'ಏನಪಾ ಕಾಳ್ಯಾ ಏನ ಹೊಸಾದು ಐತಿ?' ಕೇಳಿದ ರಬಡ್ಯಾ

'ಇಲ್ಲಿ ಇಡ್ಲಿ ದೋಸೆ ಉಪ್ಪಿಟ್ಟು ನೀರ ದೋಸೆ ಎಲ್ಲ ಉಂಟು ಮಾರಾಯ್ರೆ' ಎಂದ ಕಾಳ್ಯಾ

'ಅರೇ ಹಿಂಗ್ಯಾಕ ಆಡಕತ್ತಾನ ಇಂವಾ?' ಕೇಳಿದ ರಬಡ್ಯಾ

'ಇಂವಾ ಮೊನ್ನೆ ಆ ಬಿಗ್ ಬಾಸ್ ನಡಿತೈತಲಾ, ಅಲ್ಲಿಗೆ ಹೋಗಿದ್ದಾ' ಎಂದ ಟಕಳ್ಯಾ

'ಅರೇ ಐಸಾ ಕ್ಯಾ? ಉದರ್ ಕ್ಯಾ ಕ್ಯಾ ಹುವಾ?' ಕೇಳಿದ ಬಾಶಾ

'ಕ್ಯಾ ಕ್ಯಾನೂ ಇಲ್ಲ.... ಕೀ ಕೀನೂ ಇಲ್ಲಾ..... ಬಂದ್ ಆಗಿತ್ತು ಬಾಗಲಾ' ಎಂದ ಟುಮ್ಯಾ

'ಯಾವುದು ಬಿಗ್ ಬಾಸ್ದಾ? ಯಾವಾಗ?' ಅಮಾಯಕನಂತೆ ಕೇಳಿದ ಧಡಂಧುಡಕಿ

'ಇಂವಾ ಯಾವ ಊರಾಗ ಇದ್ನಲೆ ಯಪ್ಪಾ? ಇಡೀ ಜಗತ್ತಿಗೇ ಗೊತೈತಿ.... ನಿಂಗ ಗೊತ್ತಿಲ್ಲಾ?' ಜಬರಿಸಿ ಕೇಳಿದ ಕಾಳ್ಯಾ

'ಇಂವಾ .... ಆ ರಕ್ಷಿತಾ ಶೆಟ್ಟಿ ಊರಿಗೆ ಹೋಗಿದ್ನಂತ ಕಾಣತೈತಿ' ಅಂತ ನಕ್ಕ ಗುಡುಮ್ಯಾ

'ಏನು ಮಾತಾಡತೈತಲೇ ತಮ್ಮಾ ಆ ಹುಡುಗಿ...... ಪಟಪಟ ಅಂತ' ಅಂದ ಕಾಕಾ

'ಹೌಂದ ಮತ್ತs .....ಅದು ಯಾರಿಗೂ ಮಣೆಂಗಿಲ್ಲ ತಗಿ' ಎಂದಳು ರಾಶಿ

'ಹ್ಯಾಂಗ ಮಾತಾಡ್ತಾಳು ಆಕಿ?' ಕೇಳಿದ ಶೌರಿ

'ಎಂಥದು ಮಾರಾಯಾ ನಿಂದು, ಹಾಂ......ಅದೇ ಅದೇ..... ಅದೇ ಇದು..... ಗೊತ್ತುಂಟಾ ನಿಮಗೆ? ನಾವು ಮಂಗಳೂರಿಗೆ ಬರುವುದುಂಟು ...... ಹಾಗೇ ಮುಂಬಯಿಗೆ ಹೋಗ್ತೇನೆ......ಅಲ್ಲಿ ಅಮ್ಮ ಉಂಟು ..... ಇಲ್ಲಿ ಅಜ್ಜಿ ಇದೆ...... ಬಾಂಗ್ಡಾ ಮೀನು ಭಾರಿ ಉಂಟು ಇಲ್ಲಿ..... ನಾನು ಅದರದೇ ರೀಲ್ಸ್ ಮಾಡಿ.... ಎಡಿಟ್ ಕೂಡಾ ಮಾಡಿಲ್ಲ...... ಹಾಗೇ ಕಳಿಸಿದೆ.....ಅದೇ ಅದೇ ಇದು..... ತುಂಬ ವೈರಲ್ ಆಯಿತು..... ನಿಮಗೆ ಗೊತ್ತುಂಟಾ?........' ಹೀಂಗs ಏನಪಾಂತಂದ್ರs ಮಾತಾಡಿ ಮಾತಾಡಿನೇ ಎಲ್ಲಾರ ದಿಕ್ಕು ತಪ್ಪಿಸ್ಯಾಳ ರಕ್ಷಿತಾ' ಎಂದ ರಬಡ್ಯಾ

