಶಗಳ ರೋಗಿಗಳಿಗೆ ಸ್ಪರ್ಶ್ ಅತ್ಯುತ್ತಮ ವೈದ್ಯಕೀಯ ಸೇವೆ ನೀಡುತ್ತಿರುವುದು ರಾಜ್ಯದ ಆರೋಗ್ಯ ರಂಗಕ್ಕೆ ಹೆಮ್ಮೆಯ ಸಂಗತಿಯಾಗಿದೆ.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
