ಗೋವಿನ ಬಗ್ಗೆ ಭಾಷಣ ಮಾಡುವುದು, ಪ್ರಬಂಧ ಬರೆಯುವುದು ಸುಲಭ ಆದರೆ ಪ್ರಯೋಗಶೀಲ ನೃತ್ಯ ಪ್ರಸ್ತುತಿಗೆ ಕಥಾವಸ್ತುವನ್ನು ಜೋಡಿಸಿಕೊಳ್ಳುವುದು ಸವಾಲೇ ಸರಿ. ಇಲ್ಲಿ ಕ್ರಿಯಾಶೀಲ ಆಲೋಚನೆ ಮತ್ತು ದುಡಿಮೆಯ ಅಗತ್ಯವಿರುತ್ತದೆ . ಈ ದಿಶೆಯಲ್ಲಿ ಧರ್ಮ ಧೇನುವಿನ ಪ್ರಥಮ ಪ್ರಸ್ತುತಿಗೆ ಕಲಾ ಪೋಷಕರು, ಕಲಾಪ್ರೇಕ್ಷಕರು ಆದ ತಮ್ಮ ಸಹಕಾರ ಮತ್ತು ಪ್ರೋತ್ಸಾಹ ನಮಗೆ ಶಕ್ತಿ ತುಂಬಿದೆ . ವಿದುಷಿ ಮಂಜುಳಾ ಸುಬ್ರಹ್ಮಣ್ಯ. ನೃತ್ಯ ಗುರುಗಳು ನಾಟ್ಯರಂಗ ಪುತ್ತೂರು . ಮಹತೋಭಾರ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಆಶ್ರಯದಲ್ಲಿ ಶ್ರೀ ಮಹಾಲಿಂಗೇಶ್ವರ ಗೋ ಸೇವಾ ಬಳಗದ ವತಿಯಿಂದ ನಡೆದ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ಧರ್ಮ ಧೇನು ನೃತ್ಯ ರೂಪಕ ವೀಕ್ಷಕರ ಮೆಚ್ಚುಗೆಗೆ ಪಾತ್ರವಾಯಿತು.
ಗೋ ಮಹಿಮೆಯನ್ನು ವರ್ಣಿಸುವ ಶ್ಲೋಕದೊಂದಿಗೆ ಆರಂಭವಾದ ಪ್ರಸ್ತುತಿ ಗೋಮಾತೆಯನ್ನು ಅಪಮಾನಿಸಿದರೆ ಉಂಟಾಗುವ ಕ್ಲೇಶ - ದೋಷಗಳನ್ನು ಗೋ ಸೇವೆಯಿಂದಲೇ ಮುಕ್ತವಾಗಿಸಿ ಸಂತಾನ ಭಾಗ್ಯ ಪಡೆದುಕೊಂಡ ದಿಲೀಪನ ಕಥಾ ಹಂದರವನ್ನು ಧರ್ಮಧೇನು ನೃತ್ಯ ರೂಪಕ ಹೊಂದಿತ್ತು.
ಗೋ ಸೇವೆಯ ಮಹತ್ವ ಹಾಗೂ ಪಾವಿತ್ರ್ಯತೆಗೆ ಧರ್ಮಧೇನು ನೃತ್ಯ ರೂಪಕ ಪೂರ್ವರಂಗವಾಯಿತು. ಕಾಳಿದಾಸನ ರಘುವಂಶದ ಕಥೆಯನ್ನು ಆಧರಿಸಿ ಕವಿತಾ ಅಡೂರು ಇವರ ರಚನೆಯಲ್ಲಿ ಕಥಾವಸ್ತು ಮೂಡಿ ಬಂತು ವಿದುಷಿ ಮಂಜುಳಾ ಸುಬ್ರಹ್ಮಣ್ಯ ಅವರ ಪರಿಕಲ್ಪನೆ ಹಾಗೂ ನಿರ್ದೇಶನದಲ್ಲಿ, ಸಂಗೀತ ಧನ್ಯತಾ ವಿನಯ್, ಲಯ ವಿನ್ಯಾಸ ಹಾಗೂ ನಟವಾಂಗದಲ್ಲಿ ಮಂಜುನಾಥ್ ಎನ್ ಪುತ್ತೂರು, ಕೊಳಲಿನಲ್ಲಿ ಕೃಷ್ಣ ಗೋಪಾಲ ಪುತ್ತೂರು, ಹಾಡುಗಾರಿಕೆಯಲ್ಲಿ ಸಾತ್ವಿಕ್ ಬೆಡೆಕರ್, ಮೃದಂಗದಲ್ಲಿ ಪವನ ಮಾಧವ್ ಮಸೂರು ಬೆಂಗಳೂರು, ಕೀಬೋರ್ಡ್ ನಲ್ಲಿ ಪ್ರಮತೇಶ್, ಪ್ರಸಾಧನದಲ್ಲಿ ಶಿವರಾಮ ಕಲ್ಮಡ್ಕ , ಬೆಳಕಿನ ವಿನ್ಯಾಸದಲ್ಲಿ ಪ್ರವೀಣ್ ಬಜಾಲ್ ಸಹಕರಿಸಿದರು. ವಿದುಷಿ ಮಂಜುಳ ಸುಬ್ರಹ್ಮಣ್ಯ ,ವಿನಿತಾ ಶೆಟ್ಟಿ, ವೀಣಾ ಪ್ರತಾಪ ಸಿಂಹ, ರುದ್ದಿ ವಿಜಯಕುಮಾರ್ ಶೆಟ್ಟಿ, ಅವನಿ ಬೆಳ್ಳಾರೆ ಅಭೀಕ್ಷಾ ಜಿ ರಾವ್, ಶರ್ವೀನಾಶೆಟ್ಟಿ, ಕೀರ್ತನಾ ವರ್ಮ, ಶ್ರೇಯಾ ರಾವ್ ಮತ್ತು ಅವನಿ ಕಲ್ಲೂರಾಯ ಇವರನ್ನೊಳಗೊಂಡ ಕಲಾವಿದರ ತಂಡ ನೃತ್ಯ ರೂಪಕವನ್ನು ಪ್ರಸ್ತುತಪಡಿಸಿದರು.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪ್‌ಗೆ ಜಾಯಿನ್ ಆಗಲು ಈ ಲಿಂಕ್ ಕ್ಲಿಕ್ ಮಾಡಿ
