ಬಳ್ಳಾರಿ: 2025ರ ಜನವರಿ 5 ಮತ್ತು 6ರಂದು ದಾವಣಗೆರೆಯಲ್ಲಿ ನಡೆದ ರಾಜ್ಯ ಮಟ್ಟದ "ಯುವಜನೋತ್ಸವ ವಿಜ್ಞಾನ ಮೇಳ"ದಲ್ಲಿ ಬಳ್ಳಾರಿ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ & ಮ್ಯಾನೇಜ್‌ಮೆಂಟ್ (ಬಿಐಟಿಎಂ) ಕಾಲೇಜಿನ ಬಿ.ಇ., 7ನೇ ಸೆಮಿಸ್ಟರ್ ಎಲೆಕ್ಟ್ರಿಕಲ್ ಮತ್ತು ಎಲೆಕ್ಟ್ರಾನಿಕ್ಸ್ ಎಂಜಿನಿಯರಿಂಗ್ ವಿಭಾಗದ ಪ್ರತಿಭಾವಂತ ವಿದ್ಯಾರ್ಥಿಗಳಾದ ಹರ್ಷ ಜೆ.ಎನ್., ಹರ್ಷಲ್ ಎಚ್., ಹನೀಷ್ ಪೆಸ್ಸಿ, ಗೂಳಪ್ಪ,
ಮಾರ್ಗದರ್ಶಕರಾದ ಹರೀಶ್ ಕುಮಾರ್ ಜಿ., "ಸೌರಶಕ್ತಿಯನ್ನು ಬಳಸಿಕೊಂಡು ಸ್ಮಾರ್ಟ್ ವೈರ್‌ಲೆಸ್ ಎಲೆಕ್ಟ್ರಿಕಲ್ ವೆಹಿಕಲ್ ಚಾರ್ಜಿಂಗ್" ಎಂಬ ಆಧುನಿಕ ಮತ್ತು ಶಾಶ್ವತತೆಯತ್ತ ಸವಾಲುಗಳನ್ನು ಸಮರ್ಥವಾಗಿ ಪರಿಹರಿಸುವ ಮಹತ್ವಾಕಾಂಕ್ಷಿ ಯೋಜನೆಗೆ ಪ್ರಥಮ ಸ್ಥಾನವನ್ನು ಪಡೆದು ಖ್ಯಾತಿ ಗಳಿಸಿದ್ದಾರೆ. ಈ ಯಶಸ್ಸು ರೂ. 25,000 ನಗದು ಬಹುಮಾನದೊಂದಿಗೆ ಪ್ರಶಂಸಿತವಾಗಿದೆ.
ಈ ವಿಜೇತ ತಂಡವು 2025ರ ಜನವರಿ 8ರಂದು ನವದೆಹಲಿಯಲ್ಲಿ ನಡೆಯಲಿರುವ "ರಾಷ್ಟ್ರೀಯ ಯುವಜನೋತ್ಸವ 2025" ಗೆ ಕರ್ನಾಟಕವನ್ನು ಪ್ರತಿನಿಧಿಸಲು ಆಯ್ಕೆಯಾಗಿದೆ. ಈ ಮಹತ್ವದ ಕಾರ್ಯಕ್ರಮವನ್ನು ಗೌರವಾನ್ವಿತ ಪ್ರಧಾನ ಮಂತ್ರಿ ನರೇಂದ್ರ ಮೋದಿಜಿ ಉದ್ಘಾಟಿಸಲಿದ್ದಾರೆ.
