ಹೊಸದಿಲ್ಲಿ: ಡಿಜಿಟಲ್ ಟಿಕೆಟ್ ಬುಕ್ಕಿಂಗ್ಗೆ ಉತ್ತೇಜನ ನೀಡುವ ಉದ್ದೇಶದಿಂದ ಭಾರತೀಯ ರೈಲ್ವೇಸ್ ಮಹತ್ವದ ನಿರ್ಧಾರ ಕೈಗೊಂಡಿದ್ದು, RailOne ಮೊಬೈಲ್ ಆಪ್ ಮೂಲಕ ಸಾಮಾನ್ಯ (ಅನ್ರಿಸರ್ವ್ಡ್/UTS) ಟಿಕೆಟ್ ಖರೀದಿಸುವ ಪ್ರಯಾಣಿಕರಿಗೆ 3 ಶೇಕಡಾ ರಿಯಾಯಿತಿ ನೀಡಲು ಘೋಷಿಸಿದೆ. ಈ ಸೌಲಭ್ಯ ಜನವರಿ 14ರಿಂದ ಜಾರಿಗೆ ಬರಲಿದ್ದು, ಜುಲೈ 14ರವರೆಗೆ ಪೈಲಟ್ ಯೋಜನೆಯಾಗಿ ಅನುಷ್ಠಾನಗೊಳ್ಳಲಿದೆ.
ಈವರೆಗೆ RailOne ಆಪ್ನಲ್ಲಿ R-Wallet ಮೂಲಕ ಟಿಕೆಟ್ ಬುಕ್ ಮಾಡಿದವರಿಗೆ ಮಾತ್ರ 3 ಶೇಕಡಾ ಕ್ಯಾಶ್ಬ್ಯಾಕ್ ಸೌಲಭ್ಯ ಲಭ್ಯವಿತ್ತು. ಇದೀಗ ಹೊಸ ವ್ಯವಸ್ಥೆಯಡಿ UPI, ಡೆಬಿಟ್ ಕಾರ್ಡ್, ಕ್ರೆಡಿಟ್ ಕಾರ್ಡ್, ನೆಟ್ ಬ್ಯಾಂಕಿಂಗ್ ಸೇರಿದಂತೆ ಎಲ್ಲಾ ಡಿಜಿಟಲ್ ಪಾವತಿ ಮಾಧ್ಯಮಗಳ ಮೂಲಕ ಟಿಕೆಟ್ ಖರೀದಿಸಿದರೆ ನೇರವಾಗಿ 3 ಶೇಕಡಾ ರಿಯಾಯಿತಿ ದೊರೆಯಲಿದೆ.
ಈ ರಿಯಾಯಿತಿ ಕ್ಯಾಶ್ಬ್ಯಾಕ್ ರೂಪದಲ್ಲಿಲ್ಲದೆ, ಟಿಕೆಟ್ ದರದಲ್ಲೇ ನೇರ ಕಡಿತವಾಗಿ ಅನ್ವಯವಾಗಲಿದೆ. ಆದರೆ ಈ ಸೌಲಭ್ಯ RailOne ಆಪ್ಗೆ ಮಾತ್ರ ಸೀಮಿತವಾಗಿದ್ದು, ಇತರ ಯಾವುದೇ ಪ್ಲಾಟ್ಫಾರ್ಮ್ಗಳಿಗೆ ಅನ್ವಯಿಸುವುದಿಲ್ಲ ಎಂದು ರೈಲ್ವೇ ಇಲಾಖೆ ಸ್ಪಷ್ಟಪಡಿಸಿದೆ.
ದೈನಂದಿನ ಪ್ರಯಾಣಿಕರು ಹಾಗೂ ಕಡಿಮೆ ದೂರದ ಪ್ರಯಾಣ ಮಾಡುವವರಿಗೆ ಈ ನಿರ್ಧಾರದಿಂದ ಆರ್ಥಿಕ ಲಾಭವಾಗಲಿದೆ. ಜೊತೆಗೆ ಡಿಜಿಟಲ್ ಟಿಕೆಟ್ ಬುಕ್ಕಿಂಗ್ ಹೆಚ್ಚಳದಿಂದ ಟಿಕೆಟ್ ಕೌಂಟರ್ಗಳಲ್ಲಿನ ಜನಸಂದಣಿ ಕಡಿಮೆಯಾಗಲಿದೆ ಎಂಬ ನಿರೀಕ್ಷೆಯನ್ನು ರೈಲ್ವೇ ವ್ಯಕ್ತಪಡಿಸಿದೆ.
ಪೈಲಟ್ ಯೋಜನೆ ಯಶಸ್ವಿಯಾದಲ್ಲಿ, ಈ ಸೌಲಭ್ಯವನ್ನು ಶಾಶ್ವತವಾಗಿ ಜಾರಿಗೊಳಿಸುವ ಉದ್ದೇಶವನ್ನು ರೈಲ್ವೇ ಹೊಂದಿದೆ.
ರಿಯಾಯಿತಿ ಪಡೆಯುವ ವಿಧಾನ:
ಪ್ರಯಾಣಿಕರು ಮೊದಲು RailOne ಆಪ್ ಅನ್ನು ಡೌನ್ಲೋಡ್ ಮಾಡಿ IRCTC ಅಥವಾ UTS ಐಡಿ ಮೂಲಕ ಲಾಗಿನ್ ಮಾಡಬೇಕು. ನಂತರ ಅನ್ರಿಸರ್ವ್ಡ್/UTS ಟಿಕೆಟ್ ಆಯ್ಕೆ ಮಾಡಿ, ಪ್ರಾರಂಭ ಹಾಗೂ ಗಮ್ಯ ನಿಲ್ದಾಣಗಳನ್ನು ಆಯ್ಕೆ ಮಾಡಬೇಕು. ಟಿಕೆಟ್ ವಿವರಗಳನ್ನು ನಮೂದಿಸಿದ ಬಳಿಕ ಯಾವುದೇ ಡಿಜಿಟಲ್ ಪಾವತಿ ವಿಧಾನದಿಂದ ಹಣ ಪಾವತಿಸಿದರೆ, QR ಕೋಡ್ ಸಹಿತ ಡಿಜಿಟಲ್ ಟಿಕೆಟ್ ಲಭ್ಯವಾಗುತ್ತದೆ.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