'ಕಿಚ್ಚಗೂ ಗಾಭರಿ ಮಾಡ್ಯಾಳೂ?' ಕೇಳಿದ ಟಕಳ್ಯಾ

'ಹೂಂ ಮಾಡ್ಯಾಳು...... ಬಿಗ್ ಬಾಸ್ಗೂ ದಿಕ್ಕ ತಪ್ಪಿಸೂ ಚಾನ್ಸಿಸ್ ಆವ' ಎಂದ ಶೌರಿ

'ಮಲ್ಲಮ್ಮ..... ಅಶ್ವಿನಿ..... ರಕ್ಷಿತಾ..... ಗಿಲ್ಲಿ...... ಹೀಂಗs ಈ ಸಲ ಭಾಳ ಮಂದಿ ಅದಾರು ದಿಕ್ಕ ತಪ್ಪಸವರು' ಎಂದಳು ರಾಶಿ

'ಅದೊಂದು ಹುಚ್ಚರ ಸಂತೆ ಇದ್ದಂಗ ಕಾಣತೈತೆ' ಅಂತ ನಕ್ಕ ಧಡಂಧುಡಕಿ

'ಏs ಹಂಗ ಅನಬ್ಯಾಡ..... ನಿನ್ನೂ ಹಿಡಕೊಂಡ ಒಯ್ದು ಒಳಗ ಹಾಕ್ತಾರು' ಎಂದು ವ್ಯಂಗವಾಗಿ ಹೇಳಿದ ಕಾಳ್ಯಾ

'ಏ ಛೊಲೋ ಆತು ತಗೋ ..... ಮಸ್ತ ಅರಮನೆ ಇದ್ದಂಗ ಐತಿ......... ಮಜಾ ಮಾಡೂಣು' ಎಂದ ಧಡಂಧುಡಕಿ

'ಅಲ್ಲಿ ಎಲ್ಲಾ ಬರೇ ಜಾಸ್ತಿ ಜಗಳಗಂಟರೇ ತುಂಬ್ಯಾರ..... ನಿನ್ನ ಒಯ್ದು ಸೀದಾ ಸ್ವೀಮಿಂಗ್ ಫೂಲದಾಗ ಎತ್ತಿ ಒಗಿತಾರು' ಎಂದ ಟುಮ್ಯಾ

'ಇದು ಒಂದು ರೊಕ್ಕಾ ಮಾಡ್ಕೊ ವಿಧಾನಪಾ ಚಾನೆಲ್ಕ' ಎಂದ ಕಾಕಾ

' ಲಾಭ ಇರಲಾರದೇ ಯಾರೂ ಏನೂ ಮಾಡಂಗಿಲ್ಲ ಈ ಜಗತ್ತಿನ್ಯಾಗ' ಎಂದ ಟಕಳ್ಯಾ

'ಈಗ ನಿನ್ನೂ ತೆಲಿ ಮ್ಯಾಲಿನ ಕೂದಲ ಖಾಲಿ ಆಗ್ಯಾವು..... ಅವುನೂ 'ಲಾಭ'ಕ್ಕೆ ಹೋಗ್ಯಾವೇನು?' ಕೇಳಿದ ಕಾಳ್ಯಾ

