ಮಾನವನ ಜೀವನದಲ್ಲಿ ಅತ್ಯಂತ ಅಮೂಲ್ಯವಾದ ಗುಣವೆಂದರೆ ಮಾನವೀಯತೆ. ಇದು ಹಣದಿಂದಲೂ, ಹುದ್ದೆಯಿಂದಲೂ, ಅಧಿಕಾರದಿಂದಲೂ ಸಿಗುವುದಲ್ಲ; ಹೃದಯದಿಂದ ಹುಟ್ಟುವ ಒಂದು ಮೌಲ್ಯ. ಇಂದಿನ ವೇಗದ ಬದುಕಿನಲ್ಲಿ ನಾವು ಸಾಧನೆ, ಲಾಭ, ಸ್ಪರ್ಧೆ ಇವನ್ನೆಲ್ಲ ಬೆನ್ನಟ್ಟುವಾಗ ಮಾನವೀಯತೆಯನ್ನು ನಿಧಾನವಾಗಿ ಮರೆತಿದ್ದೇವೆ.
ಮಾನವೀಯತೆ ಎಂದರೆ ಕೇವಲ ಸಹಾಯ ಮಾಡುವುದು ಮಾತ್ರವಲ್ಲ. ಎದುರಾಳಿಯ ನೋವನ್ನು ಅರ್ಥಮಾಡಿಕೊಳ್ಳುವುದು, ಅವನ ಪರಿಸ್ಥಿತಿಗೆ ಸಹಾನುಭೂತಿ ತೋರಿಸುವುದು, ಅವಮಾನ ಮಾಡದೇ ಮಾತನಾಡುವುದು – ಇವೆಲ್ಲವೂ ಮಾನವೀಯತೆಯ ಭಾಗಗಳೇ. ಒಂದು ಸಣ್ಣ ನಗು, ಒಂದು ಧೈರ್ಯದ ಮಾತು, ಸಮಯಕ್ಕೆ ಕೊಟ್ಟ ಸಹಾಯ ಯಾರಾದರೊಬ್ಬರ ಜೀವನವನ್ನೇ ಬದಲಿಸಬಲ್ಲದು.
ಸಮಾಜದಲ್ಲಿ ಬಡವರು, ವೃದ್ಧರು, ಅಂಗವಿಕಲರು, ಅನಾಥರು ಇದ್ದಾರೆ. ಇವರಿಗೆ ದೊಡ್ಡ ದಾನಗಳಿಗಿಂತಲೂ ಪ್ರೀತಿ ಮತ್ತು ಗೌರವ ಹೆಚ್ಚು ಅಗತ್ಯ. ನಾವು ಅವರೊಂದಿಗೆ ಸಮಾನವಾಗಿ ವರ್ತಿಸಿದಾಗಲೇ ಸಮಾಜದಲ್ಲಿ ನಿಜವಾದ ಸಮಾನತೆ ಮೂಡುತ್ತದೆ. ಮಾನವೀಯತೆ ಇಲ್ಲದ ಅಭಿವೃದ್ಧಿ ಕೇವಲ ಹೊರಂಗಿ ಬೆಳವಣಿಗೆ ಮಾತ್ರ; ಒಳಗಿನ ಶೂನ್ಯತೆಯನ್ನು ಅದು ತುಂಬಲಾರದು.
ಕುಟುಂಬದಿಂದಲೇ ಮಾನವೀಯತೆಯ ಪಾಠ ಆರಂಭವಾಗಬೇಕು. ಮಕ್ಕಳಿಗೆ ಕೇವಲ ಪಾಠಪುಸ್ತಕಗಳ ಜ್ಞಾನವಷ್ಟೇ ಅಲ್ಲ, ಉತ್ತಮ ಮೌಲ್ಯಗಳನ್ನೂ ಕಲಿಸಬೇಕು. ಶಾಲೆ, ಸಮಾಜ ಮತ್ತು ಮಾಧ್ಯಮಗಳೂ ಈ ಮೌಲ್ಯವನ್ನು ಬೆಳೆಸುವಲ್ಲಿ ಪ್ರಮುಖ ಪಾತ್ರ ವಹಿಸಬೇಕು.
ಕೊನೆಯಲ್ಲಿ ಹೇಳಬೇಕಾದರೆ, ಮಾನವೀಯತೆ ಎನ್ನುವುದು ನಮ್ಮ ಆಯ್ಕೆ. ನಾವು ಬಯಸಿದರೆ ಈ ಲೋಕವನ್ನು ಸ್ವಲ್ಪ ಉತ್ತಮವಾಗಿಸಬಹುದು. ಪ್ರತಿ ವ್ಯಕ್ತಿಯಲ್ಲೂ ಮಾನವೀಯತೆ ಬೆಳೆಯುವ ದಿನವೇ ನಿಜವಾದ ಸುಂದರ ಸಮಾಜ ನಿರ್ಮಾಣವಾಗುತ್ತದೆ.
-ವಿದ್ಯಾ
ಎಸ್ ಡಿ ಎಂ ಕಾಲೇಜ್
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
