ಮಂಗಳೂರು: ಅಲೋಶಿಯಸ್ ಸಂಸ್ಥೆಗಳ 31ನೇ ರೆಕ್ಟರ್ ಆಗಿ
ರೆವ. ಫಾ. ಬ್ರಿಯಾನ್ ಪೆರೇರಾ,
ಎಸ್ಜೆ ಅವರು ಮೇ
10, 2026ರಂದು ಅಧಿಕೃತವಾಗಿ ಅಧಿಕಾರ ಸ್ವೀಕರಿಸಿದರು.
ಬ್ರಿಯಾನ್ ಪೆರೇರಾ ಅವರು ಜೆಸುಯಿಟ್ ಸಮುದಾಯದ ಪ್ರಾರ್ಥನಾ ಮಂದಿರದಲ್ಲಿ ನಡೆದ ಸರಳ ಮತ್ತು
ಗೌರವಪೂರ್ಣ ಕಾರ್ಯಕ್ರಮದಲ್ಲಿ ಅಧಿಕಾರ ವಹಿಸಿಕೊಂಡರು. ಉಪ-ರೆಕ್ಟರ್ ರೆವ.
ಫಾ. ಮೆಲ್ವಿನ್ ಡಿಕುನಾ, ಎಸ್ಜೆ ಅವರು
ಸ್ವಾಗತಿಸಿ, ಯೇಸು ಗುಡ್ ಶೆಫರ್ಡ್
ಪ್ರತಿಮೆ ಮತ್ತು ಪ್ರಾರ್ಥನಾ ಮಂದಿರದ ಕೀಲಿಯನ್ನು ನೀಡಿ ನಾಯಕತ್ವದ ಜವಾಬ್ದಾರಿಯನ್ನು
ಸಂಕೇತಿಕವಾಗಿ ಹಸ್ತಾಂತರಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ
ಫಾ. ಬ್ರಿಯಾನ್ ಪೆರೇರಾ, ಸಂಸ್ಥೆಯ ಪರಂಪರೆ ಮತ್ತು ದಿವಂಗತ ಫಾ. ಮೆಲ್ವಿನ್ ಜೋಸೆಫ್
ಪಿಂಟೋ ಅವರ ಸಹಾನುಭೂತಿಯ ನಾಯಕತ್ವ
ಇನ್ನಷ್ಟು ಬೆಳೆದು ಮುಂದುವರಿಯಬೇಕು. ಜೀವನ ಸವಾಲಿನದ್ದಾಗಿದ್ದರೂ ದೇವರು ನಮ್ಮನ್ನು
ಹೇಗೆ ಮುನ್ನಡೆಸುತ್ತಾನೆ ಎಂಬುದನ್ನು ನೋಡುವುದು ಉತ್ಸಾಹಕರ. ದೇವರು ನಮ್ಮ ಮೇಲೆ ಭರವಸೆ
ಇಟ್ಟಿದ್ದಾನೆ ಎಂದು ಹೇಳಿದರು.
ಹಿಂದಿನ ರೆಕ್ಟರ್ ರೆವ. ಫಾ. ಮೆಲ್ವಿನ್
ಜೋಸೆಫ್ ಪಿಂಟೋ, ಎಸ್ಜೆ ಅವರು
ಏಪ್ರಿಲ್ 10, 2026ರಂದು ನಿಧನರಾದ ಹಿನ್ನೆಲೆಯಲ್ಲಿ,
Arturo Abascal Sosa ಅವರು
ಏಪ್ರಿಲ್ 16ರಂದು ಫಾ. ಬ್ರಿಯಾನ್
ಪೆರೇರಾ ಅವರನ್ನು ಹೊಸ ರೆಕ್ಟರ್ ಆಗಿ
ನೇಮಕ ಮಾಡಿದರು.
ರಸಾಯನಶಾಸ್ತ್ರದಲ್ಲಿ ಎಂ.ಎಸ್ಸಿ
ಪದವಿ ಮತ್ತು ಕೌನ್ಸೆಲಿಂಗ್ನಲ್ಲಿ ಸ್ನಾತಕೋತ್ತರ ಪದವಿ ಪಡೆದಿರುವ ಫಾ.
ಬ್ರಿಯಾನ್ ಪೆರೇರಾ ಅವರು ಯುವ ಸಬಲೀಕರಣ,
ನಾಯಕತ್ವ ತರಬೇತಿ, ಶಿಕ್ಷಣ ಮತ್ತು ಸಾಮಾಜಿಕ ಸೇವೆಯಲ್ಲಿ ದೀರ್ಘ ಅನುಭವ ಹೊಂದಿದ್ದಾರೆ. ದೇಶಾದ್ಯಂತ ಲಕ್ಷಾಂತರ ಯುವಕರಿಗೆ ಜೀವನ ಕೌಶಲ್ಯ ಮತ್ತು
ಮೌಲ್ಯಾಧಾರಿತ ಶಿಕ್ಷಣ ನೀಡಿದ್ದಾರೆ.
ಅವರು ಸಂತ ಜೋಸೆಫರ ಕಾಲೇಜು ಸೇರಿದಂತೆ ಅನೇಕ
ಜೆಸುಯಿಟ್ ಸಂಸ್ಥೆಗಳಲ್ಲಿ ಪ್ರಮುಖ ಹುದ್ದೆಗಳನ್ನು ನಿರ್ವಹಿಸಿದ್ದಾರೆ. “ಇಗ್ನೈಟರ್ಸ್” ಸಮಗ್ರ ವ್ಯಕ್ತಿತ್ವ ವಿಕಾಸ ಕಾರ್ಯಕ್ರಮದ ಮೂಲಕ ಎರಡು ಲಕ್ಷಕ್ಕೂ
ಹೆಚ್ಚು ಯುವಕರಿಗೆ ಪ್ರೇರಣೆ ನೀಡಿದ್ದಾರೆ.
ಶಿಕ್ಷಣ, ಶಿಸ್ತು, ಕರುಣೆ ಮತ್ತು ಮೌಲ್ಯಾಧಾರಿತ ನಾಯಕತ್ವಕ್ಕಾಗಿ ಹೆಸರುವಾಸಿಯಾಗಿರುವ ಫಾ. ಬ್ರಿಯಾನ್ ಪೆರೇರಾ
ಅವರ ನೇತೃತ್ವದಲ್ಲಿ ಅಲೋಶಿಯಸ್ ಸಂಸ್ಥೆಗಳು ಇನ್ನಷ್ಟು ಪ್ರಗತಿ ಸಾಧಿಸಲಿವೆ ಎಂಬ ವಿಶ್ವಾಸವನ್ನು ಶಿಕ್ಷಕರು,
ವಿದ್ಯಾರ್ಥಿಗಳು, ಹಳೆ ವಿದ್ಯಾರ್ಥಿಗಳು ಮತ್ತು
ಹಿತೈಷಿಗಳು ವ್ಯಕ್ತಪಡಿಸಿದ್ದಾರೆ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