'ಏs.... ಮತ್ತ ಹೋಗಿ ಹೋಗಿ.... ನನ್ನ ತೆಲಿಗೇ ಬರ್ತಿರಲ್ಲಲೆ? ನಿಮಗ ನನ್ನ ತಲಿ ಸುದ್ದಿಗಿ ಬರಲಿಲ್ಲಾಂದ್ರs.... ಉಂಡ ಅನ್ನ ಕರಗಂಗಿಲ್ಲೇನು?' ವ್ಯಗ್ರನಾಗಿ ಕೇಳಿದ ಟಕಳ್ಯಾ

'ಏs..... ಬಿಗ್ಬಾಸ್ದಾಗ ಬರೇ ಚಿಕನ್ ಮಟನ್ ಫಿಶ್ ....ಅಂತಾನೇ ಮಾತಾಡ್ತಾರ..... ಅಲ್ಲಿ ಅನ್ನ ಬ್ಯಾಳಿ ಸುದ್ದಿನೇ ಇಲ್ಲ!' ಅಂತ ನಕ್ಕ ಕಾಕಾ

'ಹೌಂದಾ....ಅಲ್ಲಿ ಚಟ್ನಿ ಕೋಸಂಬರಿ ಪಾನಕದ ಕ್ಯಾಂಡಿಡೇಟಗೊಳು ಇಲ್ಲ ತಗಿ' ಎಂದ ಟುಮ್ಯಾ

'ಪಾನಕದ್ದು ಗಿರಾಕಿಗೊಳು ಅದಾವು..... ಆದ್ರs ಅವರ 'ಪಾನಕ'ಕ್ಕs ನಿಮ್ಮ ಪಾನಕ ಭಾಳ ಅಂತರೈತಿ' ಎಂದ ಶೌರಿ

'ಅಲ್ಲಿ ಪಾನಕಾ..... ಧೂಮ್ರವಲಯಗಳು ...... ಜಗಳ ಹೊಡದಾಟ..... ಬಡಿದಾಟ..... ತಂತ್ರ..... ಮಂತ್ರ..... ತಿರುಮಂತ್ರ ...... ಹೀಂಗ ಏನಪಾಂದ್ರs ಎಲ್ಲಾ ನಮೂನಿ ಗಜಿಬಿಜಿ ಐತಿ' ಎಂದ ಧಡಂಧುಡಕಿ

'ಎಂಥದು ಮಾರಾಯ್ರೆ ನಿಮ್ದು...... ಅದೇ ಅದೇ ಇದು ನಾನು ಹೇಳುವುದುಂಟು ...... ಅರ್ಥ ಆಯ್ತಾ?' ಎಂದು ನಕ್ಕ ಕಾಳ್ಯಾ

'ಏs ಆಕಿ ರಕ್ಷಿತಾ..... ಸುದೀಪಗೇ ತಿಳಿಲಾರದಂಗ ಮಾತಾಡ್ತಾಳಪೋ' ಎಂದ ಗುಡುಮ್ಯಾ

'ಆಕೆ ಹೊರಗ ಹೋಗುದ್ರಾಗೇ ...... ಎಲ್ಲಾರಿಗೂ ಹುಚ್ಚ ಮಾಡ್ತಾಳ ತಗೋ' ಎಂದಳು ರಾಶಿ

'ಈ ಸಲ ಮೂರನೇ ವಾರಕ್ಕೆ ಒಂದು ಫೈನಲ್ ಅಂತ' ಎಂದ ರಬಡ್ಯಾ

'ನಾ ಡ್ರಾಯವರಾ....ಅಂತ ಟ್ರ್ಯಾಕ್ಟರ ಮ್ಯಾಲ ಕುಂತ ಹಾಡಿದ ಬೆಳಗಾವಿ ಮಾಳು ಮತ್ತ 'ಕರಿಮಣಿ' ಧಾರಾವಾಹಿ ಹಿರೋಯಿನ್ ಸ್ಪಂದನಾ ಫೈನಲಕ್ಕ ಬಂದಾರು' ಎಂದ ಟಕಳ್ಯಾ

