ಜಯ ದೇವಿ ಜಗನ್ಮಾತಃ ಜಯ ದೇವಿ ಪರಾತ್ಪರೇ |
ಜಯ ಕಲ್ಯಾಣನಿಲಯೇ ಜಯ ಕಾಮಕಲಾತ್ಮಿಕೇ ||1||
ಜಯ ಕಾಮೇಶವಾಮಾಕ್ಷಿ ಜಯ ಕಾಮಾಕ್ಷಿಸುಂದರಿ |
ಜಯಾಖಿಲಸುರಾರಾಧ್ಯೇ ಜಯ ಕಾಮೇಶಿ ಕಾಮದೇ ||2||
ಜಯ ಬ್ರಹ್ಮಮಯೇ ದೇವಿ ಬ್ರಹ್ಮಾನಂದರಸಾತ್ಮಿಕೇ |
ಜಯ ನಾರಾಯಣಿ ಪರೇ ನಂದಿತಾಶೇಷವಿಷ್ಟಪೇ ||3||
ಜಯ ಶ್ರೀಕಂಠದಯಿತೇ ಜಯ ಶ್ರೀಲಲಿತಾಂಬಿಕೇ |
ಜಯ ಶ್ರೀವಿಜಯೇ ದೇವಿ ವಿಜಯ ಶ್ರೀಸಮೃದ್ಧಿದೇ ||4||
ಜಾತಸ್ಯ ಜಾಯಮಾನಸ್ಯ ಚೇಷ್ಟಾಪೂರ್ತಸ್ಯ ಹೇತವೇ |
ನಮಸ್ತಸ್ಯೈ ತ್ರಿಜಗತಾಂ ಪಾಲಯಿತ್ರ್ಯೈ ನಮೋ ನಮಃ ||5||
ಕಲಾಮುಹೂರ್ತಕಾಷ್ಠಾಹರ್ಮಾಸಸಂವತ್ಸರಾತ್ಮನೇ
ನಮಃ ಸಹಸ್ರಶೀರ್ಷಾಯೈ ಸಹಸ್ರಮುಖಲೋಚನೇ ||6||
ನಮಃ ಸಹಸ್ರಪಾದಾಬ್ಜಪಾದಪಂಕಜಶೋಭಿತೇ |
ಅಣೋರಣುತರೇ ದೇವೀ ಮಹತೋಪಿ ಮಹೀಯಸೀ ||7||
ಪರಾತ್ಪರತರೇ ಮಾತಃ ತೇಜಸ್ತ್ವಂ ತೇಜಸಾಮಪಿ |
ಅತಲಂ ತು ಭವೇತ್ಪಾದೌ ವಿತಲಂ ಜಾನುನೀ ತವ ||8||
ರಸಾತಲಂ ಕಟೀದೇಶಃ ಕುಕ್ಷಿಸ್ತೇ ಧರಣೀ ಭವೇತ್ |
ಹೃದಯಂ ತು ಭುವರ್ಲೋಕಃ ಸ್ವಸ್ತೇ ಮುಖಮುದಾಹೃತಮ್ ||9||
ದೃಶಶ್ಚಂದ್ರಾರ್ಕದಹನಾ ದಿಶಸ್ತೇ ಬಾಹವೋಂಬಿಕೇ |
ಮರುತಸ್ತೇ ತನೂಚ್ಛ್ವಾಸಾ ವಾಚಸ್ತೇ ಶ್ರುತಯೋಖಿಲಾಃ ||10||
ಕ್ರೀಡಾ ತೇ ಲೋಕರಚನಾ ಸಖಾ ತೇ ಚಿನ್ಮಯಃ ಶಿವಃ |
ಆಹಾರಸ್ತೇ ಸದಾನಂದೋ ವಾಸಸ್ತೇ ಹೃದಯಂ ಸತಾಮ್ ||11||
ದೃಶ್ಯಾದೃಶ್ಯಸ್ವರೂಪಾಣಿ ರೂಪಾಣಿ ಭುವನಾನಿ ತೇ |
ಶಿರೋರುಹಾ ನಭಸ್ತೇ ತು ತಾರಕಾಃ ಕುಸುಮಾನಿ ತೇ ||12||
