ಮಂಗಳೂರು: ಇಂಡಿಯನ್ ಮೆಡಿಕಲ್ ಅಸೋಸಿಯೇಶನ್ (ಐಎಂಎ) ಮಂಗಳೂರು ಶಾಖೆಯ ವತಿಯಿಂದ ಮಾಸಿಕ ಕಾರ್ಯಕ್ರಮವು ಇಂದು (ಮಾ. 6) ಸಂಜೆ 7.30ಕ್ಕೆ ಮಂಗಳೂರಿನ ಅತ್ತಾವರ ರಸ್ತೆಯಲ್ಲಿರುವ ಡಾ. ಎ.ವಿ. ರಾವ್ ಸಭಾಂಗಣ, ಐಎಂಎ ಹೌಸ್ನಲ್ಲಿ ನಡೆಯಲಿದೆ.
ಕಾರ್ಯಕ್ರಮದ ಮುಖ್ಯ ಅತಿಥಿಯಾಗಿ ಮಂಗಳೂರು ಜಿಲ್ಲಾ ಆರೋಗ್ಯಾಧಿಕಾರಿ ಡಾ. ತಿಮ್ಮಯ್ಯ ಆರ್. ಭಾಗವಹಿಸಲಿದ್ದು, ಗೌರವ ಅತಿಥಿಯಾಗಿ ಕೆಜಿಎಂಒಎ ಅಧ್ಯಕ್ಷರಾಗಿ ಆಯ್ಕೆಯಾದ ಡಾ. ನಿಕಿನ್ ಶೆಟ್ಟಿ ಅವರು ಉಪಸ್ಥಿತರಿರುವರು.
ಕಾರ್ಯಕ್ರಮದ ಅಂಗವಾಗಿ ವೈದ್ಯಕೀಯ ನಿರಂತರ ಶಿಕ್ಷಣ (CME) ಉಪನ್ಯಾಸಗಳು ನಡೆಯಲಿವೆ. “ಹೃದಯ ಮತ್ತು ಮೂತ್ರಪಿಂಡ ರಕ್ಷಣೆಗಾಗಿ ರೋಗ ನಿಯಂತ್ರಣ ಚಿಕಿತ್ಸೆಯಾಗಿ ಫಿನೆರಿನೋನ್” ವಿಷಯದ ಕುರಿತು ಎ.ಜೆ. ಆಸ್ಪತ್ರೆಯ ಸಲಹೆಗಾರ ನೇಫ್ರಾಲಜಿಸ್ಟ್ ಡಾ. ರಾಘವೇಂದ್ರ ನಾಯಕ್ ಉಪನ್ಯಾಸ ನೀಡಲಿದ್ದಾರೆ.
ಇದೇ ವೇಳೆ “ಹೃದಯ ವೈಫಲ್ಯ ತೀವ್ರಗೊಳ್ಳುವ ಸಂದರ್ಭಗಳ ನಿರ್ವಹಣೆಯಲ್ಲಿ ವೆರಿಸಿಗ್ವಾಟ್ ಬಳಕೆ ಮತ್ತು ಅದರ ಇತ್ತೀಚಿನ ಅಧ್ಯಯನಗಳ ಕುರಿತು” ಫಾದರ್ ಮುಲ್ಲರ್ ಆಸ್ಪತ್ರೆಯ ಸಲಹೆಗಾರ ಹೃದ್ರೋಗ ತಜ್ಞ ಡಾ. ಪ್ರದೀಪ್ ಪೆರೆರಾ ಮಾತನಾಡಲಿದ್ದಾರೆ.
ಇದರ ಬಳಿಕ ಮುಂಬೈನ ಹಿಂದುಜಾ ಆಸ್ಪತ್ರೆಯ ಆಂಕೋ ಶಸ್ತ್ರಚಿಕಿತ್ಸಕ ಡಾ. ಮುರಾದಾ ಲಾಲಾ ಅವರು “ಸ್ಕಾಲ್ಪೆಲ್ ಟು ಸಮಿಟ್” ವಿಷಯದ ಕುರಿತು ವಿಶೇಷ ಉಪನ್ಯಾಸ ನೀಡಲಿದ್ದಾರೆ.
ಐಎಂಎ ಮಂಗಳೂರು ಶಾಖೆಯ ಅಧ್ಯಕ್ಷ ಡಾ. ಸದಾನಂದ ಪೂಜಾರಿ ಅಧ್ಯಕ್ಷತೆ ವಹಿಸಲಿದ್ದು, ಕಾರ್ಯದರ್ಶಿ ಡಾ. ಪ್ರಕಾಶ್ ಹರಿಶ್ಚಂದ್ರ ಹಾಗೂ ಖಜಾಂಚಿ ಡಾ. ಜೂಲಿಯನ್ ಸಲ್ಡಾನ್ಹಾ ಉಪಸ್ಥಿತರಿರುವರು. ಕಾರ್ಯಕ್ರಮದ ನಂತರ ಭೋಜನ ವ್ಯವಸ್ಥೆಯೂ ಇರುವುದು ಎಂದು ಪ್ರಕಟಣೆ ತಿಳಿಸಿದೆ.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
