ಅತಿಸಾರ (Diarrhoea) ಎನ್ನುವುದು ವ್ಯಕ್ತಿಯೊಬ್ಬನು ದಿನದಲ್ಲಿ ಮೂರಕ್ಕಿಂತ ಹೆಚ್ಚು ಬಾರಿ ದ್ರವ ರೂಪದ ಮಲವಿಸರ್ಜನೆ ಮಾಡುವ ಸ್ಥಿತಿಯಾಗಿದೆ. ಇದು ಒಂದು ಸಾಮಾನ್ಯವಾದ ಆರೋಗ್ಯ ಸಮಸ್ಯೆಯಾಗಿದ್ದು, ಸರಿಯಾದ ಸಮಯದಲ್ಲಿ ಚಿಕಿತ್ಸೆ ನೀಡದಿದ್ದರೆ ಗಂಭೀರ ನಿರ್ಜಲೀಕರಣ ಅಥವಾ ದೇಹದಲ್ಲಿ ನೀರಿನ ಕೊರತೆ (ಡೀಹೈಡ್ರೇಶನ್) ಆಗಿ ಜೀವಕ್ಕೆ ಅಪಾಯ ಉಂಟುಮಾಡಬಹುದು. ವಿಶೇಷವಾಗಿ ಮಕ್ಕಳು, ಹಿರಿಯರು ಮತ್ತು ರೋಗ ನಿರೋಧಕ ಶಕ್ತಿ ಕಡಿಮೆ ಇರುವವರು ಅತಿಸಾರಕ್ಕೆ ಹೆಚ್ಚು ಪ್ರಬಲರಾಗಿರುತ್ತಾರೆ. ಈ ರೋಗವು ಅಶುದ್ಧ ನೀರು, ಸೋಂಕಿತ ಆಹಾರ, ಅಥವಾ ವೈರಸ್‌ಗಳು, ಬ್ಯಾಕ್ಟೀರಿಯಾಗಳಿಂದ ಉಂಟಾಗಬಹುದು. ಆದ್ದರಿಂದ ಈ ಕುರಿತು ಜನರಲ್ಲಿ ಜಾಗೃತಿಯು ಅತ್ಯಂತ ಅಗತ್ಯವಾಗಿದೆ.
ಅತಿಸಾರದ ಪ್ರಮುಖ ಕಾರಣಗಳು:
1. ವೈರಲ್ ಸೋಂಕುಗಳು:
ರೋಟಾವೈರಸ್, ನೋರೋವೈರಸ್ ಮುಂತಾದ ವೈರಸ್‌ಗಳು ಅತಿಸಾರಕ್ಕೆ ಪ್ರಮುಖ ಕಾರಣಗಳಾಗುತ್ತವೆ, ವಿಶೇಷವಾಗಿ ಮಕ್ಕಳಲ್ಲಿ.
2. ಬ್ಯಾಕ್ಟೀರಿಯಲ್ ಸೋಂಕುಗಳು:
ಈಕೋಲೈ (E. coli), ಸ್ಯಾಲ್ಮೊನೆಲ್ಲಾ (Salmonella), ಶಿಗೆಲ್ಲಾ (Shigella), ಕ್ಯಾಂಪಿಲೋಬ್ಯಾಕ್ಟರ್ ಮುಂತಾದ ಬ್ಯಾಕ್ಟೀರಿಯಾವು ಆಹಾರ ಅಥವಾ ನೀರಿನ ಮೂಲಕ ದೇಹಕ್ಕೆ ಪ್ರವೇಶಿಸಿ ಅತಿಸಾರ ಉಂಟುಮಾಡುತ್ತವೆ.
3. ಪ್ಯಾರಾಸೈಟ್‌ಗಳು:
ಗಿಯಾರ್ಡಿಯಾ (Giardia), ಅಮೀಬಾ (Entamoeba histolytica) ಮುಂತಾದ ಪ್ಯಾರಾಸೈಟ್‌ಗಳಿಂದಲೂ ಅತಿಸಾರ ಉಂಟಾಗಬಹುದು.
4. ಅಶುದ್ಧ ನೀರು ಮತ್ತು ಆಹಾರ ಸೇವನೆ:
ಕೊಳಕು ನೀರು ಅಥವಾ ಸರಿಯಾಗಿ ಬೇಯದ ಆಹಾರ ಸೇವಿಸಿದಾಗ ಸೋಂಕುಗಳ ಪ್ರವೇಶವಾಗುತ್ತದೆ.
