ಕೆಲವರಿಗೆ ಸಂಭ್ರಮ ಕೆಲವರಿಗೆ ಅದೃಷ್ಟ ಕೈಕೊಟ್ಟ ನೋವು
ಕೋಲಾರ: ಆಸೆ ತುಂಬಿದ ಕಣ್ಣುಗಳು, ಕೈಗಳಲ್ಲಿ ಅರ್ಜಿಗಳು, ಏನೋ ಒಂದು ತರದ ಕುತೂಹಲ, ಕಷ್ಟಗಳು ದೂರವಾಗಿ ಒಳ್ಳೆಯ ಬದುಕನ್ನು ಕಟ್ಟಿಕೊಳ್ಳುವ ತವಕದಲ್ಲಿದ್ದ ಮನಸ್ಸುಗಳು. ಅತ್ತಿತ್ತ ಓಡಾಡುತ್ತಿದ್ದ ಕೆಲವರಿಗೆ ಖುಷಿ, ಸಂಭ್ರಮ. ಇನ್ನು ಕೆಲವರಿಗೆ ಅದೃಷ್ಟ ಕೈಕೊಟ್ಟ ನೋವು. ಈ ಎಲ್ಲಾ ದೃಶ್ಯಗಳು ಮಂಗಳವಾರ ಕಂಡುಬಂದಿದ್ದು ಸರ್ಕಾರಿ ಪ್ರಥಮ ದರ್ಜೆ ಬಾಲಕರ ಕಾಲೇಜು, ಕೋಲಾರದಲ್ಲಿ. ಇದಕ್ಕೆ ಕಾರಣ ವಿದ್ಯಾರ್ಥಿಗಳಿಗಾಗಿ ಏರ್ಪಡಿಸಿದ್ದ ಉದ್ಯೋಗ ಮೇಳ.
ಕಾಲೇಜು ಶಿಕ್ಷಣ ಇಲಾಖೆ, ಕರ್ನಾಟಕ ಕೌಶಲ್ಯ ಅಭಿವೃದ್ಧಿ ನಿಗಮದ ಸಹಯೋಗದಲ್ಲಿ ಸರ್ಕಾರಿ ಪ್ರಥಮ ದರ್ಜೆ ಬಾಲಕರ ಕಾಲೇಜಿನ ಐಕ್ಯೂಎಸಿ ಮತ್ತು ಪ್ಲೇಸ್ಮೆಂಟ್ ಸಮಿತಿ ವತಿಯಂದ ಬೆಂಗಳೂರು ಉತ್ತರ ವಿಶ್ವವಿದ್ಯಾಲಯದ ವ್ಯಾಪ್ತಿಯ ಎಲ್ಲಾ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜುಗಳ 2024-25ನೇ ಶೈಕ್ಷಣಿಕ ಸಾಲಿನಲ್ಲಿ ಕಲಿಕೆ ಜೊತೆ ಕೌಶಲ್ಯ ಕೋರ್ಸ್ನ್ನು ಅಧ್ಯಯನ ಮಾಡಿ ತೇರ್ಗಡೆಗೊಂಡಿದ್ದ ವಿದ್ಯಾರ್ಥಿಗಳಿಗೆ ಈ ಬೃಹತ್ ಉದ್ಯೋಗ ಮೇಳವನ್ನು ಏರ್ಪಡಿಸಲಾಗಿತ್ತು.
ಚೆನ್ನೆöÊನ ಪ್ರತಿಷ್ಠಿತ ಎಲ್ ಆ್ಯಂಡ್ ಟಿ, ಅನಿಮೇಷನ್, ಎಐ ಆ್ಯಂಡ್ ಮೇಷಿನ್ ಲರ್ನಿಂಗ್, ಡಿಜಿಟಲ್ ಮಾರ್ಕೆಟಿಂಗ್, ಗ್ರಾಫಿಕ್ ಡಿಸೈನ್, ಜಿಎಸ್ಟಿ ಅಕೌಂಟಿAಗ್, ಮೀಡಿಯಾ ಆಂಡ್ಯ್ ಫಿಲ್ಮ್ ಮೇಕಿಂಗ್ ಸೇರಿದಂತೆ ಸುಮಾರು 25ಕ್ಕೂ ಹೆಚ್ಚು ಕಂಪೆನಿಗಳು ಈ ಉದ್ಯೋಗ ಮೇಳದಲ್ಲಿ ಭಾಗವಹಿಸಿದ್ದವು. ಬೆಂಗಳೂರು ಉತ್ತರ ವಿಶ್ವವಿದ್ಯಾಲಯ ವ್ಯಾಪ್ತಿಯ ಸುಮಾರು ಎಂಟು ನೂರಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಈ ಉದ್ಯೋಗ ಮೇಳದಲ್ಲಿ ಭಾಗವಹಿಸಿದ್ದರು. ಸಂದರ್ಶನಕ್ಕೆ ಹಾಜರಾದ ವಿದ್ಯಾರ್ಥಿಗಳಲ್ಲಿ 300ಕ್ಕೂ ಹೆಚ್ಚು ಮಂದಿ ಉದ್ಯೋಗ ಪಡೆದುಕೊಂಡರು.
