ಉಜಿರೆ: ಲಕ್ಷದೀಪೋತ್ಸವದ ಮೂರನೇ ದಿನ ಅಮೃತವಷಿರ್ಣಿ ವೇದಿಕೆಯಲ್ಲಿ ಆಯೋಜಿಸಿದ ಲಲಿತಕಲಾಗೋಷ್ಠಿ ಸಾಂಸ್ಕೃತಿಕ ಕಾರ್ಯಕ್ರಮಗಳು ಭಕ್ತಿ, ಸಂಗೀತ ಮತ್ತು ಸಾಹಿತ್ಯದ ವಿಶೇಷತೆ ಪರಿಚಯಿಸಿದವು. ಸಾಯಂಕಾಲದತಂಪು ಗಾಳಿಯೊಂದಿಗೆ ದೀಪಗಳ ಬೆಳಕು ಮೀಯುತ್ತಿದ್ದಂತೆಯೇ, ವೇದಿಕೆಯ ಮುಂಭಾಗದಲ್ಲಿ ಭಕ್ತರು ಕೌಶಿಕ ಐತಾಳ್ ಗಾಯನದ ನಿರೀಕ್ಷೆಯಲ್ಲಿ ಕುಳಿತುಕೊಂಡಿದ್ದರು. ವೇದಿಕೆಯ ಮೇಲೆ ನಾದಸಂಗೀತದ ಸನ್ನಿವೇಶ ಸಿದ್ಧವಾಗುತ್ತಿದ್ದರೂ, ಭಕ್ತರ ಮನಸ್ಸುಗಳಲ್ಲಿ ದೈವಭಾವದ ಕಿರಣಗಳು ಹರಿದುಹೋಗುತ್ತಿದ್ದವು.
ಕೌಶಿಕ ಐತಾಳ್ ಅವರು ಗಾಯನವನ್ನು ಪ್ರಾರಂಭಿಸಿದ ಕ್ಷಣಅಲ್ಲಿ ಮೌನ ಆವರಿಸಿಕೊಂಡಿತು. ಭಕ್ತಿ ಭಾವದತಲ್ಲೀನತೆ ಅಲ್ಲಿದ್ದ ಎಲ್ಲ ಪ್ರೇಕ್ಷಕರೊಳಗೂ ಮನ ಮಾಡಿಕೊಂಡಿತು. ಪುರಂದರದಾಸರ 'ನೀನ್ಯಾಕೋ ನಿನ್ನ ಹಂಗ್ಯಾಕೋ" ಎಂಬ ಮೊದಲ ಸಾಲು ಮೊಳಗಿದಾಗ, ಎಲ್ಲರ ಮುಖದಲ್ಲಿ ಪುಟ್ಟ ನಗು, ಚಿತ್ತದಲ್ಲಿ ಪೂರ್ಣ ಭಕ್ತಿಇವೆರಡೂಒಂದಾದವು. ದೇವರ ಮುಂದೆ ಮಾನವನ ಅಹಂಕಾರ ಕೇವಲ ಯಕಃಶ್ಚಿತ್ ಎನ್ನಿಸುತ್ತದೆ ಎಂಬ ದಾಸರತತ್ತ್ವವನ್ನು ಅವರ ಗಾಯನ ದಾಟಿಸಿತು.
ಆನಂತರ 'ದೇವರದೇವ ಶಿಖಾಮಣಿ ಬಂದಾನೋ', 'ದೇವ ಬಂದಾನೋ, ಸ್ವಾಮಿ ಬಂದಾನೋ' ಎಂಬ ಭಕ್ತಿಮಯ ಕೃತಿಗಳು ಒಂದಾದ ಬಳಿಕ ಒಂದಾಗಿ ಪ್ರೇಕ್ಷಕರ ಹೃದಯದಲ್ಲಿ ನಾದ ಅನುರಣನಗೊಳಿಸಿದವು. ಪ್ರತಿಯೊಂದು ಶಬ್ದದಲ್ಲೂದೇವರ ಸ್ಮರಣೆಜಾಗೃತವಾಗುತ್ತಿರುವಂತೆ ಭಾಸವಾಯಿತು. ಭಕ್ತರು ಗಮನದಿಂದ ಕೇಳುತ್ತಿದ್ದರೂ, ಹಾಡಿನತೂಕ ಮತ್ತುತಾತ್ಪರ್ಯ ಮನಸ್ಸಿಗೆ ತಟ್ಟಿದಾಗ ಹರಿನಾಮ ಜಪದ ಅನುಭಾವ ಜೊತೆಗೂಡಿತ್ತು.
'ಸ್ವಾಮಿ ಸಾಸಿರ ನಾಮದ ವೆಂಕಟರಮಣದಾಸನ ಮಾಡಿಕೊ' ಎಂಬ ದಾಸಸಾಹಿತ್ಯ ಮೊಳಗಿದಾಗ.ಈ ಪದಗಳಲ್ಲಿ ಅಡಗಿರುವ ಶರಣಾಗತಿ, ನೈಜ ಭಕ್ತಿ ಮತ್ತುತತ್ವ ಗಂಭೀರತೆಯನ್ನು ಐತಾಳ್ ತಮ್ಮ ಗಾಯನದಿಂದ ಮತ್ತಷ್ಟು ಜೀವಂತಗೊಳಿಸಿದರು. ಗೀತೆ ಪೂರ್ಣಗೊಳ್ಳುವ ಹೊತ್ತಿಗೆ ಆ ಸ್ಥಳವೇ ದೇವಸ್ಥಾನದ ಒಳ ಮಂಟಪದಂತೆ ಪವಿತ್ರವಾಗಿತ್ತು. ಕೆಲವರು ಕಣ್ಣೀರಾದರು. ಕೆಲವರು ಮೌನವಾಗಿ ದೇವರನ್ನು ನೆನೆದರು.