ಧರ್ಮಾದ್ಯಾ ಬಾಹವಸ್ತೇ ಸ್ಯುರಧರ್ಮಾದ್ಯಾಯುಧಾನಿ ತೇ |
ಯಮಾಶ್ಚ ನಿಯಮಾಶ್ಚೈವ ಕರಪಾದರುಹಾಸ್ತಥಾ ||13|
ಸ್ತನೌ ಸ್ವಾಹಾ ಸ್ವಧಾಕಾರೌ ಲೋಕೋಜ್ಜೀವನಕಾರಕೌ
ಪ್ರಾಣಾಯಾಮಾಸ್ತು ತೇ ನಾಸಾ ರಸನಾ ತೇ ಸರಸ್ವತೀ ||14||
ಪ್ರತ್ಯಾಹಾರಸ್ತ್ವಿಂದ್ರಿಯಾಣಿ ಧ್ಯಾನಂ ತೇ ಧೀಸ್ತೃಡಾಸನಮ್ |
ಮನಸ್ತೇ ಧಾರಣಾಶಕ್ತಿರ್ಹೃದಯಂ ತೇ ಸಮಾಧಿಕಾ ||15||
ಮಹೀರುಹಾಸ್ತೇಂಗರುಹಾಃ ಪ್ರಭಾತಂ ವಸನಂ ತವ |
ಭೂತಂ ಭವ್ಯಂ ಭವಿಷ್ಯಚ್ಚ ನಿತ್ಯಂ ಚ ತವ ವಿಗ್ರಹಮ್ ||16||
ಯಜ್ಞರೂಪಾ ಜಗದ್ಧಾತ್ರೀ ವಿಷ್ವಗ್ರೂಪಾ ಚ ಪಾವನೀ
ಆಧಾರಂ ತ್ವಾಂ ಪ್ರಪಶ್ಯಂತಿ ನ ಸಮ್ಯಙ್ನಿಖಿಲಾಃ ಪ್ರಜಾಃ ||17||
ಹೃದಯಸ್ಥಾಪಿ ಲೋಕಾನಾಮದೃಶ್ಯಾ ಮೋಹನಾತ್ಮಿಕಾ |
ನಾಮರೂಪವಿಭಾಗಂ ಚ ಯಾ ಕರೋತಿ ಸ್ವಲೀಲಯಾ ||18||
ತಾನ್ಯಧಿಷ್ಠಾಯ ತಿಷ್ಠಂತೀ ತೇಷ್ವಸಕ್ತಾ ಚ ಕಾಮದಾ |
ನಮಸ್ತಸ್ಯೈ ಮಹಾದೇವ್ಯೈ ಸರ್ವಶಕ್ತೈ ನಮೋನಮಃ ||19||
ಯಾ ದೇವೀ ಪರಮಾ ಶಕ್ತಿಃ ಪರಬ್ರಹ್ಮಾಭಿಧಾಯಿನೀ
ಬ್ರಹ್ಮಾನಂದಾಭಿಧಾನಾಯೈ ತಸ್ಯೈ ದೇವ್ಯೈ ನಮೋ ನಮಃ ||20||
ಯದಾಜ್ಞಯಾ ಪ್ರವರ್ತಂತೇ ವಹ್ನಿಸೂರ್ಯೇಂದುಮಾರುತಾಃ |
ಪೃಥಿವ್ಯಾದೀನಿ ಭೂತಾನಿ ತಸ್ಯೈ ದೇವ್ಯೈ ನಮೋ ನಮಃ ||21||
ಯಾ ಸಸರ್ಜ ವಿಧಾತಾರಂ ಸರ್ಗಾದಾವಾದಿಭೂರಿಯಂ |
ದಧಾರ ಸ್ವಯಮೇವೈಕಾ ತಸ್ಯೈ ದೇವ್ಯೈ ನಮೋ ನಮಃ ||22||
ಯಯಾ ಧೃತಾ ತು ಧರಣೀ ಯಯಾಕಾಶಾದ್ಯಮೇಯಯಾ |
ಯಸ್ಯಾಮುದೇತಿ ಸವಿತಾ ತಸ್ಯೈ ದೇವ್ಯೈ ನಮೋ ನಮಃ ||23||
ಯದಂತರಸ್ಥಂ ತ್ರಿದಿವಂ ಯದಾಧಾರೋಂತರಿಕ್ಷಕಃ |