20ಕ್ಕೂ ಹೆಚ್ಚು ಕೊಠಡಿಗಳಲ್ಲಿ ಉದ್ಯೋಗಾಕಾಂಕ್ಷಿಗಳಿಗೆ ಸಂದರ್ಶನಕ್ಕೆ ವ್ಯವಸ್ಥೆ ಮಾಡಲಾಗಿತ್ತು. ಯಾವ ಯಾವ ಕಂಪೆನಿಗಳು ಯಾವ ಬ್ಲಾಕ್ನ ಯಾವ ಕೊಠಡಿಯಲ್ಲಿ ಸಂದರ್ಶನ ಮಾಡುತ್ತಿದ್ದಾರೆ ಎಂಬುದರ ಮಾಹಿತಿ ಇರುವ ಬ್ರೌಚರ್ ಅನ್ನು ಪ್ರದರ್ಶಿಸಲಾಗಿತ್ತು. ಇದನ್ನು ನೋಡಿಕೊಂಡು ಉದ್ಯೋಗಾಕಾಂಕ್ಷಿಗಳು ತಮಗೆ ಬೇಕಾದ ಕಂಪೆನಿಯ ಸಂದರ್ಶನಕ್ಕೆ ತೆರಳಿದರು. ಬೆಳಿಗ್ಗೆಯಿಂದ ಸಂಜೆವರೆಗೆ ನಡೆದ ಈ ಉದ್ಯೋಗ ಮೇಳದಲ್ಲಿ ಕೆಲವರಿಗೆ ಕೆಲಸಕ್ಕೆ ಆಯ್ಕೆಯಾದ ಖುಷಿಯಾದರೆ ಇನ್ನೂ ಕೆಲವರು ಉದ್ಯೋಗ ದೊರೆಯದ ನಿರಾಸೆಯಿಂದ ವಾಪಸ್ಸಾದರು.
ಉದ್ಯೋಗ ಮೇಳದ ಉದ್ಘಾಟನಾ ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕಾಲೇಜಿನ ಪ್ರಾಂಶುಪಾಲರಾದ. ಡಾ.ಎ.ಮುನಿಶಾಮಪ್ಪ ವಹಿಸಿದ್ದರು. ಕರ್ನಾಟಕ ಕೌಶಲ್ಯ ಅಭಿವೃದ್ಧಿ ನಿಗಮದ ಕಾರ್ಯನಿರ್ವಾಹಕ ನಿರ್ದೇಶಕರಾದ ಸುಮತಿ ಬಿ.ಎಸ್ ಅವರು ಉದ್ಯೋಗ ಮೇಳದ ದಿಕ್ಸೂಚಿ ಭಾಷಣ ಮಾಡಿದರು. ಕಾಲೇಜು ಶಿಕ್ಷಣ ಇಲಾಖೆಯ ಆಯುಕ್ತರಾದ ಮಂಜುಶ್ರೀ ಎನ್ ಐಎಎಸ್, ಕಾಲೇಜು ಶಿಕ್ಷಣ ಇಲಾಖೆಯ ನಿರ್ದೇಶಕರಾದ ಪ್ರೊ. ಶೋಭಾ ಜಿ ಅವರು ಕಾರ್ಯಕ್ರಮಕ್ಕೆ ಶುಭಹಾರೈಸಿ ಇಂತಹ ಮಹತ್ವದ ಕಾರ್ಯಕ್ರಮ ಆಯೋಜಿಸಿದ್ದ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು, ಕೋಲಾರಕ್ಕೆ ಅಭಿನಂದನೆ ಸಲ್ಲಿಸಿದರು.