5. ಹೈಜೀನ್ ಕೊರತೆ:
ಆಹಾರ ತಿನ್ನುವ ಮುನ್ನ ಅಥವಾ ಶೌಚಾಲಯ ಬಳಸಿದ ನಂತರ ಕೈ ತೊಳೆಯದೇ ಇದ್ದಲ್ಲಿ ಅತಿಸಾರಕ್ಕೆ ಕಾರಣವಾಗಬಹುದು.
6. ಔಷಧಿಗಳಿಂದ
ಕೆಲವೊಂದು ಔಷಧಿಗಳು (antibiotics) ಉತ್ತಮ ಬ್ಯಾಕ್ಟೀರಿಯಾಗಳನ್ನು ನಾಶಪಡಿಸಿ ಅತಿಸಾರ ಉಂಟುಮಾಡಬಹುದು.
7. ಅಲರ್ಜಿ ಅಥವಾ ಆಹಾರದ ಅಸಹನೀಯತೆ:
ಲ್ಯಾಕ್ಟೋಸ್ ಅಸಹನೀಯತೆ ಕೆಲವರಲ್ಲಿ ಅತಿಸಾರ ಉಂಟುಮಾಡಬಹುದು.
8. ಆಂತರಿಕ ಕಾಯಿಲೆಗಳು:
ಇರಿಟೇಬಲ್ ಬವಲ್ ಸಿಂಡ್ರೋಮ್ (IBS), ಕ್ರೋನ್ಸ್ ರೋಗ, ಅಲ್ಸರೇಟಿವ್ ಕೋಲೈಟಿಸ್ ಮುಂತಾದ ಆಂತರಿಕ ಕಾಯಿಲೆಗಳೂ ಅತಿಸಾರದ ಕಾರಣವಾಗಬಹುದು.
ಅತಿಸಾರದ ಲಕ್ಷಣಗಳು:
1. ದ್ರವ ರೂಪದ ಮಲವಿಸರ್ಜನೆ
ದಿನಕ್ಕೆ ಮೂರು ಅಥವಾ ಹೆಚ್ಚು ಬಾರಿ ಮಲವು ನೀರಿನಂಥ ದ್ರವ ರೂಪದಲ್ಲಿರುತ್ತದೆ.
2. ಹೊಟ್ಟೆನೋವು
ಮಲವಿಸರ್ಜನೆಯ ಮುನ್ನ ಅಥವಾ ಬಳಿಕ ಹೊಟ್ಟೆನೋವು
3. ವಾಂತಿ ಅಥವಾ ಹಸಿವು ಇಲ್ಲದಿರುವುದು
4. ನಿರ್ಜಲೀಕರಣ (ಡೀಹೈಡ್ರೇಶನ್)
ದೇಹದಲ್ಲಿ ನೀರಿನ ಕೊರತೆ ಉಂಟಾಗಿ ಬಾಯಾರಿಕೆ, ತಲೆ ಸುತ್ತು, ಮೂತ್ರದ ಪ್ರಮಾಣ ಕಡಿಮೆಯಾಗುವುದು.
5. ಜ್ವರ
6. ವೈರಲ್ ಅಥವಾ ಬ್ಯಾಕ್ಟೀರಿಯಲ್ ಅತಿಸಾರದ ಸಂದರ್ಭದಲ್ಲಿ ಜ್ವರ ಕಾಣಿಸಬಹುದು.
ದೇಹದ ತೂಕ ಕುಗ್ಗುವುದು ಮತ್ತು ಶಕ್ತಿಯ ಕೊರತೆ ಉಂಟಾಗಬಹುದು.
ತಡೆಗಟ್ಟುವಿಕೆ ಮತ್ತು ಚಿಕಿತ್ಸೆ:
ಅತಿಸಾರದ ಸಮಯದಲ್ಲಿ ಒಆರ್‌ಎಸ್ (ORS) ದ್ರಾವಣ ಅಥವಾ ಉಪ್ಪು-ಸಕ್ಕರೆ ನೀರನ್ನು ಸಾಕಷ್ಟು ಪ್ರಮಾಣದಲ್ಲಿ ಸೇವಿಸಬೇಕು.
ಶುದ್ಧ ನೀರಿನ ಬಳಕೆ, ಹಣ್ಣು ತರಕಾರಿಗಳನ್ನು ಸ್ವಚ್ಛವಾಗಿ ತೊಳೆಯುವುದು ಮತ್ತು ಅಡುಗೆ ಮುನ್ನ ಕೈ ತೊಳೆಯುವುದು ಅಗತ್ಯ.