ಗಾಯನಕ್ಕೆ ಪೂರಕವಾಗಿ ನಿಂತಿದ್ದ ವಾದ್ಯವೃಂದದ ಪಾತ್ರವೂ ವಿಶೇಷವಾದದ್ದು.
ಭಾರವೀದೇರಾಜಿ ಮತ್ತು ಶ್ರೀವತ್ಸ್ ಶರ್ಮಾಅವರತಬಲಾ ಲಯ ಸ್ಪಷ್ಟ, ನಿಖರ, ಹಾಗೂ ಭಾವಪೂರ್ಣವಾಗಿತ್ತು. ಗಾನದ ಎತ್ತರಕ್ಕೆ ತಕ್ಕ ರೀತಿಯಲ್ಲಿಅವರ ಕೈಚಳಕು ನಾದವನ್ನು ಮಧುರವಾಗಿ ಹೆಣೆದುಕೊಟ್ಟಿತು.
ಶ್ರೀಧರ ಭಟ್‍ ಅವರ ಹಾರ್ಮೋನಿಯಂ ನುಡಿಗಳು ಗೀತೆಗಳ ಭಾವಗರ್ಭವನ್ನು ಬೆಳಕು ಹಚ್ಚುವಂತೆ ಮಾಡುತ್ತಿದ್ದಾಗ, ಸಂಗೀತದ ಹರಿವಿನಲ್ಲಿ ಮೃದುವಾದ ನಾದಸ್ಪರ್ಶತಣಿವು ನೀಡಿದಂತಿತ್ತು.
ದಸ.ಲಾಮನಾಥ ಕಿಣಿ ಅವರ ತಾಳ ಹಿಡಿತಕಾರ್ಯಕ್ರದ ನಾದ ಸೌಂದರ್ಯಕ್ಕೆ ಕೇಂದ್ರೀಯ ಬಲ ನೀಡಿತು.ಗಾಯನ, ವಾದನ, ತಾಳ ಮೂರೂಒಂದಾಗಿ ಸೇರಿ ಸಮಗ್ರ ಭಕ್ತಿಸಂಗೀತದ ಮಂಟಪವನ್ನು ನಿರ್ಮಿಸಿತು.
ಧರ್ಮಸ್ಥಳದ ಲಕ್ಷದೀಪೋತ್ಸವವು ದೀಪಗಳ ಮೆರವಣಿಗೆಯಷ್ಟೇ ಅಲ್ಲ, ನಂಬಿಕೆಯ ಬೆಳಕನ್ನು ಮನಸ್ಸಿನಲ್ಲಿ ಉಜ್ವಲಗೊಳಿಸುವ ಆತ್ಮಸ್ಪರ್ಶಿ ಕ್ಷಣಗಳ ಸಂಕಲನ. ಈ ವರ್ಷದ ಲಲಿತಗೋಷ್ಠಿ ಅಂತಹ ಆತ್ಮಾನುಭವಗಳ ಪರಮಕ್ಷಣವಾಗಿಯೇ ಉಳಿಯಿತು.ಸಂಗೀತ ಕೇಳಲು ಬಂದವರಾಗಲಿ, ಭಕ್ತಿ ಅನುಭವಿಸಲು ಬಂದವರಾಗಲಿ ಎಲ್ಲರೂ ಒಂದೇ ದೈವಭಾವದ ಅಂತರಂಗದಲ್ಲಿ ತೇಲಿದ ಸಮಯ ಅದು.
ಈ ಕಾರ್ಯಕ್ರಮ ಕೇವಲ ಗಾಯನವಲ್ಲ ಅದು ಪುರಂದರದಾಸರ ಪದಗಳ ಮೂಲಕ ನಡೆದ ನಂಬಿಕೆಯೊಂದಿಗಿನ ಸಂವಾದ, ಧರ್ಮಸ್ಥಳದ ಪವಿತ್ರತೆಯ ಅನುಭವ. ಲಲಿತಗೋಷ್ಠಿ ಮುಗಿದ ಬಳಿಕವೂ ಗಾನ ನಾದಗಳು ಅಲ್ಲಿ-ಇಲ್ಲಿಇನ್ನೂ ಪ್ರತಿಧ್ವನಿಸುತ್ತಿದ್ದುವು. ಜನರು ವೇದಿಕೆಯಿಂದ ಹೊರಟರೂ, ಹಾಡಿನ ಕಂಪು ಅವರ ಮನಸ್ಸಿನಲ್ಲಿ ಇನ್ನೂ ಉಳಿದಿತ್ತು.
ಸೌಮ್ಯಾಕಾಗಲ್
ದ್ವೀತಿಯ ವರ್ಷ ಪತ್ರಿಕೋದ್ಯಮ ವಿಭಾಗ
ಎಸ್,ಡಿಎಂ ಸ್ನಾತಕೊತ್ತರ ಕೇಂದ್ರ ಉಜಿರೆ
ಉಪಯುಕ್ತ ನ್ಯೂಸ್ ಈಗ ಸ್ವದೇಶಿ ಸಾಮಾಜಿಕ ಜಾಲತಾಣ Arattai ನಲ್ಲಿ... ನಮ್ಮ ಚಾನೆಲ್‌ಗೆ ನೀವೂ ಜಾಯಿನ್ ಆಗಿ.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