ಕನ್ನಡ ವಿಭಾಗದ ಡಾ. ಜ್ಯೋತಿ ಎಸ್ ಪ್ರಾರ್ಥನೆ ಮಾಡಿದರು. ಐಕ್ಯೂಎಸಿ ಸಂಚಾಲಕರಾದ ಡಾ. ಕೆ.ಎಸ್. ಶೈಲಜಾ ಅತಿಥಿಗಳನ್ನು ಸ್ವಾಗತಿಸಿದರೆ ಪ್ಲೆಸ್ಮೆಂಟ್ ವಿಭಾಗದ ಸಂಚಾಲಕರಾದ ಡಾ. ಪ್ಯಾಟ್ರಿಕ್ ರಾಜಕುಮಾರ್ ವಂದಿಸಿದರು. ಕಾರ್ಯಕ್ರಮವನ್ನು ವಾಣಿಜ್ಯ ವಿಭಾಗದ ಡಾ. ಶ್ರೀನಿವಾಸ ಮೂರ್ತಿ ಕೆ.ಎನ್ ನಿರೂಪಿಸಿದರು. ಉದ್ಯೋಗಾರ್ಥಿಗಳ ನೋಂದಣಿ ಕಾರ್ಯವನ್ನು ಗಣಿತಶಾಸ್ತ್ರ ವಿಭಾಗದ ಡಾ. ರಾಧಿಕಾ ಮತ್ತು ಕಂಪ್ಯೂಟರ್ ಸೈನ್ಸ್, ಡಾ. ಹಮೀಲಾ ಕೆ ಅವರು ನಡೆಸಿದರು.
ಕಾರ್ಯಕ್ರಮದಲ್ಲಿ ಬೆಂಗಳೂರು ಉತ್ತರ ವಿಶ್ವವಿದ್ಯಾಲಯದ ವಾಣಿಜ್ಯ ವಿಭಾಗದ ಡೀನ್ ಡಾ. ಮುರಳೀಧರ್.ಎಸ್, ಡಾ. ಸತೀಶ್ ಕೆ.ವಿ, ಡಾ. ನರೇಂದ್ರ, ಡಾ. ನಾಗರಾಜ್, ಡಾ. ಶ್ರೀನಿವಾಸ್, ಡಾ. ರತ್ನಪ್ರಭಾ, ಡಾ. ಚೆಲುವರಾಜು, ಡಾ. ಹೇಮಮಾಲಿನಿ, ಡಾ. ನಂದೀಶ್ ಎಂ, ಡಾ. ಅನಂತಮೂರ್ತಿ, ಡಾ. ಸುಗುಣ, ಡಾ. ಅಯೀಷಾ, ಡಾ. ರೇಣುಕಾ, ಡಾ. ವೆಂಕಟರಮಣ, ಡಾ. ಇಂದಿರಮ್ಮ, ಕಾಲೇಜಿನ ಅಧೀಕ್ಷಕರಾದ ತೌಫಿಕ್, ಮ್ಯಾನೇಜರ್ ಮಂಜುನಾಥ್, ಬೋಧಕೇತರ ಸಿಬ್ಬಂದಿಗಳಾದ ಮುಕೇಶ್, ಅಶೋಕ್, ಅತಿಥಿ ಉಪನ್ಯಾಸಕರು ಸೇರಿದಂತೆ ಕಾಲೇಜಿನ ಎಲ್ಲಾ ಬೋಧಕ ಮತ್ತು ಬೋಧಕೇತರ ಸಿಬ್ಬಂದಿ ಭಾಗವಹಿಸಿದ್ದರು. ಎನ್ಸಿಸಿ, ಎನ್ಎಸ್ಎಸ್, ಸ್ಕೌಟ್ಸ್ ಆ್ಯಂಡ್ ಗೈಡ್ಸ್ ಸೇರಿದಂತೆ ಕಾಲೇಜಿನ ಎಲ್ಲಾ ವಿದ್ಯಾರ್ಥಿಗಳು ಕಾರ್ಯಕ್ರಮದ ಯಶಸ್ಸಿಗೆ ಸಹಕರಿಸಿದರು.
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ






