ಡಲ್ಲಾಸ್: ಅಮೆರಿಕಾದ ನಾರ್ತ್ ಕರೋಲಿನಾ ರಾಜ್ಯದ ಶ್ರೀಕೃಷ್ಣ ವೃಂದಾವನ ತಂಡದ ವತಿಯಿಂದ ಏರ್ಪಡಿಸಿದ್ದ "ಪುರಂದರ ಉತ್ಸವ -2025" ಬಹು ವಿಜೃಂಭಣೆಯಿಂದ ನಡೆಯಿತು.
ಬೆಳಿಗ್ಗೆ 7ರಿಂದಲೇ ಗೋಷ್ಠಿ, ಗಾಯನ, ಮೆರವಣಿಗೆಯಿಂದ ಪ್ರಾರಂಭವಾದ ಈ ಕಾರ್ಯಕ್ರಮದಲ್ಲಿ ಹತ್ತು-ಹಲವಾರು ತಂಡಗಳ ಸುಮಾರು 400 ಕ್ಕೂ ಹೆಚ್ಚು ಕಲಾವಿದರು (ಚಿಣ್ಣರು-ದೊಡ್ಡವರು) ಭಾಗವಹಿಸಿ ಹಾಡುಗಾರಿಕೆ- ನೃತ್ಯ- ಪುರಂದರ ದಾಸರ ಕೃತಿ ಕಚೇರಿ- ದಾಸರ ಕೀರ್ತನೆಗಳು- ಸಂಜೆ ಹಲವು ನೃತ್ಯ-ನಾಟಕಗಳು, ಯಕ್ಷಗಾನ ಹೀಗೆ ಹಲವಾರು ಸುಂದರವಾದ ಕಾರ್ಯಕ್ರಮಗಳನ್ನು ನಡೆಸಿಕೊಟ್ಟರು.
ಬೆಳೆಗ್ಗೆಯಿಂದ 7 ರಿಂದ ರಾತ್ರಿ 10:30ರ ತನಕ ನಡೆದ ಈ ಕಾರ್ಯಕ್ರಮದಲ್ಲಿ ಎಲ್ಲೆಡೆಯಿಂದ ಬಂದಿದ್ದ ಸಾವಿರಾರು ಭಕ್ತರು ಭಾಗವಹಿಸಿದ್ದರು. ಶ್ರೀ ಕೃಷ್ಣ ವೃಂದಾವನದ ನೂರಾರು ಸ್ವಯಂ ಸೇವಕರು ದಿನವಿಡೀ ಭಕ್ತಿ ಪೂರ್ವಕದಿಂದ ಬಂದಿದ್ದ ಎಲ್ಲರಿಗೂ ಬೆಳಗಿನ ಉಪಹಾರ- ಮಧ್ಯಾಹ್ನ- ಸಂಜೆಯ ಭೋಜನ ವ್ಯವಸ್ಥೆ ಮಾಡಿ ಈ ಕಾರ್ಯಕ್ರಮವನ್ನು ಅದ್ದೂರಿಯಾಗಿ ನಡೆಸಿಕೊಟ್ಟರು.
ದೊಡ್ಡವರಿಗೆ ಪೈಪೋಟಿಯಂತೆ ಮಕ್ಕಳೆಲ್ಲಾ ಇಲ್ಲೇ ಹುಟ್ಟಿ ಬೆಳೆದಿದ್ದರೂ ನಮ್ಮ ಮಾತೃ-ಭೂಮಿಯ ಕಲೆ-ಭಾಷೆ-ನಡೆ-ನುಡಿ-ಸನಾತನ ಸಂಪ್ರದಾಯ-ಹಬ್ಬ-ಆಚರಣೆಗಳನ್ನು ಭಕ್ತಿ-ಭಾವ-ಆಸಕ್ತಿಯಿಂದ ಆಚರಿಸಿದ್ದನ್ನು ನೋಡಿದರೆ ಆಗದಿರುವುದೇ ಮನಕೆ ಸಂತೋಷ- ಸಂಭ್ರಮ ಜೊತೆಗೆ "ನಾನೇನು ಅಮೇರಿಕಾದಲ್ಲಿ ಇದೀನಾ? ಇಲ್ಲಾ ಇಂಡಿಯಾದಲ್ಲಿ ಇದೀನಾ?" ಅಂತಾ ಒಂದು ಕ್ಷಣ ಯೋಚಿಸಿದ್ದು ಉಂಟು!
ಸಾವಿರಾರು ಮೈಲಿಗಳ ದೂರದಲ್ಲಿರುವ ವೆಸ್ಟೆರ್ನ್ ಕಲ್ಚರ್ ಇರುವ ಅಮೆರಿಕದಲ್ಲೂ ನಮ್ಮ ಭಾಷೆ-ಸಂಸೃತಿಯನ್ನು ಉಳಿಸುವುದರ ಜೊತೆ ಹೆಚ್ಚಿಸುತ್ತಿರುವ ಭಾಗವಹಿಸಿದ್ದ ಎಲ್ಲಾ ಕಲಾವಿದರಿಗೂ - ಹಗಲಿರುಳು ಶ್ರಮಿಸಿದ ಕಾರ್ಯಕರ್ತರಿಗೂ- ಶ್ರೀಕೃಷ್ಣ ವೃಂದಾವನದ ತಂಡಕ್ಕೂ ಅಭಿನಂದಿಸಿ- ಧನ್ಯವಾದ ಹೇಳಿ ಮನೆಗೆ ಬರುವಾಗ "ದಾಸನ ಮಾಡಿಕೊ ಎನ್ನ- ನಿನ್ನ ದಾಸನ ಮಾಡಿಕೊ ಎನ್ನ" ದಾಸರ ಪದವ ಮನ ಹಾಡಿತ್ತು!
-ನಾಗರಾಜ್ ಎಂ
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
