ಮಕ್ಕಳ ಸಾಹಿತ್ಯಕ್ಕೆ ಪ್ರೋತ್ಸಾಹ ಅಗತ್ಯ: ಧನಂಜಯ ಕುಂಬ್ಳೆ
ಮುಡಿಪು: ಎಳೆಯ ಮಕ್ಳಳಿಗೆ ಮೌಲ್ಯ ಮತ್ತು ಮನರಂಜನೆ ನೀಡುವ ಸಾಹಿತ್ಯ ರಚನೆಗೆ ಸರಕಾರ ಮತ್ತು ಸಮಾಜ ಉತ್ತೇಜನ ನೀಡುವ ಅಗತ್ಯವಿದೆ. ಹಾಸ್ಯದ ಮೂಲಕ ಮಕ್ಕಳನ್ನು ಸುಲಭದಲ್ಲಿ ಆಕರ್ಷಿಸಬಹುದಾಗಿದೆ ಎಂದು ದಕ್ಷಿಣ ಕನ್ನಡ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ಉಳ್ಳಾಲ ತಾಲೂಕು ಘಟಕದ ಅಧ್ಯಕ್ಷರಾದ ಡಾ. ಧನಂಜಯ ಕುಂಬ್ಳೆ ಅವರು ಅಭಿಪ್ರಾಯಪಟ್ಟರು.
ಅವರು ಪಾವೂರು ಮಲಾರ್ ಇಲ್ಲಿನ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಉಳ್ಳಾಲ ತಾಲೂಕು ಸಾಹಿತ್ಯ ಪರಿಷತ್ತಿನ ವತಿಯಿಂದ ನಡೆದ 'ಚಿಣ್ಣರಿಗೆ ಹಾಸ್ಯ ಸಿಂಚನ' ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದರು.
ಆರೋಗ್ಯಪೂರ್ಣ ಮನಸ್ಸಿಗೆ ನಗುವೇ ದಿವ್ಯೌಷಧ. ಕನ್ನಡದ ಶಿಶುಪ್ರಾಸಗಳಲ್ಲಿ, ಮಕ್ಕಳ ಕವಿತೆಗಳಲ್ಲಿ ಹಾಸ್ಯಕ್ಜೆ ಹೆಚ್ಚು ಒತ್ತು ಸಿಕ್ಕಿದೆ ಎಂದರು.
ನಿವೃತ್ತ ಮುಖ್ಯೋಪಾಧ್ಯಾಯರಾದ ಉಳ್ಳಾಲ ಕಸಾಪ ಕಾರ್ಯದರ್ಶಿ ರವೀಂದ್ರ ರೈ ಕಲ್ಲಿಮಾರು ಮಾತನಾಡಿ ಸಾಹಿತ್ಯದ ಅಭಿರುಚಿ ಮನುಷ್ಯನಲ್ಲಿ ಸಂಸ್ಕಾರವನ್ನುಂಟು ಮಾಡುತ್ತದೆ. ವಿದ್ಯಾರ್ಥಿಗಳಲ್ಲಿ ಸಾಹಿತ್ಯಾಭಿರುಚಿ ಹೆಚ್ಚಿಸುವ ಕಾರ್ಯವನ್ನು ಸಂಘ ಸಂಸ್ಥೆಗಳು ಮಾಡಬೇಕೆಂದು ಹೇಳಿದರು. ಸಮಾರಂಭದಲ್ಲಿ ಮುಖಂಡರಾದ ಶಂಕರಾನಂದ ಇನವಳ್ಳಿ, ಶಾಲಾ ಎಸ್ ಡಿ ಎಂಸಿ ಅಧ್ಯಕ್ಷ ನಾಸಿರ್, ಮುಖ್ಯ ಶಿಕ್ಷಕಿ ಶಕುಂತಲ,ಗಾಯಕ ಸುರೇಶ್ ಕೆ ರಾವ್ ತೊಕ್ಕೊಟ್ಟು, ಕಸಾಪದ ಪದಾಧಿಕಾರಿಗಳಾದ ಎಡ್ವರ್ಡ್ ಲೋಬೋ, ಗುಣಾಜೆ ರಾಮಚಂದ್ರ ಭಟ್, ಮಂಜುಳಾ ಜಿ.ರಾವ್ ಇರಾ, ಅಶ್ವಿನಿ ಕುರ್ನಾಡ್, ಮೊದಲಾದವರು ಇದ್ದರು.
ಉಳ್ಳಾಲ ಕಸಾಪ ಪಾವೂರು ಗ್ರಾಮ ಸಂಚಾಲಕರಾದ ರಾಧಾಕೃಷ್ಣ ರಾವ್ ಟಿ. ಡಿ. ಅವರು ಸ್ವಾಗತಿಸಿದರು. ಶಾಲಾ ಅಧ್ಯಾಪಿಕೆ ಸ್ಮಿತಾ ಅವರು ವಂದಿಸಿದರು. ಲೇಡಿಯಾ ಡಿಸೋಜ ಅವರು ಕಾರ್ಯಕ್ರಮವನ್ನು ನಿರೂಪಿಸಿದರು.
ಕಾರ್ಯಕ್ರಮದ ಅಂಗವಾಗಿ ಆಸಕ್ತಿ ಮಂಗಳೂರು ಕಲಾಸಕ್ತರ ಬಳಗ ಇವರಿಂದ ಶಾಲಾ ಮಕ್ಕಳಿಗೆ ಮಿಮಿಕ್ರಿ, ಕನ್ನಡ ಹಾಡು, ಹಾಸ್ಯ ಕವಿತೆಗಳನ್ನೊಳಗೊಂಡ ಹಾಸ್ಯ ಸಿಂಚನ ಕಾರ್ಯಕ್ರಮ ನಡೆಯಿತು.
ನಿರಂತರ ಅಪ್‌ಡೇಟ್‌ಗಳಿಗಾಗಿ ಉಪಯುಕ್ತ ನ್ಯೂಸ್‌ ಟೆಲಿಗ್ರಾಂ ಚಾನೆಲ್‌ಗೆ ಜಾಯಿನ್‌ ಆಗಿ
ಉಪಯುಕ್ತ ನ್ಯೂಸ್‌’ ಫೇಸ್‌ಬುಕ್ ಪುಟ ಲೈಕ್ ಮಾಡಿ
ಉಪಯುಕ್ತ ನ್ಯೂಸ್‌ ವಾಟ್ಸಪ್‌ ಗ್ರೂಪಿಗೆ ಸೇರಲು ಈ ಲಿಂಕ್ ಕ್ಲಿಕ್ ಮಾಡಿ
