ಭೂಮಿ ನಮ್ಮ ಜೀವನದ ಆಧಾರ. ನಾವು ಬದುಕಲು ಬೇಕಾದ ಗಾಳಿ, ನೀರು, ಆಹಾರ ಎಲ್ಲವೂ ಭೂಮಿಯಿಂದಲೇ ಸಿಗುತ್ತದೆ. ಪ್ರಕೃತಿ ಇಲ್ಲದೆ ಮಾನವನ ಜೀವನ ಸಾಧ್ಯವಿಲ್ಲ. ಆದರೆ ಇಂದಿನ ದಿನಗಳಲ್ಲಿ ನಾವು ಪ್ರಕೃತಿಯನ್ನು ಸರಿಯಾಗಿ ಕಾಪಾಡುತ್ತಿಲ್ಲ. ನಮ್ಮ ಸ್ವಾರ್ಥಕ್ಕಾಗಿ ಅರಣ್ಯಗಳನ್ನು ನಾಶ ಮಾಡುತ್ತಿದ್ದೇವೆ, ನೀರು ಮತ್ತು ಗಾಳಿಯನ್ನು ಮಲಿನಗೊಳಿಸುತ್ತಿದ್ದೇವೆ. ಇದರಿಂದ ಭೂಮಿಯ ಹಸಿರುತನ ಕಡಿಮೆಯಾಗುತ್ತಿದೆ.

ಮರಗಳು ಪ್ರಕೃತಿಯ ಆಭರಣ. ಅವು ನಮಗೆ ಆಮ್ಲಜನಕ ನೀಡುತ್ತವೆ, ಮಳೆ ಬೀಳಲು ಸಹಾಯ ಮಾಡುತ್ತವೆ ಮತ್ತು ಪರಿಸರವನ್ನು ತಂಪಾಗಿಡುತ್ತವೆ. ಆದರೆ ಇಂದು ಅನೇಕ ಮರಗಳನ್ನು ಕಡಿಯಲಾಗುತ್ತಿದೆ. ಇದರಿಂದ ಉಷ್ಣತೆ ಹೆಚ್ಚುತ್ತಿದೆ ಮತ್ತು ಮಳೆ ಕಡಿಮೆಯಾಗುತ್ತಿದೆ. ಆದ್ದರಿಂದ ಪ್ರತಿಯೊಬ್ಬರೂ ಕನಿಷ್ಠ ಒಂದು ಮರವಾದರೂ ನೆಡುವ ಪ್ರಯತ್ನ ಮಾಡಬೇಕು.

ಇನ್ನೊಂದು ದೊಡ್ಡ ಸಮಸ್ಯೆ ಪ್ಲಾಸ್ಟಿಕ್. ನಾವು ದಿನವೂ ಪ್ಲಾಸ್ಟಿಕ್ ಚೀಲ, ಬಾಟಲಿ ಬಳಸುತ್ತೇವೆ. ಇವು ಭೂಮಿಯಲ್ಲಿ ಕೊಳೆಯದೆ ಉಳಿದು ಪರಿಸರಕ್ಕೆ ಹಾನಿ ಮಾಡುತ್ತವೆ. ಸಾಧ್ಯವಾದಷ್ಟು ಪ್ಲಾಸ್ಟಿಕ್ ಬಳಕೆಯನ್ನು ಕಡಿಮೆ ಮಾಡಿ ಬಟ್ಟೆ ಚೀಲ ಬಳಸಬೇಕು.

ನೀರು ಜೀವನದ ಮೂಲ. ಆದರೆ ನಾವು ನೀರನ್ನು ವ್ಯರ್ಥ ಮಾಡುತ್ತಿದ್ದೇವೆ. ಟ್ಯಾಪ್ ತೆರೆಯೇ ಬಿಡುವುದು, ಅನಗತ್ಯವಾಗಿ ನೀರು ಬಳಸುವುದು ತಪ್ಪು. ಮಳೆನೀರನ್ನು ಸಂಗ್ರಹಿಸುವುದರಿಂದ ನೀರಿನ ಕೊರತೆಯನ್ನು ಕಡಿಮೆ ಮಾಡಬಹುದು.

ಹಾಗೆಯೇ ವಿದ್ಯುತ್ ಉಳಿಸುವುದು, ವಾಹನ ಬಳಕೆಯನ್ನು ಕಡಿಮೆ ಮಾಡುವುದು, ಸುತ್ತಮುತ್ತಲನ್ನು ಸ್ವಚ್ಛವಾಗಿಡುವುದು ಕೂಡ ಪರಿಸರ ರಕ್ಷಣೆಯ ಭಾಗವೇ. ಈ ಚಿಕ್ಕ ಚಿಕ್ಕ ಕೆಲಸಗಳು ಭೂಮಿಯನ್ನು ಉಳಿಸಲು ಸಹಾಯ ಮಾಡುತ್ತವೆ.

ವಿದ್ಯಾರ್ಥಿಗಳು ಮತ್ತು ಯುವಕರು ಪರಿಸರದ ಬಗ್ಗೆ ಅರಿವು ಹೊಂದಬೇಕು. ಜನರಲ್ಲಿ ಜಾಗೃತಿ ಮೂಡಿಸಬೇಕು. ಎಲ್ಲರೂ ಸೇರಿ ಕೆಲಸ ಮಾಡಿದರೆ ಮಾತ್ರ ಹಸಿರು ಭೂಮಿಯನ್ನು ಕಾಪಾಡಲು ಸಾಧ್ಯ. ಹಸಿರು ಭೂಮಿ ನಮ್ಮ ಭವಿಷ್ಯ. ಅದನ್ನು ಉಳಿಸುವುದು ನಮ್ಮೆಲ್ಲರ ಹೊಣೆ. ಇಂದು ನಾವು ಪ್ರಕೃತಿಯನ್ನು ಕಾಪಾಡಿದರೆ, ನಾಳೆ ಪ್ರಕೃತಿ ನಮ್ಮನ್ನು ಕಾಪಾಡುತ್ತದೆ.ಹಸಿರು ಭೂಮಿ ನಮ್ಮ ಭವಿಷ್ಯ. ಅದನ್ನು ಉಳಿಸುವುದು ನಮ್ಮೆಲ್ಲರ ಹೊಣೆ. ಇಂದು ನಾವು ಪ್ರಕೃತಿಯನ್ನು ಕಾಪಾಡಿದರೆ, ನಾಳೆ ಪ್ರಕೃತಿ ನಮ್ಮನ್ನು ಕಾಪಾಡುತ್ತದೆ.

-ಹರ್ಷಿತಾ ಗೌಡ