ಓಲಾ, ಉಬರ್ ಆಟೋ ಬೆಲೆ ಇನ್ನು ಮುಂದೆ ದುಬಾರಿ

ಬೆಂಗಳೂರು: ಕೇಂದ್ರ ಸರ್ಕಾರವು ದೇಶದ ಎಲ್ಲಾ ವಿಚಾರಗಳಲ್ಲೂ ಅನೇಕ ಬದಲಾವಣೆಗಳನ್ನು ಮಾಡುತ್ತಿದ್ದು ಇದೀಗ ಓಲಾ, ಉಬರ್ ಅಥವಾ ಇತರೆ ರೈಡ್ ಹೇಲಿಂಗ್ ಅಪ್ಲಿಕೇಶನ್ ಗಳಿಂದ ಬುಕ್ ಮಾಡಲಾದ ಆಟೋ ದರಕ್ಕೆ 5% ಜಿಎಸ್.ಟಿ ವಿಧಿಸಲು ತೀರ್ಮಾನಿಸಿದೆ.

ಅಪ್ಲಿಕೇಶನ್ ನ ಹೊರಗೆ ಕಾರ್ಯನಿರ್ವಹಿಸುವ ಆಟೋಗಳು ಈ ಜಿಎಸ್ ಟಿ ವ್ಯಾಪ್ತಿಯಲ್ಲಿ ಬರುವುದಿಲ್ಲ. ಇನ್ನು ಬೆಂಗಳೂರು ಸಾರಿಗೆ ಪ್ರಾಧಿಕಾರವು ನಗರದಲ್ಲಿ ಆಟೋ ಪ್ರಯಾಣ ದರಗಳನ್ನು ಶೇಕಡ 15 ರಿಂದ 20% ಹೆಚ್ಚಿಸಿದ ಕೆಲವೇ ದಿನಗಳಲ್ಲಿ ಈ ಬೆಳವಣಿಗೆ ನಡೆದಿದೆ.

ಬೆಂಗಳೂರಿನಂತಹ ನಗರಗಳಲ್ಲಿ ಹೆಚ್ಚಾಗಿ ಜನರು ಓಲಾ, ಉಬರ್ ಮುಂತಾದ ಸಾರಿಗೆ ವ್ಯವಸ್ಥೆಯನ್ನೇ ಹೆಚ್ಚಾಗಿ ಅವಲಂಬಿಸುವುದರಿಂದ ಸರ್ಕಾರ ಅದರ ಮೇಲೂ ಐದು ಶೇಕಡ ಜಿಎಸ್ ಟಿ ದರವನ್ನು ವಿಧಿಸುವ ತೀರ್ಮಾನವನ್ನು ಕೈಗೊಳ್ಳಲಾಗಿದೆ.