ಮಂಗಳೂರು: ಜಾವಾ ಯೆಜ್ಡಿ ಮೋಟಾರ್‍ಸೈಕಲ್ಸ್ ತನ್ನ ಅತ್ಯಂತ ಯಶಸ್ವಿ ಮೆಗಾ ಸೇವಾ ಶಿಬಿರವನ್ನು ಮಂಗಳೂರಿಗೆ ವಿಸ್ತರಿಸಿದೆ. ಒಂದನೇ ಹಂತದ ಶಿಬಿರ ಯಶಸ್ವಿಯಾದ ಬಳಿಕ ದೇಶಾದ್ಯಂತ ಎರಡನೇ ಹಂತದ ಸರಣಿ ಶಿಬಿರಗಳನ್ನು ಆಯೋಜಿಸಲು ನಿರ್ಧರಿಸಲಾಗಿದ್ದು, ಮಂಗಳೂರಿನಲ್ಲಿ ಮೇ 3 ಮತ್ತು 4ರಂದು ನಡೆಯಲಿದೆ ಎಂದು ಪ್ರಕಟಣೆ ಹೇಳಿದೆ.
ಪಂಪ್‍ವೆಲ್ ಸರ್ಕಲ್ ಬಳಿಯ ತೃಪ್ತಿ ಕಾಂಪ್ಲೆಕ್ಸ್‌ನಲ್ಲಿರುವ ತಾಜ್ ಮೋಟರ್ಸ್‍ನಲ್ಲಿ ಶಿಬಿರ ನಡೆಯಲಿದ್ದು, ಈ ಪ್ರದೇಶದಲ್ಲಿ 2019 ಮತ್ತು 2020 ರ ಮಾಡೆಲ್ ಜಾವಾ ಮೋಟಾರ್ ಸೈಕಲ್ ಮಾಲೀಕರಿಗೆ ವಿಶೇಷವಾಗಿ ಸೇವೆ ಒದಗಿಸಲಿದೆ.
ಶಿಬಿರದ ಅಂಗವಾಗಿ, 2019-2020 ರ ಜಾವಾ ಮೋಟಾರ್ ಸೈಕಲ್‍ಗಳ ಮಾಲೀಕರು ಸಮಗ್ರ ವಾಹನ ಆರೋಗ್ಯ ತಪಾಸಣೆ ಮತ್ತು ಆಯ್ದ ಭಾಗಗಳ ಉಚಿತ ಬದಲಾವಣೆಗೆ ಅರ್ಹರಾಗಿರುತ್ತಾರೆ. ಮೊಟುಲ್, ಅಮರಾನ್ ಮತ್ತು ಸಿಯೆಟ್ ಟೈರ್ಸ್ ಸೇರಿದಂತೆ ಪ್ರಮುಖ ಮೂಲ ಸಾಧನ, ಸಲಕರಣೆ ಪೂರೈಕೆದಾರರು ಗ್ರಾಹಕರಿಗೆ ಸಹಾಯ ಮಾಡಲು ಸಕ್ರಿಯವಾಗಿ ಈ ಶಿಬಿರದಲ್ಲಿ ಭಾಗವಹಿಸುತ್ತಾರೆ.
ದೀರ್ಘಾವಧಿಯ ಗ್ರಾಹಕರ ತೃಪ್ತಿಗೆ ನಿರಂತರವಾಗಿ ಬದ್ಧವಾಗಿರುವ ಜಾವಾ ಯೆಜ್ಡಿ ಮೋಟಾರ್ ಸೈಕಲ್ಸ್, ಮೋಟಾರ್ ಸೈಕಲ್‍ಗಳ ಆರೋಗ್ಯ ಮೌಲ್ಯಮಾಪನದ ಆಧಾರದ ಮೇಲೆ ಪೂರಕ ವಿಸ್ತೃತ ವಾರಂಟಿಗಳನ್ನು ನೀಡುತ್ತಿದೆ. ಹೆಚ್ಚುವರಿಯಾಗಿ, ವಿನಿಮಯ ಮೌಲ್ಯವನ್ನು ನಿರ್ಣಯಿಸಲು ತಮ್ಮ ಮೋಟಾರ್ ಸೈಕಲ್‍ಗಳನ್ನು ನವೀಕರಿಸಲು ಆಸಕ್ತಿ ಹೊಂದಿರುವ ಮಾಲೀಕರಿಗೆ ಗೊತ್ತುಪಡಿಸಿದ ವಲಯವನ್ನು ಸ್ಥಾಪಿಸಲಾಗುತ್ತದೆ ಎಂದು ಪ್ರಕಟಣೆ ತಿಳಿಸಿದೆ.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