ಯನ್ಮಯಶ್ಚಾಖಿಲೋ ಲೋಕಸ್ತಸ್ಯೈ ದೇವ್ಯೈ ನಮೋ ನಮಃ ||24||
ಯತ್ರೋದೇತಿ ಜಗತ್ಕೃತ್ಸ್ನಂ ಯತ್ರ ತಿಷ್ಠತಿ ನಿರ್ಭರಂ |
ಯತ್ರಾಂತಮೇತಿ ಕಾಲೇ ತು ತಸ್ಯೈ ದೇವ್ಯೈ ನಮೋ ನಮಃ ||25||
ನಮೋ ನಮಸ್ತೇ ರಜಸೋ ಭವಾಯೈ
ನಮೋ ನಮಃ ಸಾತ್ತ್ವಿಕಸಂಸ್ಥಿತಾಯೈ |
ನಮೋ ನಮಸ್ತೇ ತಮಸೋ ಹರಾಯೈ
ನಮೋ ನಮೋ ನಿರ್ಗುಣತಃ ಶಿವಾಯೈ ||26||
ನಮೋ ನಮಸ್ತೇ ಜಗದೇಕಮಾತ್ರೇ
ನಮೋ ನಮಸ್ತೇ ಜಗದೇಕಪಿತ್ರೇ |
ನಮೋ ನಮಸ್ತೇಖಿಲ ತಂತ್ರರೂಪೇ
ನಮೋ ನಮಸ್ತೇಖಿಲ ಯಜ್ಞರೂಪೇ ||27||
ನಮೋ ನಮೋ ಲೋಕಗುರುಪ್ರಧಾನೇ
ನಮೋ ನಮಸ್ತೇಖಿಲವಾಗ್ವಿಭೂತ್ಯೈ |
ನಮೋಸ್ತು ಲಕ್ಷ್ಮ್ಯೈ ಜಗದೇಕತುಷ್ಟ್ಯೈ
ನಮೋ ನಮಃ ಶಾಂಭವಿ ಸರ್ವಶಕ್ತ್ಯೈ ||28||
ಅನಾದಿಮಧ್ಯಾಂತಮಪಾಂಚಭೌತಿಕಂ
ಹ್ಯವಾಙ್ಮನೋಗಮ್ಯಮತರ್ಕ್ಯ ವೈಭವಂ |
ಅರೂಪಮದ್ವಂದ್ವಮದೃಷ್ಟಿಗೋಚರಂ
ಪ್ರಭಾವಮಗ್ರ್ಯಂ ಕಥಮಂಬ ವರ್ಣ್ಯತೇ ||29||
ಪ್ರಸೀದ ವಿಶ್ವೇಶ್ವರಿ ವಿಶ್ವವಂದಿತೇ
ಪ್ರಸೀದ ವಿಶ್ವೇಶ್ವರಿ ವಿಶ್ವರೂಪಿಣಿ |
ಪ್ರಸೀದ ಮಾಯಾಮಯಿ ಮಂತ್ರವಿಗ್ರಹೇ
ಪ್ರಸೀದ ಸರ್ವೇಶ್ವರಿ ಸರ್ವರೂಪಿಣಿ ||30||
(ಲಲಿತೋಪಾಖ್ಯಾನ ಅಧ್ಯಾಯ)
ನಿರಂತರ ಅಪ್ಡೇಟ್ಗಳಿಗಾಗಿ ಉಪಯುಕ್ತ ನ್ಯೂಸ್ ಟೆಲಿಗ್ರಾಂ ಚಾನೆಲ್ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್’ ಫೇಸ್ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್ ವಾಟ್ಸಪ್ ಗ್ರೂಪ್ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