ರಾಷ್ಟ್ರಮಟ್ಟದಲ್ಲಿ ಬಿಐಟಿಎಂನ ಶ್ರೇಷ್ಟತೆಯನ್ನು ತೋರಿಸುವ ಈ ಅವಕಾಶವು ವಿದ್ಯಾರ್ಥಿಗಳ ಶ್ರಮ ಮತ್ತು ಪ್ರತಿಭೆಗಾಗಿಯೇ ಲಭಿಸಿದೆ. ಕಾಲೇಜಿನ ನಿರ್ದೇಶಕರಾದ ವೈ.ಜೆ. ಪೃಥ್ವಿರಾಜ್ ಭೂಪಾಲ್ ಈ ಗೌರವವು ಬಿಐಟಿಎಂನ ಉತ್ತಮ ಗುಣಮಟ್ಟದ ಶಿಕ್ಷಣ, ಶ್ರೇಷ್ಠ ಸಂಶೋಧನೆ, ಮತ್ತು ವಿದ್ಯಾರ್ಥಿಗಳ ಕಠಿಣ ಪರಿಶ್ರಮಕ್ಕೆ ಸಲ್ಲಿದ ಸನ್ಮಾನವಾಗಿದೆ ಎಂದು ತಿಳಿಸಿದ್ದಾರೆ. ಈ ಸಾಧನೆ ಬಿಐಟಿಎಂನ ಹೆಮ್ಮೆಯ ಕ್ಷಣವಾಗಿದೆ.
ಕಾಲೇಜಿನ ಅಧ್ಯಕ್ಷರಾದ ಡಾ. ಯಶವಂತ್ ಭೂಪಾಲ್, ಪ್ರಾಚಾರ್ಯರಾದ ಡಾ. ಯಡವಳ್ಳಿ ಬಸವರಾಜ್, ಉಪಪ್ರಾಚಾರ್ಯರಾದ ಡಾ. ಬಿ.ಎಸ್. ಖೇಣೆದ್, ಇಇಇ ವಿಭಾಗದ ಮುಖ್ಯಸ್ಥರಾದ ಡಾ. ಶರಣ್ ರೆಡ್ಡಿ, ಮತ್ತು ಆಡಳಿತಾಧಿಕಾರಿಗಳಾದ ಅಮರೇಶಯ್ಯ ಪಿ., ಇತರ ಪ್ರಾಧ್ಯಾಪಕರು ಮತ್ತು ಸಿಬ್ಬಂದಿವರ್ಗದವರು ವಿಜೇತ ತಂಡವನ್ನು ಹೃತ್ಪೂರ್ವಕವಾಗಿ ಅಭಿನಂದಿಸಿ, ಅವರ ಮುಂದಿನ ಸಾಧನೆಗಳಿಗೆ ಹಾರೈಸಿದ್ದಾರೆ.
ಈ ವಿದ್ಯಾರ್ಥಿಗಳ ಸಂಶೋಧನೆ ಕೇವಲ ಪ್ರಥಮ ಸ್ಥಾನವನ್ನೇ ಗೆಲ್ಲದೆ, ಭವಿಷ್ಯದ ಪರಿಸರಸ್ನೇಹಿ ತಂತ್ರಜ್ಞಾನದ ಕಡೆಗೆ ಹೊಸ ಮಾರ್ಗದರ್ಶಕವಾಗಿದೆ. ತಂಡದ ಎಲ್ಲಾ ಸದಸ್ಯರ ಶ್ರಮ, ಸೃಜನಶೀಲತೆ, ಮತ್ತು ಬುದ್ಧಿಮತ್ತೆ ಸತ್ಯಕ್ಕೂ ಮೆಚ್ಚುಗೆಗೆ ಅರ್ಹವಾಗಿದೆ. ದೇಶಾದ್ಯಂತ ಈ ವಿದ್ಯಾರ್ಥಿಗಳ ಯಶಸ್ಸು ಬಿಎಟಿಎಂನ ಹೆಸರನ್ನು ಉಜ್ವಲಗೊಳಿಸಿದೆ. ನಾವೆಲ್ಲರೂ ತಮ್ಮ ಮುಂದಿನ ಪ್ರಯತ್ನಗಳಿಗೆ ಹೆಚ್ಚಿನ ಪ್ರೋತ್ಸಾಹವನ್ನು ನೀಡುತ್ತೇವೆ ಎಂದರು.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
