ತುಡರ್ ಪರ್ಬಯೇ ತುಳುವೆರೆಗ್
ತುಡರ್ ಪರ್ಬಯೇ !
ಕಡಲಕರೆತ ನಾಡ್ ಡೊರ್ಮೆ
ತುಡರ್ ಪರ್ಬಯೇ !!ಪಲ್ಲ!!
ಬಲಿರಾಯ ನರತಾನ
ಇತ್ತಿ ಊರುಯೇ
ಪೊಲಿ ಪೊಲಿ ಪೊಲಿಯೆನ್ಪಿ
ಮಲ್ಲಬೂಡುಯೇ !
ಅರಿಬಾರ್ ಗಿಜ್ಜಿ ಮುಲ್ಪ
ತತ್ವಾರಯೇ
ಪೊರಿ ಬಜಿಲ್ ಬನ್ನಂಗಾಯಿ
ನಿಚ್ಚ ಉಂಡುಯೇ !೧!
!ಬಲಾ ಬಲಿಯೇಂದ್ರ..ಕೂ ಬಲಿಯೇಂದ್ರ!
ನರಕನಾನಿ ಕೆರ್ಯೆರಿಗೆ
ಕಿಟ್ಣ ದೇವರ್
ತರೆಕ್ ಮೆಯಿಕ್ ಎಣ್ಣೆ ಪೂಜಿ
ಮೀಪಿ ಪರ್ಬೊಡ್ !
ಬಲೆಕಿ ಮರತ ಬೊಲ್ಪುದಡಿಟ್
ಬಲಿನ್ ತೂಯೆರ್
ಬುಲೆ ಭಾಗ್ಯ ದಿಂಜೊಡುಂದು
ಪೊಲಿ ಲೆತ್ತೆರ್ !! ೨ !!
!ಪೊಲಿ ಪೊಲಿ ಪೊಲಿಯೇ..ಪೊಲಿ!
ಸಾಲ್ ಸಾಲ್ ಗೂಡುದೀಪ
ಬೊಳ್ಳಿ ಗೊಂಚಿಲ್
ಓಲು ತೂಂಡ ದುರ್ಸುಬಾಣ
ಪರ್ಬ ಗದ್ದಲ !
ತುಡಾರ್ ಮಗ ತುಡಾರ್ಂದ್
ಪೆತ್ತ ಕಂಜಿಗ್
ನಡಪಿ ನಡೆರಿ ದೀಪೊಳಿದ
ತುಳುವ ಮಣ್ಣ್ ಗ್ !! ೩ !!
!ಸಿರಿ ಬಲಿಯೇಂದ್ರಾ ...ಹರಿ ಬಲಿಯೇಂದ್ರಾ ಭೂಮಿಪುತ್ರೆ ಬಲಿಯೇಂದ್ರಾ..ಕೂ ಬಲಿಯೇಂದ್ರಾ!
- ಭಾಸ್ಕರ ರೈ ಕುಕ್ಕುವಳ್ಳಿ
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