'ಮಾಳು ಮನಿಗೆ ಹೊಕ್ಕಿನಿ ಅಂತ ಹಟ ಹಿಡಿದಿದ್ದ..... ಅಂಥವಾ ಫಸ್ಟ್ ಫೈನಲ್ಕ ಬಂದಾನು' ಎಂದ ಕಾಳ್ಯಾ

'ಅರೇ ಹೋ ಸಾಂಬಾ...... ಶೋಲೆ ಪಿಚ್ಚರ ಬಿಡುಗಡೆ ಆಗಿ 50 ವರ್ಷ ಆಯ್ತಂತ' ಎಂದ ಬಾಶಾ

'ಶೋಲೆ' ಸಿನೇಮಾ ಆವಾಗ ರಿಕಾರ್ಡ ಬ್ರೆಕ್ ಮಾಡಿತ್ತು. ಗಬ್ಬರಸಿಂಗ ಠಾಕೂರ ಬಸಂತಿ ....... ಧರ್ಮೇಂದ್ರ ಅಮಿತಾಬ ಬಚ್ಚನ ಹೇಮಾಮಾಲಿನಿ ಸಂಜೀವಕುಮಾರ ಜಯಾಬಾಧೂರಿ ಅಮ್ಜದಖಾನ.......ಆಹಾ! ಎಂಥಾ ಸಿನೇಮಾ ಅದು ರಮೇಶ ಸಿಪ್ಪಿದು' ಎಂದಳು ರಾಣಿ

'ಅದು ಇಲ್ಲೇ.... ನಮ್ಮ ರಾಮನಗರ ಬೆಟ್ಟದಾಗ ಶೂಟಿಂಗ್ ಆಗಿತ್ತು ಸತತ ಎರಡು ವರ್ಷ' ಎಂದ ಕಾಕಾ

'ಅವೆಲ್ಲಾ ಎವರಗ್ರೀನ ಫೀಲ್ಮ್ಸ! ಇತಿಹಾಸ ಆಗಿ ಹೋದಂಥವು! ಮತ್ತ ಅಂಥಾದ್ದು ಸಿಗಲಿಕ್ಕಿಲ್ಲ' ಎಂದ ಕಾಳ್ಯಾ

'ಈಗ ನಮ್ಮ 'ಟಗರು' & 'ಬಂಡೆ' ಕಾಳಗ ಐತೇಲಾ? ಅದುನೂ ಒಂದ ನಮೂನಿ 'ಶೋಲೆ'ನೇ!' ಎಂದು ನಕ್ಕ ಶೌರಿ

'ಮೆಹಬೂಬಾ ಮೆಹಬೂಬಾ ಅಂತ ಇಲ್ಲಿ ಯಾರು ಹಾಡ್ತಾರು?' ಕೇಳಿದ ಗುಡುಮ್ಯಾ

'ಇಲ್ಲಿನ 'ಜೋಕರ' ಹಾಡಬಹುದು' ಎಂದ ಟುಮ್ಯಾ

' ಎಲ್ಲಾ ಮಂತ್ರಿಗಳನ್ನ ತೆಗೆದು ಬ್ಯಾರೆಯವ್ರನ್ನ ತೊಗೊತಾರಂತ' ಎಂದ ಕಾಕಾ

'ಯಾರು?' ಕೇಳಿದ ರಬಡ್ಯಾ

'ಟಗರು ಆ್ಯಂಡ್ ಕಂಪನಿ' ಅಂದ ಧಡಂಧುಡಕಿ

'ಬಂಡೆ' ಏನು ಮಕ್ಕೊಂಡಿರತದೇನು ಇಷ್ಟೆಲ್ಲಾ ಆಗೂತನ್ಕಾ ?' ಕೇಳಿದ ಟಕಳ್ಯಾ

'ಅದು 'ಶ್ಯಾಣ್ಯಾ' ನ ಹತ್ರ ಹೋಗಿ 'ಜರಗುಂಡಿ' ಆಡತಿರತದ' ಎಂದ ಡಬರ್ಯಾ

'ಜರಗುಂಡಿ' ಅಂದ್ರs 'ಜಾರುಬಂಡಿ' ಏನು?' ಕೇಳಿದ ಶೌರಿ

'ಹಂ! ಎಲ್ಲಾರನೂ 'ಸೋಂಯಕ್' ಅಂತ ತಣ್ಣಗೆ ಜಾರಸೂದು!' ಎಂದು ನಕ್ಕ ಕಾಳ್ಯಾ