ಶುದ್ಧ ನೀರಿನ ಬಳಕೆ:
ಕುದಿಸಿದ ಅಥವಾ ಫಿಲ್ಟರ್ ಮಾಡಿದ ನೀರಿನನ್ನೇ ಬಳಸುವುದು ಸುರಕ್ಷಿತ.ಮಕ್ಕಳಿಗೆ ಬಾಟಲಿನ ನೀರನ್ನು ನೀಡುವುದಾದರೆ ಬಾಟಲನ್ನು ಶುದ್ಧವಾಗಿ ತೊಳೆಯಬೇಕು.
ಆಹಾರದ ಸ್ವಚ್ಛತೆ ಮತ್ತು ಬೇಯುವ ವಿಧಾನ:
ಸಂಪೂರ್ಣವಾಗಿ ಬೇಯದ ಆಹಾರವು ಸೋಂಕು ತರುವ ಸಂಭವ ಹೆಚ್ಚಾಗಿರುತ್ತದೆ. ಹಣ್ಣು-ತರಕಾರಿ ತಿನ್ನುವ ಮೊದಲು ಚೆನ್ನಾಗಿ ತೊಳೆಯಬೇಕು.
ಶೌಚಾಲಯ ಬಳಸಿದ ನಂತರ, ಆಹಾರ ಮುನ್ನ ತಯಾರಿಸುವಾಗ ಹಾಗೂ ತಿನ್ನುವ ಮೊದಲು ಸಾಬೂನು ಅಥವಾ ಸ್ಯಾನಿಟೈಜರ್‌ನೊಂದಿಗೆ ಕೈ ತೊಳೆಯಬೇಕು.ಮಕ್ಕಳಿಗೂ ಈ ಅಭ್ಯಾಸವನ್ನು ಕಲಿಸಬೇಕು.
ಪರಿಸರ ಸ್ವಚ್ಛತೆ:
ಮಲ ನಿರ್ವಹಣೆ, ಕೈಚೀಲಗಳು, ಪ್ಲಾಸ್ಟಿಕ್, ಮತ್ತು ತ್ಯಾಜ್ಯಗಳನ್ನು ಸರಿಯಾಗಿ ವಿಲೇವಾರಿ ಮಾಡುವುದು ಸೋಂಕಿನ ಹರಡುವಿಕೆಯನ್ನು ತಡೆಯುತ್ತದೆ.
ಶುಚಿತ್ವದ ಮಹತ್ವ:
ಒಬ್ಬ ವ್ಯಕ್ತಿಯ ಆರೋಗ್ಯದ ಮೂಲ ಶುದ್ಧತೆಯಲ್ಲಿ ನಿಲುಕಿರುತ್ತದೆ. ನಾವು ನಮ್ಮ ಸ್ವಚ್ಛತೆಯ ಬಗ್ಗೆ ಎಚ್ಚರಿಕೆಯಿಂದಿರದೆ ಇದ್ದರೆ, ಅತಿಸಾರ ಸೇರಿದಂತೆ ಅನೇಕ ಸೋಂಕುಗಳಿಂದ ದೂರವಿರಬಹುದು. ಸ್ವಚ್ಛತೆ ನಮ್ಮ ಮನೆಗಳಿಂದ ಪ್ರಾರಂಭವಾಗಿ ಸಮಾಜದ ಆರೋಗ್ಯವನ್ನು ಹೆಚ್ಚಿಸುವ ಮೂಲಕ ದೇಶದ ಅಭಿವೃದ್ಧಿಗೆ ಸಹಕಾರಿಯಾಗುತ್ತದೆ.
ಅತಿಸಾರ ಎನ್ನುವುದು ತಡೆಯಬಹುದಾದ, ಚಿಕಿತ್ಸೆ ನೀಡಬಹುದಾದ ರೋಗವಾಗಿದೆ. ಶುದ್ಧತೆ, ಸರಿಯಾದ ಆಹಾರ ಚಟುವಟಿಕೆಗಳು ಮತ್ತು ಸಾವಧಾನತೆಯಿಂದ ನಾವು ಈ ಸಾಂಕ್ರಾಮಿಕ ಕಾಯಿಲೆಯ ವಿರುದ್ಧ ಎಚ್ಚರಿಕೆಯಿಂದ ನಿಂತು ಆರೋಗ್ಯಕರ ಸಮಾಜವನ್ನು ನಿರ್ಮಿಸಬಹುದು.ಅತಿಸಾರದ ಲಕ್ಷಣಗಳು ಕಂಡುಬಂದರೆ, ವೈದ್ಯರನ್ನು ಸಂಪರ್ಕಿಸುವುದು ಉತ್ತಮ.
- ಡಾ. ರೇಷ್ಮಾ ಭಟ್
ಸಾಂಕ್ರಾಮಿಕ ರೋಗ ತಜ್ಞೆ,ಬೆಳ್ತಂಗಡಿ
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
